କନକ ବ୍ୟୁରୋ : ଦେଶରେ କରୋନାର ତୃତୀୟ ଲହର ଆସୁଥିବା ଆଶଂକା ଭିତରେ କେରଳରେ କରୋନାର ପ୍ରକୋପ ବଢିବାରେ ଲାଗିଛି । ଗତ ୫ ଦିନ ମଧ୍ୟରେ ରାଜ୍ୟରେ ୧.୫ ଲକ୍ଷରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି । ଏହାସହ ଗତ ୪ ଦିନ ହେବ ଦୈନିକ ସଂକ୍ରମଣ ୩୦ ହଜାର ଉପରେ ରହୁଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଗତ ୨୪ ଘଂଟା ମଧ୍ୟରେ ଦେଶରେ ୪୫ ହଜାରରୁ ଅଧିକ ସଂକ୍ରମିତ ଚିହ୍ନଟ ହୋଇଥିବା ବେଳେ ତାହା ମଧ୍ୟରୁ କେବଳ କେରଳରୁ ୩୧,୨୬୫ ଜଣ ସଂକ୍ରମିତ ରହିଛନ୍ତି । ଏହା ଦେଶରେ ଦୈନିକ ମୋଟ ସଂକ୍ରମଣର ପାଖା ପାଖି ୭୦ ପ୍ରତିଶତ ।
କେରଳରେ ସଂକ୍ରମଣ ହାର ବୃଦ୍ଧି ପାଇ ୧୯.୨୨ ପ୍ରତିଶତରେ ପହଂଚିଛି । ଗୋଟିଏ ଦିନ ପୂର୍ବରୁ ଏହା ୧୮.୬୭ ପ୍ରତିଶତ ଥିଲା । ସଦ୍ୟ ସୂଚନା ମୁତାବକ ରାଜ୍ୟରେ ଆକ୍ଟିଭ ମାମଲା ୨ ଲକ୍ଷ ଉପରେ ରହିଛି । ଅନ୍ୟପଟେ ଦେଶରେ ଶନିବାର ଦିନ କରୋନା ସଂକ୍ରମଣରେ ମୋଟ ୪୪୪ ଜଣଙ୍କ ମୃତ୍ୟୁ ହୋଇଥିବା ବେଳେ କେବଳ କେରଳରେ କରୋନା ସଂକ୍ରମଣରେ ୧୫୩ ଜଣଙ୍କର ମୃତ୍ୟୁ ହୋଇଛି ।
ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି କେରଳ ସରକାର କରୋନା କଟକଣାକୁ କଠୋର କରିଛନ୍ତି । ରାଜ୍ୟରେ ସବୁଦିନ ନାଇଟ୍ କଫ୍ୟୁ ଘୋଷଣା କରିବା ସହ ଶନିବାର ସଟଡାଉନ ଓ ରବିବାରକୁ ପୂର୍ଣ୍ଣ ଲକଡାଉନ ଘୋଷଣା କରାଯାଇଛି । ମୁଖ୍ୟମନ୍ତ୍ରୀ ପିନାରାଇ ବିଜୟନ ଶନିବାର ଦିନ ଗଣମାଧ୍ୟମକୁ ସୂଚନା ଦେଇ କହିଛନ୍ତି କୋଭିଡ ସମୀକ୍ଷା ବୈଠକର ନିଷ୍ପତ୍ତି ମୁତାବକ ସୋମବାର ଠାରୁ ରାଜ୍ୟରେ ପୁଣି ନାଇଟ୍ କଫ୍ୟୁ ଲାଗୁ ହେବ । ଏଥିରେ ରାତି ୧୦ ଟାରୁ ସକାଳ ୬ ଟା ପର୍ଯ୍ୟନ୍ତ ଜରୁରୀ ସେବା ବ୍ୟତୀତ ସମସ୍ତ କାରବାର ଓ ଯାତାୟତ ବନ୍ଦ ରହିବ ।