କେନ୍ଦ୍ର ସରକାରଙ୍କୁ ରାହୁଲ ଗାନ୍ଧୀଙ୍କ ପ୍ରଶ୍ନ । ଗ୍ୟାସ, ଡିଜେଲ ପେଟ୍ରୋଲରୁ କମାଇଥିବା ୨୩ ଲକ୍ଷ କୋଟି ଟଙ୍କା କୁଆଡେ ଗଲା ?
କନକ ବ୍ୟୁରୋ : ପୁଣିଥରେ କଂଗ୍ରେସ ନେତା ରାହୁଲ ଗାନ୍ଧୀ ମୋଦୀ ସରକାରଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି କି କେନ୍ଦ୍ର ସରକାର ତୈଳ ଓ ଗ୍ୟାସର ମୁଲ୍ୟ ବୃଦ୍ଧି କରି ସାଧାରଣ ଲୋକଙ୍କୁ ସିଧା ସଳଖ ଲୁଟୁଛନ୍ତି । ଏହି ସାମଗ୍ରୀର ଦରବୃଦ୍ଧି ଫଳରେ ଟ୍ରାନ୍ସପୋର୍ଟିଂ ମହଙ୍ଗା ହୋଇଛି ଓ ବଜାରରେ ଖାଦ୍ୟ ସାମଗ୍ରୀର ଦର ଅହେତୁକ ଭାବେ ବୃଦ୍ଧି ପାଇଛି ।
Kanak News is now on WhatsApp
Join and get latest news updates delivered to you via WhatsApp
ପାର୍ଟିର କେନ୍ଦ୍ରୀୟ ମୁଖ୍ୟାଳୟରେ ଏକ ସାମ୍ବାଦିକ ସମ୍ମିଳନୀ କରି ରାହୁଲ ଗାନ୍ଧୀ କହିଛନ୍ତି କି ଦେଶରେ ଏବେ ଜିଡିପିର ଅର୍ଥ ଗ୍ୟାସ, ଡିଜେଲ ଓ ପେଟ୍ରୋଲ ବୋଲି ଜନସାଧାରଣ ଧରି ନେଇଛନ୍ତି । ଗୋଟେପଟେ କେନ୍ଦ୍ର ସରକାର ତୈଳ ଓ ଗ୍ୟାସରୁ ୨୩ ଲକ୍ଷ କୋଟି ଟଙ୍କା ରୋଜଗାର କରିଥିବା ବେଳେ ସେ ଟଙ୍କା କୁଆଡେ ଗଲା ବୋଲି ସେ କେନ୍ଦ୍ର ସରକାରଙ୍କୁ ପ୍ରଶ୍ନ କରିଛନ୍ତି ।
ଅନ୍ୟପଟେ ସେ କେନ୍ଦ୍ରକୁ ଟାର୍ଗେଟ କରି କହିଛନ୍ତି କି ମୁଦ୍ରିକରଣ ଓ ବିମୁଦ୍ରିକରଣ ଏକ ସାଙ୍ଗରେ ହୋଇଛି । ନରେନ୍ଦ୍ର ମୋଦୀଙ୍କ ୪/୫ ଜଣ ବନ୍ଧୁଙ୍କ ମୁଦ୍ରିକରଣ ହେଉଛି ଓ ଜନତାଙ୍କ ପାଇଁ ବିମୁଦ୍ରିକରଣ । ପ୍ରଧାନମନ୍ତ୍ରୀ ପ୍ରଥମେ କହିଥିଲେ କି ବିମୁଦ୍ରିକରଣ ଓ ଏବେ ଅର୍ଥମନ୍ତ୍ରୀ କହୁଛନ୍ତି କି ମୁଦ୍ରିକରଣ କରୁଛୁ ।
The government earned Rs 23 Lakh Crores through GDP – not the Gross Domestic Product but the Gas-Diesel-Petrol. Where did this Rs 23 Lakh Crores go?: Congress leader Rahul Gandhi pic.twitter.com/DfmnN6MVOM
— ANI (@ANI) September 1, 2021
ବଢୁଥିବା ବଜାର ଦରକୁ ନେଇ ରାହୁଲ ଗାନ୍ଧୀ କହିଛନ୍ତି ଯେ ୨୦୧୪ ରେ ଯେବେ ୟୁପିଏ ସରକାର ଥିଲା ଗ୍ୟାସର ଦାମ ୪୧୦ ଟଙ୍କା ଥିଲା । ମାତ୍ର ୭ ବର୍ଷରେ ମୋଦୀ ସରକାର ଏହାକୁ ୮୮୫ ରେ ପହଂଚାଇ ସାରିଲେଣି, ଅର୍ଥାତ ୭ ବର୍ଷ ମଧ୍ୟରେ ଗ୍ୟାସର ଦାମ ୧୧୬ ପ୍ରତିଶତ ବୃଦ୍ଧି ପାଇଛି । ଅନ୍ୟପଟେ ୨୦୧୪ ରୁ ୨୦୨୧ ମଧ୍ୟରେ ପେଟ୍ରୋଲ ୪୨ ପ୍ରତିଶତ ଓ ଡିଜେଲ ୫୫ ପ୍ରତିଶତ ମୂଲ୍ୟ ବୃଦ୍ଧି ହୋଇଛି । ହେଲେ ସେହି ତୁଳନାରେ ଜନତାଙ୍କ ଆୟ କାହିଁକି ବୃଦ୍ଧି ହୋଇନାହିଁ ବୋଲି ସେ ମୋଦୀ ସରକାରଙ୍କୁ ପ୍ରଶ୍ନ କରିଛନ୍ତି ।