ମତଦାନ ବେଳେ ମୋଦୀଙ୍କ ରୋଡ୍ ଶୋ’କୁ ନେଇ ବିବାଦ: ଆଚରଣ ବିଧି ଉଲ୍ଲଂଘନ ହୋଇଥିବା ଅଭିଯୋଗ ଆଣିଲା କଂଗ୍ରେସ
କନକ ବ୍ୟୁରୋ: ଗୁଜରାଟରେ ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟରେ ମତ ସାବ୍ୟସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପ୍ରଧାନମନ୍ତ୍ରୀଙ୍କ ଭୋଟ୍ ଦେବାକୁ ନେଇ ଦେଖାଦେଇଛି ବିବାଦ । ଭୋଟ୍ ଦେବା ପୂର୍ବରୁ ଓ ପରେ ମୋଦୀଙ୍କୁ ଦେଖିବା ପାଇଁ ପ୍ରବଳ ଜନଗହଳି ଦେଖିବାକୁ ମିଳିଥିଲା । ଆଉ ପ୍ରଧାନମନ୍ତ୍ରୀ ମୋଦୀ ମଧ୍ୟ ନିଜକୁ ରୋକିପାରିନଥିଲେ । ଚାଲିଚାଲି ଲୋକଙ୍କ ଅଭିବାଦନ ସ୍ୱୀକାର କରିଥିଲେ । ତେବେ ମତଦାନ ବେଳେ ମୋଦୀ ଆଚରଣ ବିଧି ଉଲ୍ଲଂଘନ କରିଥିବା ନେଇ ଅଭିଯୋଗ ହୋଇଛି । ଏମିତିକି ବିରୋଧୀ ମଧ୍ୟ ମୋଦୀଙ୍କୁ ଟାର୍ଗେଟ୍ କରିବାକୁ ପଛାଇ ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭୋଟ୍ ଦେବା ସମୟରେ ପିଏମ୍ ମୋଦୀ ପ୍ରାୟ ୨ଘଂଟା ଧରି ରୋଡ୍ କରିଥିବା ନେଇ କଂଗ୍ରେସ ଯେଉଁ ଅଭିଯୋଗ ଆଣିଛି, ତା’ଉପରେ ନିର୍ବାଚନ କମିଶନ କି ବିଜେପି ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ । ସେହିପରି କଂଗ୍ରେସ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ମଧ୍ୟ କଡ଼ା ସମାଲୋଚନା କରିଛି କଂଗ୍ରେସ । କଂଗ୍ରେସ ଅଭିଯୋଗ ଆଣିଛି ଯେ, ଗୃହମନ୍ତ୍ରୀ ଗୁଜରାଟର ଜଣେ ସାଂସଦଙ୍କ ସହ ପ୍ରଚାର କରୁଥିଲେ ଏବଂ ସେହି ସମୟରେ ବିଜେପିର ନାରା ଲାଗିଥିଲା । ସେପଟେ କଂଗ୍ରେସ ନିର୍ବାଚନ କମିଶନ ଉପରେ ମଧ୍ୟ ବର୍ଷିଛି । କହିଛି, ନିର୍ବାଚନ କମିଶନ ଆମ ଅଭିଯୋଗକୁ ଆଦୌ କର୍ଣ୍ଣପାତ କରୁନାହିଁ । ବିଜେପି ଗୁଜରାଟରେ ମଦ ବାଂଟୁଛି । କିନ୍ତୁ ନିର୍ବାଚନ କମିଶନ ଏହା ଉପରେ କୌଣସି କାର୍ଯ୍ୟାନୁଷ୍ଠାନ ନନେବା ଦୁର୍ଭାଗ୍ୟଜନକ ।
କ’ଣ ରହିଛି ନିର୍ବାଚନ କମିଶନଙ୍କ ନିୟମ?
– ମତଦାନର ୪୮ ଘଂଟା ପୂର୍ବରୁ ପ୍ରଚାର ବନ୍ଦ
– ଭୋଟରଙ୍କୁ ପ୍ରଭାବିତ କରିପାରିବେ ନାହିଁ ପ୍ରାର୍ଥୀ
– ମତଦାନ ସ୍ଥାନରେ ଶୋଭାଯାତ୍ରା ଉପରେ କଟକଣା
– ନିୟମ ଉଲ୍ଲଂଘନ କଲେ କାର୍ଯ୍ୟାନୁଷ୍ଠାନ
ମତଦାନ ସମୟରେ ମୋଦୀଙ୍କ ରୋଡ୍ ଶୋ’ କରିବା ଏବଂ ଲୋକଙ୍କ ଅଭିବାଦନ ସ୍ୱୀକାର କରିବାକୁ ନେଇ ନିର୍ବାଚନ କମିଶନଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।