ପବନରୁ ତିଆରି ହେବ ପାନୀୟ ଜଳ ! ଦୂର ହେବ ଜଳ ସମସ୍ୟା, ଓଡିଶାକୁ ମିଳିଲା ଏହି ବଡ ସଫଳତା ।
ଜଳ ହିଁ ଜାବନ । ଜଳ ବିନା ବଞ୍ଚିବା ଅସମ୍ଭବ ! କିନ୍ତୁ ସମ୍ପ୍ରତ୍ତି ସମାଜରେ ଜଳ ସଙ୍କଟ ଅନେକ ଜାଗାରେ ପରିଲକ୍ଷିତ ହେଲାଣି । ତେବେ ଓଡିଶାର ଆଦିବାସି ବହୁଳ ଅଞ୍ଚଳର ଏକ ରେଲୱେ ଷ୍ଟେସନରେ ପିଇବା ପାଣିର ସମସ୍ୟାକୁ ଦୂର କରିବା ପାଇଁ ପବନରୁ ତିଆରି କରାଯାଉଛି ପାଣି । ପୂର୍ବତଟ ରେଳବାଇର ଜଣେ ଅଧିକାରୀଙ୍କ କହିବା ଅନୁସାରେ ରେଳବାଇର ଏହା ଏକ ପ୍ରଥମ ପ୍ରୟୋଗ ଅଟେ । ସେ ଏହା ମଧ୍ୟ କହିଛନ୍ତି ଯେ, ରାଜ୍ୟର ରାଜଧାନୀ ଭୁବନେଶ୍ୱର ଠାରୁ ୪୬୦ କିଲୋମିଟର ଦୂରରେ ଅବସ୍ଥିତ ରାଉଲୀର ଦୁର୍ଗମ ଅଞ୍ଚଳର ରେଳ ଷ୍ଟେସନରେ ପାନୀୟ ଜଳର ସମସ୍ୟା ବଢିବାରେ ଲାଗିଛି । ସେଠାରେ ଲୋକ ମାନେ ପିଇବା ପାଣି ପାଉ ନାହାନ୍ତି । ପୂର୍ବରୁ ପାନୀୟ ଜଳ ଯୋଗାଇ ଦେବା ନିମନ୍ତେ ଏକ ଟ୍ୟୁବଏଲ ବ୍ୟବସ୍ଥା ମଧ୍ୟ କରାଯାଇଥିଲା କିନ୍ତୁ ତାହା କିଛି ଫାଇଦା ଯୋଗାଇ ପାରିଲା ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ପୂର୍ବତଟ ରେଳବାଇ ମହା ପ୍ରବନ୍ଧକ ଉମେଶ ସିଂହ ପିଇବା ଜଳର ସମସ୍ୟାକୁ ଦୂର କରିବା ପାଇଁ ଷ୍ଟେସନକୁ ଏକ ଉପାୟ ଦେଇଥିଲେ । ସେ କହିଥିଲେ ବାୟୁମଣ୍ଡଳରେ ଉଡୁଥିବା ଜଳକଣାରୁ ପିଇବା ପାଣି ସଂଗ୍ରହ କରିବା ପାଇଁ ଏକ ମେସିନ ତିଆରି କରିବା ଆବଶ୍ୟକ । ତେବେ ଏହାକୁ ଦୃଷ୍ଟିରେ ରଖି ଏପ୍ରିଲ ୨୫ ତାରିଖରେ ରାୟଗଡାର ସିଙ୍ଗଲ ଲାଇନ ସ୍ଥିତ ଷ୍ଟେସନରେ ପାନୀୟ ଜଳ ତିଆରି କରିବା ପାଇଁ ମେସିନ ସ୍ଥାପନ କରାଗଲା ।
ଏହି ମେସିନ ୫୦ ପ୍ରତିଶତ ବାୟୁର ଆନ୍ଧ୍ରତା ଉପରେ ଏବଂ ୩୨ ରୁ ୩୫ ଡିଗ୍ରୀ ସେଲସିୟସ ତାପମାତ୍ରାରେ କାମ କରିଥାଏ । ପବନରୁ ଆସୁଥିବା ଗରମ ପବନ ଏହି ମେସିନ ଭିତରେ ପ୍ରବେଶ ହୁଏ । ମେସିନ ଭିତରେ ବାୟୁ ବାଷ୍ପିଭୂତ ନ ହୋଇପାରି ଗରମ ପବନ ଜଳରେ ପରିଣତ ହୋଇଥାଏ । ଏହି ମେସିନ ଗୋଟିଏ ଦିନରେ ପ୍ରାୟ ୧୨୦ ଲିଟର ପିଇବା ପାଣି ତିଆରି କରିବାରେ ସକ୍ଷମ ହୋଇପାରୁଛି । ତେବେ ଷ୍ଟେସନ ଅଧିକାରୀଙ୍କ କହିବା ଅନୁସାରେ ଏବେ ପିଇବା ଜଳର ସମସ୍ୟା କିଛି ମାତ୍ରାରେ ଦୂର ହୋଇଛି । ପ୍ରତିଦିନ ପିଇବା ପାଇଁ ଆବଶ୍ୟକୀୟ ଜଳ ମିଳିଯାଉଛି । ଏହା ରେଳବାଇର ପ୍ରଥମ ସଫଳତା ହୋଇଥିବା ବେଳେ, ଏହି ମେସିନ ତିଆରି କରିବା ପାଇଁ ପୂର୍ବତଟ ରେଳବାଇକୁ ୨ ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡିଛି ।