ରାୟଗଡ଼ାରେ କଂଗ୍ରେସର ଶକ୍ତି ପ୍ରଦର୍ଶନ । ସାଂସଦ ପ୍ରାର୍ଥୀଙ୍କ ସହ ୬ ବିଧାୟକ ପ୍ରାର୍ଥୀଙ୍କ ପୂଜାର୍ଚ୍ଚନା
କନକ ବ୍ୟୁରୋ : ରାୟଗଡ଼ାରେ କଂଗ୍ରେସର ଶକ୍ତି ପ୍ରଦର୍ଶନ । ପ୍ରାର୍ଥୀ ଚୂଡାନ୍ତ ହେବା ପରେ ଏକାଠି ହେଲେ କୋରାପୁଟ ସାଂସଦ ପ୍ରାର୍ଥୀ ସପ୍ତଗିରି ଉଲାକାଙ୍କ ସହ ୬ ବିଧାୟକ ପ୍ରାର୍ଥୀ । ନିଜ ନିଜ ନିର୍ବାଚନ ମଣ୍ଡଳିରେ ପ୍ରଚାର କରିବା ପୂର୍ବରୁ ଭଗବାନଙ୍କ ଆଶିର୍ବାଦ ନେଇଛନ୍ତି ନେତା । ଅବିଭକ୍ତ କୋରାପୁଟ ଜିଲ୍ଲାର ଅନେକ ସ୍ଥାନରେ ଏବେ ବି ମୌଳିକ ସୁବିଧା ପହଂଚିପାରି ନାହିଁ । ଶିକ୍ଷା, ସ୍ୱାସ୍ଥ୍ୟ, ଗମନାଗମନ ଓ ପିଇବା ପାଣିର ସୁବିଧା ପାଇ ପାରିନାହାନ୍ତି ଲୋକେ । ତେଣୁ ଲୋକଙ୍କୁ ମୌଳିକ ସୁବିଧା ଯୋଗାଇବା ପ୍ରାଥମିକତା ରହିବ ବୋଲି କହିଛନ୍ତି ପ୍ରାର୍ଥୀ ।
Kanak News is now on WhatsApp
Join and get latest news updates delivered to you via WhatsApp
ରାୟଗଡା କଂଗ୍ରେସ ଭବନରୁ ଏକ ବିରାଟ ଶୋଭାଯାତ୍ରାରେ ବାହାରି ସହର ପରିକ୍ରମା କରିବା ପରେ ପ୍ରଥମେ ଜଗନ୍ନାଥ ମନ୍ଦିର ଯାଇ ଜଗନ୍ନାଥଙ୍କ ଦର୍ଶନ କରିଥିଲେ । ଏହାପରେ ରାୟଗଡାର ଅଧିଷ୍ଠାତ୍ରୀ ଦେବୀ ମାଆ ମଝୀଘରିଆଣିଙ୍କ ଦର୍ଶନ କରି ଆଶିର୍ବାଦ ନେଇଥିଲେ ପ୍ରାର୍ଥୀ ।
ଏହି ଶୋଭାଯାତ୍ରାରେ ଶତାଧିକ ଦଳିୟ କର୍ମୀ ସାମିଲ ହୋଇଥିବା ବେଳେ ବାଜା ବାଣ ଫୁଟାଇ ଶକ୍ତି ପ୍ରଦର୍ଶନ କରିଥିଲେ ନେତା ।