କଂଗ୍ରେସ ନେତା ଦିଗବିଜୟ ସିଂହଙ୍କ ମନ୍ତବ୍ୟକୁ ନେଇ ବିବାଦ । କହିଲେ କ୍ଷମତାକୁ ଆସିଲେ ୩୭୦ ଧାରା ନେଇ ପୁନଃବିଚାର କରିପାରେ କଂଗ୍ରେସ
କନକ ବ୍ୟୁରୋ: ବରିଷ୍ଠ କଂଗ୍ରେସ ନେତା ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂହଙ୍କୁ ଏକ ବୟାନକୁ ନେଇ ଆରମ୍ଭ ହୋଇ ଯାଇଛି ବଡ ବିବାଦ । କ୍ଲବ୍ ହାଉସ ଚ୍ୟାଟ୍ରେ ଜଣେ ପାକିସ୍ତାନୀ ସାମ୍ବାଦିକଙ୍କୁ ଦିଗବିଜୟ ସିଂହ କହିଛନ୍ତି ଯେ, ଯଦି କଂଗ୍ରେସ ସତାକୁ ଆସେ ତାହାଲେ ଜମ୍ମୁ-କାଶ୍ମୀରରେ ଧାରା ୩୭୦କୁ ପୁନଃ ଲାଗୁ କରିବା ଦିଗରେ ବିଚାର କରିବେ । ତାଙ୍କର ଏହି ବୟାନକୁ ନେଇ ପୁଣିଥରେ ବିଜେପିର ଟାର୍ଗେଟ୍ରେ ଆସି ଯାଇଛନ୍ତି ଦିଗବିଜୟ ।
Kanak News is now on WhatsApp
Join and get latest news updates delivered to you via WhatsApp
ବରିଷ୍ଠ କଂଗ୍ରେସ ନେତା ଦିଗ୍ବିଜୟ ସିଂହଙ୍କ କ୍ଲବ ହାଉସ୍ ଚ୍ୟାଟ୍ ଭାଇରାଲ ହେବା ପରେ ତାଙ୍କ ବୟାନକୁ ନେଇ ଆରମ୍ଭ ହୋଇ ଯାଇଛି ବିବାଦ । ଏହି ଚ୍ୟାଟ୍ ବେଳ ଜଣେ ପାକିସ୍ତାନୀ ସାମ୍ବାଦିକଙ୍କୁ ଦିଗ୍ବିଜୟ ସିଂହ କହିଛନ୍ତି ଯେ, ଦେଶରେ କଂଗ୍ରେସ୍ କ୍ଷମତାକୁ ଫେରିଲେ ଜମ୍ମୁ-କାଶ୍ମୀରରେ ଧାରା ୩୭୦ ପୁନଃ ଲାଗୁ କରିବା ଉପରେ ବିଚାର କରିପାରେ । ଦିଗ୍ବିଜୟ ସିଂହଙ୍କ ଏହି ବୟାନକୁ ନିନ୍ଦା କରିଛି ବିଜେପି ।
ସେପଟେ ବିଜେପିର ସମାଲୋଚନା ପରେ ଦିଗ୍ବିଜୟ ସିଂହ ଟ୍ୱିଟ୍ କରି କହିଛନ୍ତି ଯେ ଅପାଠୁଆଙ୍କୁ ମୁଁ ପାଠ ପଢାଇ ପାରିବିନି । ସେପଟେ ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ୍ ଅବ୍ଦୁଲ୍ଲା ଦିଗ୍ବିଜୟ ସିଂହଙ୍କୁ ଧନ୍ୟବାଦ ଜଣାଇଛନ୍ତି । ଧାରା ୩୭୦ ଉପରେ ଦିଗ୍ବିଜୟ ସିଂହ ଆଲୋଚନା କରିଥିବାରୁ ତାଙ୍କୁ ଧନ୍ୟବାଦ ଜଣାଇଛନ୍ତି ଫାରୁକ୍ ଅବ୍ଦଲ୍ଲା । ଜମ୍ମୁ- କାଶ୍ମୀରର ଜନତାଙ୍କ ଦୁଃଖ ସେ ବୁଝିପାରିଥିବା ଫାରୁକ ଅବ୍ଦୁଲ୍ଲା କହିଛନ୍ତି ।
କେନ୍ଦ୍ର ସରକାର ୫ ଅଗଷ୍ଟ, ୨୦୧୯ ରେ ଜମ୍ମୁ-କାଶ୍ମୀରକୁ ସ୍ୱତନ୍ତ୍ର ପାହ୍ୟ ଯୋଗାଉଥିବା ଧାରା ୩୭୦କୁ ଉଚ୍ଛେଦ କରିଥିଲେ । ଏହାସହ ଜମ୍ମୁ-କାଶ୍ମୀର ଓ ଲଦାଖକୁ ଦୁଇଟି ଭିନ୍ନ ଭିନ୍ନ କେନ୍ଦ୍ ଶାସିତ ଅଂଚଳ ଭାବେ ଘୋଷଣା ହୋଇଥିଲା ।