ନିର୍ଦ୍ଦେଶ ମାନିଲେନି ତଣ୍ଡ ଗଣିଲେ ବସ ମାଲିକ । ଦୂରଗାମୀ ବସ ସେବା ବାତିଲ ପରେ ମାଲକାନଗିରି ଜିଲ୍ଲା ପ୍ରଶାସନର ଚଢାଉ, ଦୁଇଟି ବସ ଉପରେ ୩୬ ହଜାର ଟଙ୍କାର ଫାଇନ୍
କନକ ବ୍ୟୁରୋ: ‘କରୋନା’ ମୁକାବିଲା ନିର୍ଦ୍ଦେଶ ନ ମାନି ତଣ୍ଡ ଗଣିଲେ ବସ ମାଲିକ । କରୋନା ଯୋଗୁ ମାଲକାନଗିରି ଜିଲ୍ଲାର ସମସ୍ତ ଦୂରଗାମୀ ବସ ସେବା ବାତିଲ କରିଛି ଜିଲ୍ଲା ପ୍ରଶାନ । ଆଉ ନିୟମ ଖିଲାପକାରି ବସ ଗୁଡିକ ଉପରେ ଜିଲ୍ଲା ପ୍ରଶାସନ ଚଢାଉ କରି ତଣ୍ଡ ଆଦାୟ କରି ଥିବା ସହ ଯାତ୍ରୀ ମାନଙ୍କୁ କରୋନା ସମ୍ପର୍କରେ ସଚେତନ କରାଇଛନ୍ତି ମାଲକାନଗିରି ଉପ ଜିଲ୍ଲାପାଳ ଓ ପୁଲିସ ବାବୁ । ହାଇଦ୍ରାବାଦ ଯାଉ ଥିବା ଦୁଇଟି ବସକୁ ଯାଂଚ କରା ଯାଇ ସେମାନଙ୍କୁ ଠାରୁ ୧୦୫୦୦.୦୦ ଓ ୨୫୫୦୦.୦୦ ଟଙ୍କା ତଣ୍ଡ ଆଦାୟ କରା ଯାଇ ବସ ଗୁଡିକୁ ସିଜ କରା ଯାଇଛି । ଆଉ ଯାତ୍ରୀଙ୍କୁ ବାହାରକୁ ଯାତ୍ରା ନ କରି ଘରେ ରହିବାକୁ ପରାମର୍ଶ ଦିଆ ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା କି, ‘ବିଶ୍ୱ ମହାମାରୀ’ କରୋନା ରାଜ୍ୟ ବିପର୍ଯ୍ୟୟ ଘୋଷଣା ପରେ ପରେ ଗତକାଲି ରାଜ୍ୟରେ ପ୍ରଥମ କରୋନା ଆକ୍ରାନ୍ତ ଚିହ୍ନଟ ହେବା ପରେ ସତର୍କତାକୁ ବଢ଼ାଇ ଦେଇଛନ୍ତି ରାଜ୍ୟସରକାର । ତେବେ ଏହାରି ଭିତରେ ରାଜ୍ୟ ସରକାରଙ୍କ କଡ଼ା ବାରଣ ପରେ ମଧ୍ୟ ନିୟମକୁ ହେଜ୍ଞାନ କରି ନିର୍ଦ୍ଦେଶ ଅବମାନନା କରୁଛନ୍ତି କିଛି ବସ୍ ମାଲିକ । ତେଣୁ ନିୟମ ଉଲ୍ଲଂଘନ କରିବା ହେତୁ ହାଇଦ୍ରାବାଦ ଯାଉ ଥିବା ଦୁଇଟି ବସ ଉପରେ ଆଇନଗତ କାର୍ଯ୍ୟାନୁଷ୍ଠାନ ନେଇ ସେମାନଙ୍କୁ ଠାରୁ ୧୦ ହଜାର ୫୦୦ ଟଙ୍କା ଓ ୨୫ ହଜାର ୫୦୦ ଟଙ୍କା ଲଗାଇଛନ୍ତି ପ୍ରଶାସନ ।