ଚୀନରେ ବଢୁଛି କରୋନା ସଂକ୍ରମଣ । ବିଶ୍ୱ ସ୍ୱାସ୍ଥ୍ୟ ସଂଗଠନର ସ୍ୱାସ୍ଥ୍ୟ ବିଶେଷଜ୍ଞଙ୍କ ବୟାନ ବଢାଇଲା ଚିନ୍ତା ।
କନକ ବ୍ୟୁରୋ : ଚୀନରେ ବଢୁଛି କରୋନା ସଂକ୍ରମଣ । ଯାହାକୁ ନେଇ ଚୀନ କଠୋର କଟକଣା ଲାଗୁ କରୁଛି । ସେପଟେ ମହାମାରି ଶେଷ ହେଇଗଲା ଭାବି ଅନେକ ଦେଶ କୋଭିଡ କଟକଣାକୁ ସମ୍ପୂର୍ଣ୍ଣ ହଟେଇ ଦେଇଛନ୍ତି । ଏହା ଭିତରେ ବିଶ୍ୱ ସ୍ୱାସ୍ଥ୍ୟ ସଂଗଠନର ସ୍ୱାସ୍ଥ୍ୟ ବିଶେଷଜ୍ଞ ମାରିଆ ୱାନ ଖେରଖୋଭ ଏକ ବୟାନ ଚିନ୍ତା ବଢାଇଛି । ଡବ୍ଲ୍ୟୁଏଚଓ ସ୍ୱାସ୍ଥ୍ୟ ବିଶେଷଜ୍ଞ କହିଛନ୍ତି ବିଶ୍ୱର ବିଭିନ୍ନ ସ୍ଥାନରେ ସଂକ୍ରମଣ ବୃଦ୍ଧି ପାଉଛି ଓ ଯେଉଁ ସ୍ଥାନରେ କଟକଣା ହଟାଯାଇଛି ସେଠି ମଧ୍ୟ ସଂକ୍ରମଣ ବୃଦ୍ଧି ପାଉଛି ।
Kanak News is now on WhatsApp
Join and get latest news updates delivered to you via WhatsApp
ଚୀନରେ ଏବେ ଯେଉଁ ଗତିରେ କରୋନା ସଂକ୍ରମଣ ବୃଦ୍ଧି ପାଉଛି ତାହା ସାରା ବିଶ୍ୱର ଚିନ୍ତାକୁ ପୁଣି ପକାଇଛି । ଏହା ଭିତରେ ବିଶ୍ୱ ସ୍ୱାସ୍ଥ୍ୟ ସଂଗଠନର ମହାମାରୀ ବିଶେଷଜ୍ଞ ମାରିଆ ୱାନ ଖେରଖୋଭଙ୍କ ଏକ ବୟାନ ଚିନ୍ତାକୁ ବୃଦ୍ଧି କରିଛି । ଡବ୍ଲ୍ୟୁଏଚଓର ମହାମାରୀ ବିଶେଷଜ୍ଞ ମାରିଆ କହିଛନ୍ତି ଯେ ଗତ କିଛି ଦିନ ହେବ ବିଶ୍ୱର ଅନେକ ସ୍ଥାନରେ ସଂକ୍ରମଣ ବେଶ କମ ରହିଥିବାବେଳେ କ୍ରମଶଃ ଏହା ବୃଦ୍ଧି ପାଉଛି । ଏଥିସହ ସତର୍କ କରାଇ ସ୍ୱାସ୍ଥ୍ୟ ବିଶେଷଜ୍ଞ କହିଛନ୍ତି ଯେଉଁ ସ୍ଥାନରୁ କଟକଣା ସମ୍ପୂର୍ଣ୍ଣ ଭାବେ ହଟାଯାଇଛି ସେହି ସ୍ଥାନରେ ସଂକ୍ରମଣ ପୁଣି ବୃଦ୍ଧି ପାଉଛି ।
ଟିକା ମୃତ୍ୟୁ ଓ ଗମ୍ଭୀର ବେମାରୀ ଉପରେ ପ୍ରଭାବୀ ସତ କିନ୍ତୁ ସମ୍ପୂର୍ଣ୍ଣଭାବେ ସଂକ୍ରମଣ ରୋକିବାକୁ ସଫଳ ହେଉନି । ଏଥିସହ ଓମିକ୍ରନର ସବ ଭ୍ୟାରିଆଂଟ ଯୋଗୁଁ ବିଶ୍ୱର ବିଭିନ୍ନ ସ୍ଥାନରେ ପୁଣି ସଂକ୍ରମଣ ବଢୁଛି । ଏହି ସବଭ୍ୟାରିଆଂଟ ଅଧିକ ସଂକ୍ରାମକ ପ୍ରକୃତି ହେଉଥିବାରୁ ସଂକ୍ରମଣ ଦ୍ରୁତି ଗତିରେ ବ୍ୟାପୁଛି । ଏଥିସହ ସେ କହିଛନ୍ତି ବିପଦରୁ ବଂଚିବା ପାଇଁ ସାରା ବିଶ୍ୱକୁ ସମ୍ପୂର୍ଣ୍ଣ ଟିକାକରଣ କରିବା ଆବଶ୍ୟକ ରହିଛି ବୋଲି ମାରିଆ ନିଜର ମତାମତ ଦେଇଛନ୍ତି । ଡବ୍ଲ୍ୟୁଏଚଓ ରିପୋର୍ଟ ଅନୁସାରେ ମାର୍ଚ୍ଚ ୧୩-୧୭ ମଧ୍ୟରେ ସାରା ବିଶ୍ୱରେ ସଂକ୍ରମଣ ସଂଖ୍ୟା ୮ପ୍ରତିଶତ ବୃଦ୍ଧି ପାଇଛି । । ସର୍ବାଧିକ ସଂକ୍ରମଣ ମାମଲା କୋରିଆରୁ ଚିହ୍ନଟ ହେଉଛି । ୨ୟରେ ରହିଛି ଭିଏତନାମ ଓ ୩ୟରେ ଜର୍ମାନୀ ରହିଛି ।
ସେପଟେ ମହାମାରି ଶେଷ ହେଇଗଲା ଭାବି ଅନେକ ଦେଶ କଟକଣା କୁ ହଟାଇ ଦେଇଛନ୍ତି ଯାହା ଆଗମି ଦିନରେ ବିପଦ ଆଣିପାରେ ବୋଲି ହୁ ନିର୍ଦ୍ଦେଶକ ଟେଡରସ ଆଧାନମ ସତର୍କ କରାଇଛନ୍ତି । ଚାଇନାରେ ଆଣାୟତ ହେବାରେ ଲାଗିଛି କୋଭିଡ ପରିସ୍ଥିତି । ଗତ ୨୪ ଘଂଟା ମଧ୍ୟରେ ଚାଇନାରେ ୩ ହଜାର ୫ ଶହ ୭ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆକ୍ରାନ୍ତଙ୍କ ମଧ୍ୟରୁ ସର୍ବାଧିକ ସ୍ଥାନୀୟ ସଂକ୍ରମିତ ହୋଇଥିବା ଜଣାପଡିଛି । ବଢୁଥିବା ସଂକ୍ରମଣ ଚୀନ ସରକାରର ଚିନ୍ତା ବଢାଇଛି । ପରିସ୍ଥିତିକୁ ନିୟନ୍ତ୍ରଣ କରିବାକୁ ଯାଇ କଠୋର ନୀତି ଆପଣେଇଛି ଚୀନ । ମଙ୍ଗଳବାର ସୁଦ୍ଧା ୧୩ ଟି ବଡ ସହରରେ ଲକଡାଉନ ଯାରି କରିଛି ଚୀନ । ଯାହା ଫଳରେ କୋଟି କୋଟି ଲୋକ ଘର ବନ୍ଦୀ ହୋଇ ରହିଛନ୍ତି । ଚୀନରେ ହୁ ହୁ ହୋଇଛି ବଢୁଛି କରୋନା ସଂକ୍ରମଣ ସେପଟେ ବିଶ୍ୱ ସ୍ୱାସ୍ଥ୍ୟ ସଂଗଠନର ସର୍ତକବାଣୀ ବିଶ୍ୱର ଚିନ୍ତା ବଢାଇଛି ।