ରାଜ୍ୟ ସରକାର ବଢାଇଲେ ମିଡ୍ ଡେ ମିଲ୍ ଖର୍ଚ୍ଚ । ଜାଣନ୍ତୁ ଛାତ୍ରଛାତ୍ରୀଙ୍କୁ ମୁଣ୍ଡପିଛା ବଢିଲା କେତେ ଟଙ୍କା?
କନକ ବ୍ୟୁରୋ : ମଧ୍ୟାହ୍ନଭୋଜନରେ ଛାତ୍ରଛାତ୍ରୀଙ୍କ ମୁଣ୍ଡ ପିଛା ଖର୍ଚ୍ଚ ବଢିଲା । ଉଭୟ ପ୍ରାଥମିକ ଓ ଉଚ୍ଚ ପ୍ରାଥମିକ ଶ୍ରେଣୀର ଛାତ୍ରଛାତ୍ରୀଙ୍କ ପାଇଁ ମୁଣ୍ଡପିଛା ଖର୍ଚ୍ଚ ବଢାଇଛନ୍ତି ସରକାର । ବିଭିନ୍ନ ସାମଗ୍ରୀର ବଜାର ଦର ବଢୁଥିବାରୁ ମିଡ୍ ଡେ ମିଲ୍ ଖର୍ଚ୍ଚ ମଧ୍ୟ ବଢାଇଛନ୍ତି ସରକାର ।
Kanak News is now on WhatsApp
Join and get latest news updates delivered to you via WhatsApp
ପ୍ରାଥମିକ ସ୍କୁଲରେ ମିଡ୍ ଡେ ମିଲରେ ଛାତ୍ରଛାତ୍ରୀଙ୍କ ମୁଣ୍ଡ ପିଛା ଖର୍ଚ୍ଚ ୪.୯୩ ଟଙ୍କାକୁ ବୃଦ୍ଧି ପାଇଥିବା ବେଳେ ଉଚ୍ଚ ପ୍ରାଥମିକ ସ୍କୁଲରେ ଛାତ୍ରଛାତ୍ରୀଙ୍କ ମୁଣ୍ଡ ପିଛା ଖର୍ଚ୍ଚ ୭.୩୬ ଟଙ୍କାକୁ ବୃଦ୍ଧି ପାଇଛି । ପୂର୍ବରୁ ପ୍ରାଥମିକ ସ୍କୁଲରେ ମିଡ୍ ଡେ ମିଲ୍ ପାଇଁ ଛାତ୍ରଛାତ୍ରୀଙ୍କ ମୁଣ୍ଡ ପିଛା ଖର୍ଚ୍ଚ ୪ ଟଙ୍କା ୮୦ ପଇସା ରହିଥିବା ବେଳେ ଉଚ୍ଚ ପ୍ରାଥମିକ ସ୍କୁଲରେ ଏହା ୭ଟଙ୍କା ୧୬ ପଇସା ରହିଥିଲା । ତେବେ ଏହାକୁ ବୃଦ୍ଧି କରିବାକୁ ନିଷ୍ପତି ନେଇଛନ୍ତି ସରକାର । ଜୁଲାଇ ୧ ତାରିଖରୁ ଏହି ନୂଆ ବର୍ଦ୍ଧିତ ଦର ଲାଗୁ କରାଯିବ ବୋଲି ସମସ୍ତ ଜିଲ୍ଲାପାଳଙ୍କୁ ଚିଠି ଲେଖି ଜଣାଇଛନ୍ତିି ମିଡ୍ ଡେ ମିଲର ନୋଡାଲ ଅଫିସର ।