ଭାରତରେ ପଶିଲା ବ୍ରିଟେନ ଭାଇରାସ । ୮ ବ୍ରିଟେନ ଫେରନ୍ତାଙ୍କ ଦେହରେ ନୂଆ ଷ୍ଟ୍ରେନ ଚିହ୍ନଟ । ବିଶେଷଜ୍ଞ କହିଲେ ମାରାତ୍ମକ ନୁହେଁ କରୋନାର ନୂଆ ରୂପ ।

206

କନକ ବ୍ୟୁରୋ: ଭାରତରେ କରୋନାର ବ୍ରିଟେନ ଷ୍ଟ୍ରେନ । ଭାରତରେ ବ୍ରିଟେନ କରୋନା ଭୂତାଣୁରେ ସଂକ୍ରମିତ ୮ ଜଣ ଚିହ୍ନଟ ହୋଇଛନ୍ତି । ଏମାନେ ସମସ୍ତେ ବ୍ରିଟେନ ଫେରନ୍ତା । ସରକାର ୟୁରୋପୀୟ ଦେଶରୁ ବିମାନ ଉଡାଣ ଉପରେ ଲଗାଇଥିବା ରୋକକୁ ଅଧିକ ସମୟ ପର୍ଯ୍ୟନ୍ତ ବୃଦ୍ଦି କରିବା ନେଇ ଚିନ୍ତା କରୁଛନ୍ତି । ସେପଟେ ସୋମବାର ଗୋଟିଏ ଦିନରେ ବ୍ରିଟେନରେ ୪୧ ହଜାର ୩୮୫ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ବ୍ରିଟେନରେ ଏହା ସର୍ବାଧିକ ସଂକ୍ରମଣର ଦିନ ।

ବ୍ରିଟେନ ସମେତ ବିଶ୍ୱର ୧୬ଟି ଦେଶକୁ ବ୍ୟାପି ସାରିଥିବା କରୋନାର ନୂଆ ରୂପ ଭାରତରେ ପହଂଚି ଯାଇଛି । ବିଶେଷଜ୍ଞଙ୍କ ମତରେ ଏହା ପୁରୁଣା କରୋନା ଭୂତାଣୁ ଅପେକ୍ଷା ଅଧିକ ବେଗରେ ସଂକ୍ରମିତ ହେଉଛି । ନୂଆ ରୂପରେ କରୋନା ପୂର୍ବାପେକ୍ଷା ୭୦ ପ୍ରତିଶତ ଦ୍ରୁତ ବେଗରେ ଲୋକଙ୍କୁ ସଂକ୍ରମଣ କରୁଛି । ଭାରତରେ ବ୍ରିଟେନ କରୋନା ଭୂତାଣୁରେ ସଂକ୍ରମିତ ୬ ଜଣ ଚିହ୍ନଟ ହୋଇଛନ୍ତି । ଏମାନେ ସମସ୍ତେ ବ୍ରିଟେନ ଫେରନ୍ତା । ଏବେ ସରକାର ୟୁରୋପୀୟ ଦେଶରୁ ବିମାନ ଉଡାଣ ଉପରେ ରୋକ ଲଗାଇଛନ୍ତି ।

ଭାରତରେ ନୂଆ ରୂପରେ କରୋନା
– ୨୫ ନଭେମ୍ବରରୁ ୨୩ ଡିସେମ୍ବର ମଧ୍ୟରେ ମୋଟ୍ ୩୩ ହଜାର ଲୋକ ବ୍ରିଟେନରୁ ଫେରିଛନ୍ତି
– ଦେଶର ଅଲଗା ଅଲଗା ଏୟାରପୋର୍ଟ ଦେଇ ଏମାନେ ବିଭିନ୍ନ ଅଂଚଳରେ ପହଂଚିସାରିଛନ୍ତି
– ଏହି ବ୍ରିଟେନ ଫେରନ୍ତାଙ୍କ ଭିତରୁ ୧୪୪ ଜଣ କରୋନା ଭୂତାଣୁ ପଜିଟିଭ ଚିହ୍ନଟ ହୋଇଥିଲେ
– ଏମାନଙ୍କ ନମୂନାର ଜେନମ ସିକ୍ୱେନ୍ସିଂ ପାଇଁ ଦେଶର ୧୦ଟି ପ୍ରୟୋଗଶାଳାକୁ ପଠା ଯାଇଥିଲା
– ପରୀକ୍ଷା ପରେ ଏମାନଙ୍କ ଭିତରୁ ୬ ଜଣଙ୍କଠାରେ କରୋନାର ନୂଆ ଷ୍ଟ୍ରେନ ଦେଖିବାକୁ ମିଳିଛି
– ବେଙ୍ଗାଳୁରୁରୁ ୩, ହାଇଦ୍ରାବାଦରୁ ୨ ଓ ପୁଣେ ଲାବୋରେଟୋରୀରୁ ଗୋଟିଏ ଚିହ୍ନଟ ହୋଇଛି

ଭାରତରେ ଏବେ ୧ କୋଟି ୨ ଲକ୍ଷରୁ ଅଧିକ କରୋନା ସଂକ୍ରମିତ ରହିଛନ୍ତି । ୧ ଲକ୍ଷ ୪୭ ହଜାରରୁ ଅଧିକ ଜୀବନ ନେଇସାରିଲାଣି ଏହି ମହାମାରୀ । ବର୍ତମାନ ସଂକ୍ରମିତଙ୍କ ସଂଖ୍ୟା ମଧ୍ୟ ଅଧିକ ରହିଛି । ତେଣୁ ଏଭଳି ସ୍ଥିତିରେ ଯଦି କରୋନାର ଏହି ନୂଆ ରୂପକୁ ଅନୁକୂଳ ପରିବେଷ ମିଳିଲା, ତାହାହେଲେ ଏହା ଅଧିକ କ୍ଷୟକ୍ଷତି କରିବା ଆଶଙ୍କା ରହିଛି ।

ପ୍ରତ୍ୟେକ ଜୀବର ଏକ ଜିନୋମ ରହିଛି । ଅର୍ଥାତ ଆମ ଜିନର ଷ୍ଟେନ ପାଟର୍ଣ୍ଣ । ଅନେକ ସମୟରେ ଏହି ପାଟର୍ଣ୍ଣରେ ପରିବର୍ତନ ଆସିଏଥା, କିନ୍ତୁ ମଣିଷ ଭଳି ବିକଶିତ ଜୀବ ଏହାକୁ ଆପେ ଠିକ କରିଦିଏ । କିନ୍ତୁ ଭୂତାଣୁ ଏହି ପରିବର୍ତନକୁ ଠିକ କରିପାରେ ନାହିଁ । ସେହିପରି ଯେଉଁ ଭୂତାଣୁରେ ଆରଏନଏ ଜେନିଟିକ ମେଟେରିଆଲ ଥାଏ ସେଗୁଡିକ ଏଭଳି ପରିବର୍ତନ କ୍ଷେତ୍ରରେ ଆହୁରି ଦୁର୍ବଳ । ଏମାନେ ଜିନରେ ଆସୁଥିବା ପରିବର୍ତନକୁ ଠିକ କରିପାରନ୍ତି ନାହିଁ । ତେଣୁ ଏହି ପରିବର୍ତନ ସ୍ଥାୟୀ ରୂପରେ ରହିଯାଏ । ଏହାକୁ ମ୍ୟୁଟେସନ କୁହାଯାଏ । କରୋନାର ନୂଆ ଷ୍ଟ୍ରେନର ଅର୍ଥ କରୋନା ଭୂତାଣୁର ଜିନୋମରେ ଆସିଥିବା ପରିବର୍ତନକୁ ଏହା ଠିକ କରିପାରିନାହିଁ ତେଣୁ ଏହା ଏକ ନୂଆପ୍ରକାର ଭୂତାଣୁ ।

ବ୍ରିଟେନରେ ଦେଖାଦେଇଥିବା କରୋନାର ନୂଆ ଷ୍ଟ୍ରେନ ଅଧିକ ବେଗରେ ସଂକ୍ରମଣ ହେଉଛି । କିନ୍ତୁ ଏହା ଅଧିକ ମାରାତ୍ମକ ନୁହେଁ । କିନ୍ତୁ ଆକ୍ରାନ୍ତଙ୍କଠାରେ ନୂଆ ଲକ୍ଷଣ ଦେଖାଦେଉଛି । ବଡି ପେନ୍ କାରଣରୁ ଶୋଇବାରେ ମଧ୍ୟ କଷ୍ଟ ଅନୁଭବ ହେଉଛି । ଏବଂ ପୂର୍ବ ଭୂତାଣୁ ପରି ଅନ୍ୟାନ୍ୟ ଲକ୍ଷଣ ସମାନ ରହିଛି । ଏହାରି ଭିତରେ ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ପ୍ରତ୍ୟେକ ଦେଶ ବର୍ତମାନର ସଂକ୍ରମିତଙ୍କ ମଧ୍ୟରୁ ଶୂନ ଦଶମିକ ୩୩ ପ୍ରତିଶତଙ୍କର ଜିନୋମ ସିକ୍ୱେନ୍ସିଂ କରାଇବେ । ଫଳରେ କେଉଁଠି କରୋନାର କିଭଳି ଷ୍ଟ୍ରେନ ରହିଛି ତାହା ଜଣାପଡିବ ।

Comments are closed.