ଅତ୍ୟାଧିକ ବିଦ୍ୟୁତ ବିଲକୁ ନେଇ ଚିନ୍ତାରେ ଅଛନ୍ତି କି ! ଆପଣଙ୍କୁ ମିଳିବ ଆଶ୍ୱସ୍ତି, ସରକାର ନେଉଛନ୍ତି ଏହି ବଡ ପଦକ୍ଷେପ ।
ଆପଣଙ୍କ ଘରେ ଲାଗିଥିବା ଘରୋଇ ଇଲେକ୍ଟ୍ରୋନିକ୍ସ ମିଟର କେତେ ସତ ? ଆପଣଙ୍କ ମିଟର କଣ ସେତିକି ବିଲ ଦେଖାଇଥାଏ, ଯେତିକି ଆପଣ ବ୍ୟବହାର କରିଥାନ୍ତି । ତେବେ ଏହା କିଏ କହିବ ଯେ, ଆପଣଙ୍କ ପ୍ରକୃତ ବିଲ୍ କେତେ । କାହିଁକି ନା ଭାରତରେ ଏହି ମିଟରର କୌଣସି ମାନକ ନାହିଁ ଏପରିକି ଏହି ମିଟର ଗୁଡିକ ମଧ୍ୟ ପଞ୍ଜୀକୃତ ନୁହେଁ । କିନ୍ତୁ ଉପଭୋକ୍ତା ମନ୍ତ୍ରାଳୟ ଏବେ ଏହି ଦିଗରେ ଏକ ପଦକ୍ଷେପ ନେବାକୁ ଯାଉଛି । ସୂଚନା ଅନୁଯାୟୀ, ସରକାର ମିଟର ଗୁଡିକର ଆକ୍ୟୁରାସି ଯାଞ୍ଚ କରିବାର କାମ ଲିଗାଲ ମେଟ୍ରୋଲୋଜି ବିଭାଗକୁ ଦେବା ପାଇଁ ନିଷ୍ପତ୍ତି ନେଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଏପରି କରାଯାଏ ତେବେ ଏନର୍ଜି ଏବଂ ଗ୍ୟାସ କମ୍ପାନୀ ଗୁଡିକୁ ନିଜ ନିଜ ମିଟର ଲିଗାଲ ମେଟ୍ରୋଲୋଜି ଠାରୁ ସାର୍ଟିଫାଏଡ କରାଇବାକୁ ପଡିବ । ଆସନ୍ତା ସପ୍ତାହ ମଧ୍ୟରେ ଉପଭୋକ୍ତା ମନ୍ତ୍ରାଳୟ ଏନେଇ ଘୋଷଣା କରିବ । ତେବେ ବର୍ତ୍ତମାନ ସମୟରେ ଅଧିକାଂଶ କମ୍ପାନୀ ମିଟର ମେସିନ ଗୁଡିକୁ ବାହାରୁ ଇଂପୋର୍ଟ କରାଉଛନ୍ତି ଏବଂ ଏଠାରେ କେବଳ ନିଜର ଟ୍ୟାଗ ଲଗାଉଛନ୍ତି । କିନ୍ତୁ ଏବେ କମ୍ପାନୀ ଗୁଡିକୁ ଭାରତରେ ହିଁ ଏହାକୁ ତିଆରି କରିବାକୁ ପଡିବ । ତେବେ ଏପରି ହେବା ଦ୍ୱାରା ମିଟର ଦ୍ୱାରା କରାଯାଉଥିବା ଲୁଟ ରୋକାଯାଇପାରିବ । କାହିଁକି ନା ଏବେ ଜଣାପଡିଯିବ ଯେ, ଆପଣଙ୍କ ମିଟର କେଉଁ ଆଧାରରେ ଚାଲୁଛି । କମ୍ପାନୀଗୁଡିକୁ ରାଜ୍ୟସ୍ଥରରେ ଲିଗାଲ ମେଟ୍ରୋଲୋଜି ବିଭାଗର ସାର୍ଟିଫିକେସନ ମଧ୍ୟ ନେବା ପାଇଁ ପଡିବ । ଡିଲର ସ୍ଥରରେ ଦିଆଯାଉଥିବା ଲାଇସେନ୍ସ ଉପରେ ରୋକ ଲାଗିବ ।