ପୁରୀ ସଦଭାବନା ଗୃହରେ ରଥଯାତ୍ରା ପ୍ରସ୍ତୁତି ! ରଥ ନିର୍ମାଣ, ସ୍ୱାସ୍ଥ୍ୟ ଓ ପରିମଳ ବ୍ୟବସ୍ଥା ଉପରେ ଗୁରୁତ୍ୱ
କନକ ବ୍ୟୁରୋ : ରଥଯାତ୍ରା ପ୍ରସ୍ତୁତି । ରଥଯାତ୍ରା ପାଇଁ ପୁରୀ ସଦଭାବନା ଗୃହରେ ବସିଥିବା ପ୍ରଥମ ସମନ୍ୱୟ କମିଟି ବୈଠକ ଶେଷ ହୋଇଛି । ଆରଡିସି ଏବି.ଓତାଙ୍କ ଅଧ୍ୟକ୍ଷତାରେ ବୈଠକରେ ଶୃଙ୍ଖଳିତ ରଥଯାତ୍ରା ନେଇ ଆଲୋଚନା କରାଯାଇଛି । କେନ୍ଦ୍ରାଂଚଳ ଆରକ୍ଷୀ ମହାନିର୍ଦେଶକ ସୌମେନ୍ଦ୍ର ପ୍ରିୟଦର୍ଶୀ, ଜିଲ୍ଲାପାଳ ଅରବିନ୍ଦ ଅଗ୍ରୱାଲ. ଏସପି ସାର୍ଥକ ଷଡଙ୍ଗୀ, ଜିଲ୍ଲାର ବରିଷ୍ଠ ଅଧିକାରୀ ଓ ସେବାୟତ ଉପସ୍ଥିତ ରହି ରଥଯାତ୍ରା ସମୟରେ ସୃଷ୍ଟି ହେଉଥିବା ବିଭିନ୍ନ ସମସ୍ୟାର କିଭଳି ସମାଧାନ କରାଯାଇ ପାରିବ ସେନେଇ ଆଲୋଚନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀଜିଉଙ୍କ ରଥଯାତ୍ରାରେ ଶ୍ରଦ୍ଧାଳୁଙ୍କ ସାମଗମକୁ ନଜରରେ ରଖି ସ୍ୱାସ୍ଥ୍ୟ, ପରିମଳ, ଗମାନଗମନ, ଟ୍ରାଫିକ ବ୍ୟବସ୍ଥା ଉପରେ ଗୁରୁତ୍ୱାରୋପ କରାଯାଇଛି । ଏହାସହ ମହାପ୍ରଭୁଙ୍କ ତିନି ରଥ ନିର୍ମାଣ କାମ ଉପରେ ମଧ୍ୟ ଜୋର ଦେଇଛି ପ୍ରଶାସନ । ତେବେ ଆଜିର ବୈଠକରେ ସେବାୟତଙ୍କ ଉପସ୍ଥିତି ନେଇ ସନ୍ଦେହ ଥିବା ବେଳେ ପ୍ରଥମ ସମନ୍ୱୟ ବୈଠକରେ ବରିଷ୍ଠ ସେବାୟତ ସାମିଲ ଥିବା ଦେଖିବାକୁ ମିଳିଛି ।
ଏହା ସହ ଦେଖନ୍ତୁ ଏହି ଭିଡିଓ-