କରୋନା କରୁଛି କଲବଲ : ସଙ୍ଗରୋଧ ପାଇଁ ଘରେ ସୁବିଧା ନଥିବାରୁ ଗଛ ମୂଳେ ଆଶ୍ରୟ ନେଇଥିଲେ ଯୁବକ
ଖବର ପାଇ କୋଭିଡ ଆକ୍ରାନ୍ତଙ୍କ ପାଖରେ ପହଂଚିଲା ପ୍ରଶାସନ; ପର୍ଲା କୋଭିଡ ହସ୍ପିଟାଲକୁ କରାଯାଇଛି ସ୍ଥାନାନ୍ତର
କନକ ବ୍ୟୁରୋ : କରୋନା ମହାମାରୀ କିଭଳି କଲବଲ କରୁଛି ତାର ବିକଳ ଚିତ୍ର ସବୁ ଆସିବାରେ ଲାଗିଛି । ଗଛମୂଳେ ଆଶ୍ରୟ ନେଲେ କରୋନା ଆକ୍ରାନ୍ତ । କଳାହାଣ୍ଡି କୋକସରା ବ୍ଲକ ଲିପାମାଲ ଗାଁରୁ ଆସିଛି ଏହିଭଳି ଚିନ୍ତାଜନକ ଦୃଶ୍ୟ । ମାଆଙ୍କୁ ଚିକିତ୍ସା କରାଇବା ପାଇଁ କ୍ଷୀରୋଦ ନାୟକ ଭବାନୀପାଟଣା ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । ସେଠାରେ ନିଜର କୋଭିଡ ପରୀକ୍ଷା କରାଇବା ପରେ ତାଙ୍କର ରିପୋର୍ଟ ପଜିଟିଭ ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ହେଲେ ଘରେ ସଂଗରୋଧରେ ରହିବା ପାଇଁ କୌଣସି ବ୍ୟବସ୍ଥା ନଥିବାରୁ, ପରିବାରର ଅନ୍ୟମାନଙ୍କୁ ସଂକ୍ରମଣରୁ ସୁରକ୍ଷା ଦେବାପାଇଁ ସେ ଗାଁ ମୁଣ୍ଡରେ ଥିବା ଏକ ଗଛମୂଳେ ଆଶ୍ରୟ ନେଇଥିଲେ । ପ୍ରାୟ ୩ଦିନ ଧରି ଗଛମୂଳେ ରହିବା ପରେ ଏହି ଖବର ଲୋକଲୋକଚନକୁ ଆସିଥିଲା । ଖବର ବ୍ୟାପିବା ପରେ ତତ୍ପରତା ପ୍ରକାଶ କଲା ସ୍ୱାସ୍ଥ୍ୟ ବିଭାଗ । ସ୍ଥାନୀୟ ପ୍ରଶାସନର ନିର୍ଦ୍ଦେଶରେ ତାଙ୍କୁ ସେଠାରୁ ଉଦ୍ଧାର କରି ପର୍ଲା କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା ।
ତେବେ ଆଶ୍ଚର୍ଯ୍ୟର କଥା ହେଉଛି ପଜିଟିଭ ଚିହ୍ନଟ ହେବାର ୩ଦିନ ଯାଏଁ ତାଙ୍କୁ ପରେ ମଧ୍ୟ ଆଶାକର୍ମୀ କିମ୍ବା ଆଙ୍ଗନବାଡି କର୍ମାଙ୍କ ନଜରକୁ ଏହି ଘଟଣା ଆସିନଥିଲା । ଏପରିକି ସ୍ଥାନୀୟ ସରପଂଚଙ୍କୁ ଜଣାଇଥିଲେ ମଧ୍ୟ କୌଣସି ପଦ କ୍ଷେପ ନେଇନଥିବା ଅଭିଯୋଗ ହୋଇଛି ।