ଭଦ୍ରକରେ ବଢିଲା ଅବରୋଧ ଅଂଚଳର ପରିସୀମା । ତିହିଡି ଓ ଧାମନଗରର ୫ ଟି ପଞ୍ଚାୟତକୁ କଣ୍ଟେନମେଣ୍ଟ ଜୋନ୍ ଘୋଷଣା କଲା ଜିଲ୍ଲା ପ୍ରଶାସନ
କନକ ବ୍ୟୁରୋ: ଭଦ୍ରକ ଜିଲ୍ଲାରେ ୬୦ ଘଂଟିଆ ଲକଡାଉନର ଆଜି ଦ୍ୱିତୀୟ ଦିନ । ପୁରା ଜିଲ୍ଲା ସିଲ୍ । ଗାଡି ମୋଟର ଚଳାଚଳ ଠପ୍ । ଏହାରି ଭିତରେ ଜିଲ୍ଲାରେ କରୋନା ଆକ୍ରାନ୍ତ ସଂଖ୍ୟା ୧୬କୁ ବୃଦ୍ଧି ହୋଇଛି । ସେପଟେ ଭଦ୍ରକ ଜିଲ୍ଲାରେ ଆଜି ୫ଟି ସ୍ଥାନକୁ କଂଟେନମେଂଟ୍ ଅଂଚଳ ଘୋଷଣା କରିଛି ଜିଲ୍ଲା ପ୍ରଶାସନ । ତିହିଡି ବ୍ଲକର ଦାମନବିନ୍ଧା, କାଁପଡା ଏବଂ ଧାମନଗର ବ୍ଲକର କଲ୍ୟାଣି , ଖଡିପଦା ଓ ଦେହୁଡିଆନନ୍ଦପୁର କଂଟେନମେଂଟ ଅଂଚଳ ଘୋଷଣା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
Containment Zones in respect of Tihidi and Dhamnagar blocks notified by District Administration Bhadrak. pic.twitter.com/MrbkUjXCCm
— GYANA DAS (@gyana_r_das) April 24, 2020
ଯାଜପୁର ଜିଲ୍ଲାରେ ୬୦ ଘଂଟିଆ ସଟଡାଉନର ଆଜି ଦ୍ୱିତୀୟ ଦିନ । ଏହି ସଟଡାଉନ ଲାଗୁ ହେବାପରେ ଦେଖିବାକୁ ମିଳିଛି ଏହାର ପୁରା ପ୍ରଭାବ । ଗତକାଲି ଠାରୁ ରାସ୍ତାଘାଟ ଖାଁ ଖାଁ । କାଁ ଭାଁ କିଛି ମେଡିସିନ୍ ଦୋକାନ ଖୋଲା ରହିଛି । ଜିଲ୍ଲାକୁ ସମସ୍ତ ପ୍ରବେଶ ପଥକୁ ସିଲ୍ କରାଯାଇଛି । ଜିଲ୍ଲାର ପ୍ରମୁଖ ପ୍ରବେଶ ପଥ ଷଠୀପୁରରୁ ଯାଜପୁର ଟାଉନକୁ ସଂଯୋଗ କରୁଥିବା ୫୬ ନଂବର ଜାତୀୟ ରାଜପଥ ଓ କୁଆଖିଆରୁ ଯାଜପୁର ଟାଉନକୁ ସଂଯୋଗ କରୁଥିବା ୨୦ ନଂବର ଜାତୀୟ ରାଜପଥ ପୁରା ସିଲ୍ ରହିଛି ।
ପୁରା ଜିଲ୍ଲାର ବିଭିନ୍ନ ପ୍ରମୁଖ ସ୍ଥାନ ଗୁଡିକରେ ୧୪ ପ୍ଲାଟୁନ୍ ଫୋର୍ସ ମୁତୟନ ଅଛନ୍ତି । ସଟଡାଉନ ଭିତରେ ଆଜି ବର୍ଷାର ପ୍ରଭାବ ଦେଖିବାକୁ ମିଳିଛି ଯାଜପୁର ଜିଲ୍ଲାରେ । ସକାଳୁ ସକାଳୁ ପ୍ରବଳ ବର୍ଷା ଜାରି ରହିଛି ଜିଲ୍ଲାରେ ।