କନକ ବ୍ୟୁରୋ : କରୋନା ଭୂତାଣୁ ସଂକ୍ରମଣ ସମ୍ମୁଖରେ ଅସହାୟ ହୋଇପଡିଛି ସୁପର ପାୱାର ଆମେରିକା । ଏଠାରେ ଲଗାତର ୨୩ଦିନ ହେଲା ଦିନକୁ ୧ଲକ୍ଷରୁ ଅଧିକ ନୂଆ ସଂକ୍ରମଣ ସାମ୍ନାକୁ ଆସୁଛି । ଗତକିଛି ଦିନ ହେଲଶ ପ୍ରତିଦିନ ୧ଲକ୍ଷରୁ ଅଧିକ ଲୋକ ଭୂତାଣୁ ସଂକ୍ରମିତ ହେଉଛନ୍ତି । ଗତ ବୁଧବାର ଅର୍ଥାତ ନଭେମ୍ବର ୨୫ତାରିଖ ଦିନ ଏକ ଅଲୋଡା ରେକର୍ଡ କରିଛି ଆମେରିକା ।
Kanak News is now on WhatsApp
Join and get latest news updates delivered to you via WhatsApp
ଜନ୍ ହପକିନ୍ସ ବିଶ୍ୱବିଦ୍ୟାଳୟର ତଥ୍ୟ ଅନୁସାରେ ଆମେରିକାରେ ବୁଧବାର ଦିନ ୧ଲକ୍ଷ ୮୧ହଜାର ୪୯୦ନୂଆ ସଂକ୍ରମଣ ଚିହଟ ହୋଇଥିବା ବେଳେ ୨ହଜାର ୪୯୭ଜଣଙ୍କର ମୃତ୍ୟୁ ହୋଇଛି । ଯାହା ଗତ ୬ମାସର ରେକର୍ଡକୁ ଭାଙ୍ଗିଦେଇଛି । ଏହାସହ ଆମେରିକାରେ ମୋଟ ସଂକ୍ରମିତଙ୍କ ସଂଖ୍ୟା ୧କୋଟି ୨୮ଲକ୍ଷ ୮୫ହଜାର ୨୯୯କୁ ବୃଦ୍ଧି ପାଇଥିବା ବେଳେ ୨ଲକ୍ଷ ୬୩ହଜାର ୪୬୨ଜଣ ଭୂତାଣୁ ସଂକ୍ରମିତଙ୍କର ମୃତ୍ୟୁ ହୋଇଛି ।
ଆମେରିକା ପରେ ସବୁଠୁ ଅଧିକ ପ୍ରଭାବିତ ହୋଇଛନ୍ତି ଭାରତ ଓ ବ୍ରାଜିଲ । ଆମେରିକାରେ ସକ୍ରୀୟ ମାମଲା ବଢି ୫୧ଲକ୍ଷରେ ପହଂଚିଛି । ଏପଟେ ଭାରତରେ ସୁସ୍ଥ ହାର ୯୪ପ୍ରତିଶତ ରହିଛି । ଅର୍ଥାତ ମୋଟ ୯୩ ଲକ୍ଷ ୯ହଜାର ୮୭୮ ସଂକ୍ରମିତଙ୍କ ମଧ୍ୟରୁ ୮୭ଲକ୍ଷ ୧୮ହଜାର ୫୧୭ ସୁସ୍ଥ ହୋଇସାରିଛନ୍ତି । ଭାରତରେ ୫ଲକ୍ଷଠାରୁ କମ୍ ସକ୍ରୀୟ ମାମଲା ରହିଛି । ସେପଟେ ସବୁଠୁ ପ୍ରଭାବିତ ତାଲିକାର ତୃତୀୟରେ ଥିବା ବ୍ରାଜିଲରେ ୫ଲକ୍ଷରୁ ଅଧିକ ସକ୍ରୀୟ ମାମଲା ଥିବା ବେଳେ ୫୫ଲକ୍ଷ ଲୋକ ସୁସ୍ଥ ହୋଇଛନ୍ତି ।
ଆମେରିକାରେ ସଂକ୍ରମଣ ବଢୁଥିବାରୁ ହସ୍ପିଟାଲ ଗୁଡିକରେ ବେଡ ଅଭାବ ହୋଇଥିବା ଦେଖିବାକୁ ମିଳିଛି । ଆମେରିକାର ସବୁ ଛୋଟ ଛୋଟ ସହରରେ କାୟା ବିସ୍ତାର କରୁଥିବା କରୋନା ଏବେ ଛୋଟ ଛୋଟ ସହରକୁ ମଧ୍ୟ ବ୍ୟାପିବାରେ ଲାଗିଲାଣି । ସେପଟେ ସାରା ବିଶ୍ୱରେ ମୋଟ ଆକ୍ରାନ୍ତଙ୍କ ସଂଖ୍ୟା ୬କୋଟି ୮ଲକ୍ଷ ଅତିକ୍ରମ କରିଥିବାବେଳେ ମହାମାରୀରେ ୧୪ଲକ୍ଷ ୨୯ ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଛି ।