ଭାରତରେ ‘ଫାଇଜର୍’ ଟିକାକୁ ଅନୁମତି ଦେବା ନେଇ ବିବାଦ । ଫାଇଜର ଚାହୁଁଛି-ସାଇଡ୍ ଇଫେକ୍ଟ ଦେଖାଦେଲେ ଦାୟୀ ହେବ ନାହିଁ କମ୍ପାନୀ
କନକ ବ୍ୟୁରୋ: ଆମେରିକାର କରୋନା ଟିକା ଫାଇଜର ଭାରତ ଆସିବା ନେଇ ସମସ୍ୟା ରହିଛି । ଟିକା ବ୍ୟବହାର ନେଇ କଂପାନୀ କରୁଥିବା ଦାବିର ଆଇନଗତ ସୁର କ୍ଷାକୁ ନେଇ ଭାରତ ଓ ଟିକା କଂପାନୀ ମଧ୍ୟରେ ତାଳମେଳ ହୋଇପାରୁନାହିଁ । ସିଧା କହିବାକୁ ଗଲେ କ୍ଷତିପୂରଣ ବଣ୍ଡକୁ ନେଇ ଭାରତ ସରକାର ଓ ଫାଇଜର ନିର୍ମାତା କଂପାନୀ ମୁହାଁମୁହିଁ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫାଇଜରର ଏଭଳି ଚୁକ୍ତିରେ କାହିଁକି ଭାରତ ସରକାରଙ୍କ ସ୍ୱାକ୍ଷର କରିବେ ବୋଲି କୁହାଯାଇଥିବା ସୂଚନା ଦେଇଛି ଖବର ସରବରାହ ସଂସ୍ଥା ରଏଟର । ଟିକା ନେବା ପରେ ହିତାଧିକାରୀଙ୍କ ଠାରେ କୌଣସି ଗମ୍ଭୀର ଦୁଷ୍ପ୍ରାଭ ଦେଖା ଦେଲେ ଏଥିପାଇଁ କଂପାନୀ ଦାୟୀ ରହିବ ନାହିଁ । ଏଥିପାଇଁ କେବଳ କେନ୍ଦ୍ର ସରକାର ଦାୟୀ ହେବେ । ଏଭଳି ସର୍ତ୍ତ ଫାଇଜର ଲାଗୁ କରି ବ୍ରିଟେନ ଓ ଆମେରିକାରେ ଟିକାକରଣ କରୁଛି ।
ହେଲେ ଫାଇଜରର ଏହି ସର୍ତରେ ଭାରତ ରାଜି ହେଉନଥିବାରୁ ଫାଇଜର ଟିକା ଆସିବାରେ ଡେରି ହେବା ସମ୍ଭାବନା ରହିଛି । ଅନ୍ୟପଟେ ଭାରତ ଟିକା ଅଭାବ ସମସ୍ୟାର ସାମ୍ନା କରୁଥିବାରୁ ଶୀଘ୍ର ଫାଇଜର, ମଡର୍ଣ୍ଣା ଓ ଜନସନ ଆଣ୍ଡ ଜନସନ ଟିକାକୁ ବ୍ୟବହାର ପାଇଁ ଅନୁମତି ଦେବା ଉପରେ ଭାରତ ସରକାର ବିଚାର କରୁଥିବା ସୂଚନା ମିଳିଛି ।