ଚୀନରେ କରୋନାର ନୂଆ ଲହର । ୧୫ ଶହ ଛାତ୍ରଙ୍କୁ କରାଗଲା ଆଇସୋଲେଟ୍, ସିଲ୍ ହେଲା ୟୁନିଭରସିଟି ।
କନକ ବ୍ୟୁରୋ : କରୋନା ଭୂତାଣୁ ସହ ଲଢେଇ ଭିତରେ କିଛି ଦିନର ଆଶ୍ୱସ୍ତି ପରେ ପୁଣି ଆସିଲାଣି ଚିନ୍ତାଜନକ ଖବର । ଚୀନରୁ ଜନ୍ମ ନେଇ ସାରା ବିଶ୍ୱରେ ଆତଙ୍କ ଖେଳାଇଥିବା କରୋନା ଭୂତାଣୁ ପୁଣି ଥରେ ଚୀନରେ ପ୍ରକୋପ ଜାହିର କଲାଣି । ଚୀନର ଏକ ବିଶ୍ୱବିଦ୍ୟାଳୟରେ କରୋନାର ସଂକ୍ରମଣ ବଢିବା ପରେ ସେଠାକାର ପାଖାପାଖି ୧୫୦୦ ଛାତ୍ରଙ୍କୁ ହୋଟେଲରେ ଆଇସୋଲେଟ୍ କରିଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ଚୀନର ଦାଲିୟାନ୍ ପ୍ରାନ୍ତରେ ଥିବା ଝୁଙ୍ଗାଝେ ୟୁନିଭରସିଟିରେ ଗତ ରବିବାର କରୋନାର ଅନେକ ମାମଲା ସାମ୍ନାକୁ ଆସିଥିଲା । ଏଠାରେ ସଂକ୍ରମଣ ବଢିବା ପରେ ବିଶ୍ୱବିଦ୍ୟାଳୟ କ୍ୟାମ୍ପସକୁ ସିଲ୍ କରିଦିଆଯାଇଛି । ଛାତ୍ରମାନଙ୍କୁ ହୋଟେଲରେ ଆଇସୋଲେଟ୍ କରି ରଖାଯାଇଥିବା ବେଳେ ସେହିଠାରୁ ହିଁ ସେମାନେ ଅନଲାଇନ୍ କ୍ଲାସ ମାଧ୍ୟମରେ ଏବେ ପାଠ ପଢିବେ ।
ସୂଚନା ଅନୁଯାୟୀ, କରୋନାକୁ ନେଇ ଶୂନ୍ୟ ସହନଶୀଳତା ନୀତି ଆପଣାଉଛି ଚୀନ୍ । ଯେଉଁଠାରେ ବି କରୋନାର ସାମାନ୍ୟ ମାମଲା ସାମ୍ନାକୁ ଆସୁଛି, ସେହି ସ୍ଥାନରେ ତୁରନ୍ତ ଲକଡାଉନ୍ ଲାଗୁ କରାଯାଉଛି । ଭ୍ୟାକ୍ସିନେସନ ପ୍ରକ୍ରିୟାକୁ ଜୋରଦାର କରାଯାଇଥିବା ବେଳେ, ଏବଂ ବୁଷ୍ଟର ଡୋଜ୍ ଦେବା ନେଇ ପ୍ରସ୍ତୁତ ହେଉଛି ଚୀନ୍ ।