ବିଦାୟୀ ମ୍ୟାଚରେ ଶତକ ଜମାଇଲେ କୁକ୍ ! ଅନ୍ତିମ ଟେଷ୍ଟରେ ଦୃଢ ସ୍ଥିତିରେ ଇଂଲଣ୍ଡ ।
ସାଉଥମ୍ପଟନ୍ ଟେଷ୍ଟକୁ ଘରୋଇ ଇଂଲଣ୍ଡ ଧିରେ ଧିରେ ନିଜ କବଜାକୁ ନେବା ଆରମ୍ଭ କରିଛି । ଭାରତ ପ୍ରଥମ ପାଳିରେ ୨୯୨ ରନ୍ କରି ୪୦ ରନରେ ପଛୁଆ ରହିବା ପରେ ଇଂଲଣ୍ଡ ଦ୍ୱିତୀୟ ପାଳିରେ (ଶେଷ ଖବର ମିଳିବା ପର୍ଯ୍ୟନ୍ତ) ୨ ଓ୍ଵିକେଟ୍ ବିନିମୟରେ ୨୩୨ ରନ ସଂଗ୍ରହ କରିଛି ଓ ମୋଟ ୨୭୨ ରନରେ ଆଗୁଆ ରହିଛି ।
Kanak News is now on WhatsApp
Join and get latest news updates delivered to you via WhatsApp
ନିଜର ଶେଷ ଟେଷ୍ଟ ଖେଳୁଥିବା ଇଂଲଣ୍ଡର ମହାନ ତାରକା ଓପନର ଆଲେଷ୍ଟର କୁକ ଏକ ଚିତ୍ତାକର୍ଷକ ଶତକ ହାସଲ କରିଛନ୍ତି । ଏହି ଶତକ ସହ ସ୍ମରଣୀୟ ଭାବେ ସେ ନିଜର କ୍ରିକେଟ ଜୀବନକୁ ସମାପ୍ତ କରିଛନ୍ତି । କୁକଙ୍କ ସହିତ ଜୋ ରୁଟ ମଧ୍ୟ ନିଜର ଶତକର ନିକଟତର ହୋଇଛନ୍ତି । ଗତକାଲି ଇଂଲଣ୍ଡର ପ୍ରାରମ୍ଭିକ ବ୍ୟାଟ୍ସମ୍ୟାନ୍ କିଟନ ଜେନିଙ୍ଗସ(୧୦) ଙ୍କୁ ମହମ୍ମଦ ସାମି ଓ ମୋଇନ ଅଲ୍ଲୀ (୨୦)ଙ୍କୁ ରବୀନ୍ଦ୍ର ଜାଦେଜା ବୋଲ୍ଡ କରି ଭାରତକୁ ଦୁଇଟି ପ୍ରାରମ୍ଭିକ ସଫଳତା ଦେଇଥିଲେ । କିନ୍ତୁ କୁକଙ୍କ ଶତକ ଭାରତର ଆଶାକୁ ନିରାଶାରେ ପରିଣତ କରିଛି ।
ପ୍ରଥମ ପାଳିରେ ଭାରତ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହେବା ପରେ ଜାଦେଜା (୮୬ଞ୍ଚ) ଏବଂ ହନୁମା ବିହାରୀ (୫୬) ହିଁ ଭାରତର ସମ୍ମାନ ରଖିଥିଲେ। ଶୃଙ୍ଖଳାରେ ପ୍ରଥମ ଥର ପାଇଁ ସୁଯୋଗ ପାଇଥିବା ଜାଦେଜା ଓ ପଦାର୍ପଣକାରୀ ହନୁମାଙ୍କ ଲଢ଼ୁଆ ଅର୍ଧଶତକ ବଳରେ ଭାରତ ପ୍ରଥମ ପାଳିରେ ୨୯୨ ରନ୍ କରି ସମ୍ମାନ ରଖିଥିଲା। ତଥାପି ଇଂଲଣ୍ଡର ୩୩୨ ରନ୍ ଠାରୁ ୪୦ ରନ୍ ପଛରେ ଅଟକି ଯାଇଥିଲା।