/kanak/media/agency_attachments/2024-07-23t061209958z-vpn68eiq1eknckql8r0y.jpg)
Follow Us/kanak/media/post_attachments/wp-content/uploads/2021/07/210531163411-01-tokyo-2020-olympics-file-jan-2021-exlarge-169.jpg)
TOKYO, JAPAN - JANUARY 22: People wearing face masks walk past the Olympic Rings on January 22, 2021 in Tokyo, Japan. With just six months to go until the start of the Games, it has been reported that the Japanese authorities have privately concluded that the Olympics could not proceed due to the ongoing Covid-19 coronavirus pandemic. Spokesmen from the IOC and Japanese government have since rejected the report. (Photo by Carl Court/Getty Images)
କନକ ବ୍ୟୁରୋ: ଜାପାନ ରାଜଧାନୀ ଟୋକିଓରେ ଆସନ୍ତା ୨୩ ଜୁଲାଇରୁ ଆରମ୍ଭ ହେବାକୁ ଯାଉଛି ଅଲିମ୍ପିକ୍ସ-୨୦୨୦ । କରୋନା କାଳରେ ଅନେକ ପ୍ରତିବନ୍ଧକ ମଧ୍ୟରେ ଅଲିମ୍ପିକ୍ସ-୨୦୨୦ କରିବାକୁ ଯାଉଛି ଜାପାନ । ହେଲେ ଅଲିମ୍ପିକ୍ସ ଆରମ୍ଭ ହେବା ଆଗରୁ ଟୋକିଓ ଉପରେ କୋଭିଡ୍-୧୯ ଆତଙ୍କ ଦେଖିବାକୁ ମିଳିଲାଣି ।
ଟୋକିଓ ଅଲିମ୍ପିକ୍ସ-୨୦୨୦ ଆରମ୍ଭ ହେବା ପୂର୍ବରୁ ଏଠାରେ ଦେଖିବାକୁ ମିଳିଲାଣି କରୋନାର ଆତଙ୍କ । ଅଲିମ୍ପିକ୍ସରେ ଭାଗ ନେବାକୁ ଥିବା ଜଣେ ଆଥଲେଟ୍ ଏବଂ ଅଲମ୍ପିକ୍ସର ୪ କର୍ମଚାରୀ କରୋନାରେ ଆକ୍ରାନ୍ତ ହୋଇଥିବା ସୂଚନା ମିଳିଛି । ଏହାପରେ ଅଲିମ୍ପିକ୍ସ କ୍ୟାମ୍ପରେ କରୋନା ବ୍ୟାପୁଥିବା ଆଶଙ୍କା କରାଯାଉଛି । ସେମାନେ ଋଷର ଖେଳାଳୀଙ୍କ ଠାରୁ ସଂକ୍ରମିତ ହୋଇଥିବା ଜଣା ପଡିଛି । ଅଲିମ୍ପିକ୍ସରେ ଭାଗ ନେବାକୁ ଆସିଥିବା ଋଷର ରକ୍ବି ଟିମ୍ ଏବଂ ଜୁଡୋ ଖେଳାଳୀଙ୍କ ମଧ୍ୟରେ କିଛି ଖେଳାଳୀ ପୂର୍ବରୁ ସଂକ୍ରମିତ ଥିଲେ ଏବଂ ସେମାନଙ୍କ ସଂସ୍ପର୍ଶରେ ଆସି ଆହୁରି ଅନ୍ୟ ଲୋକ ଏବଂ ଅଲିମ୍ପିକ୍ସ କର୍ମଚାରୀ କରୋନାରେ ଆକ୍ରାନ୍ତ ହୋଇଥିବା ଜଣାପଡିଛି । ପ୍ରତ୍ୟେକ ଆକ୍ରାନ୍ତଙ୍କୁ ଡାକ୍ତରଖାନାରେ ଭର୍ତି କରାଯାଇଛି ।
ଅଲିମ୍ପିକ୍ସ ତାରିଖ ଯେତିକି ଯେତିକି ପାଖେଇ ଆସୁଛି, ଖେଳାଳୀଙ୍କ ମଧ୍ୟରେ ସଂକ୍ରମଣ ସେତିକି ବଢି ବଢି ଚାଲିଛି । ଆଉ ଆଗକୁ ଆହୁରି ବି ଖେଳାଳୀ ଆକ୍ରାନ୍ତ ହୋଇ ପାରନ୍ତି ବୋଲି ଆଶଙ୍କା କରାଯାଉଛି ।
ସେପଟେ ଟୋକିଓରେ କୋଭିଡ୍ -୧୯ ପାଇଁ ଏମରଜେନ୍ସି ଲାଗୁ ହୋଇଥିଲେ ବି, ଏଠାରେ ସଂକ୍ରମଣ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଗୁରୁବାର ଟୋକିଓରେ ୧,୩୦୮ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାହା ଗତ ୬ ମାସ ମଧ୍ୟରେ ସବୁଠାରୁ ଅଧିକ । ଅଲିମ୍ପିକ୍ସକୁ ନଜରରେ ରଖି ଟୋକିଓରେ ଅନେକ କଟକଣା ଲାଗୁ ହୋଇଛି । ରେସ୍ତୁରାଁ ଓ ବାର ଶୀଘ୍ର ବନ୍ଦ କରିବାକୁ ଟୋକିଓ ପ୍ରଶାସନ ନିର୍ଦ୍ଦେଶ ଦେଇଛି ।
ଅଲିମ୍ପିକ୍ସ ପାଇଁ ଜୁଲାଇ ମାସ ଆରମ୍ଭରୁ ହିଁ ଟୋକିଓରେ ଖେଳାଳୀମାନେ ପହଁଚିବା ଆରମ୍ଭ କରି ଦେଲେଣି । ଏହାସହ ଟୋକିଓରେ କରୋନା ଆତଙ୍କର ଆଶଙ୍କା ମଧ୍ୟ ବଢି ଯାଇଛି । ଆଗକୁ ଟୋକିଓ କୋଭିଡ୍-୧୯ର ସୁପର ସ୍ପ୍ରେଡର ହୋଇପାରେ ବୋଲି ବିଶେଷଜ୍ଞମାନେ ମତ ଦେଇଛନ୍ତି ।
ଜାପାନରେ ଜୁନ ମାସରୁ ଦୈନିକ ସଂକ୍ରମଣ ସଂଖ୍ୟା ବଢିବାରେ ଲାଗିଛି । ବିଶେଷଜ୍ଞଙ୍କ କହିବା କଥା ଏହି ସଂଖ୍ୟା ଅଲିମ୍ପିକ୍ସ ବେଳେ ଦୈନିକ ହଜାର ହଜାର ହେବାର ସମ୍ଭାବନା ରହିଛି । ଜାପାନରେ ବର୍ତମାନ ସୁଦ୍ଧା ୮ଲକ୍ଷ୨୮ହଜାର କରୋନାରେ ସଂକ୍ରମିତ ହୋଇଛନ୍ତି ଏବଂ ୧୫ ହଜାର ଲୋକ ମହାମାରୀରେ ପ୍ରାଣ ହରାଇଛନ୍ତି ।