ଅସୁସ୍ଥତା କାରଣରୁ ସର ଗଙ୍ଗାରାମ ହସ୍ପିଟାଲରେ ଭର୍ତ୍ତି ହେଲେ ସୋନିଆ ଗାନ୍ଧୀ, ସ୍ୱାସ୍ଥ୍ୟବସ୍ଥା ନେଇ ଡାକ୍ତର କହିଲେ ……
କନକ ବ୍ୟୁରୋ : କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ପୁଣି ଅସୁସ୍ଥ ହୋଇ ପଡିଛନ୍ତି । କରୋନା ସଂକ୍ରମିତ ହୋଇଥିବାରୁ ଶରୀରରେ କିଛି ସମସ୍ୟା ଦେଇଛି । ଏନେଇ ତାଙ୍କୁ ସର ଗଙ୍ଗାରାମ ହସ୍ପିଟାଲରେ ଭର୍ତ୍ତି କରାଯାଇଥିବା କଥା କୁହାଯାଇଛି । କଂଗ୍ରେସ ପ୍ରବକ୍ତା ରଣଦୀପ ସୁରଜୱାଲା ଏନେଇ ସୂଚନା ଦେଇଛନ୍ତି । ବର୍ତ୍ତମାନ ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ଥିବା କଥା ଚିକିତ୍ସା କରୁଥିବା ଡାକ୍ତରୀ ଟିମ୍ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ୭୫ ବର୍ଷିୟା ସୋନିଆ ଗାନ୍ଧୀ ଜୁନ ୨ ତାରିଖରେ କରୋନା ସଂକ୍ରମିତ ହୋଇଥିଲେ । ଏହାପରେ ସେ ଅସୁସ୍ଥ ହୋଇପଡିଥିଲେ । ହେଲେ ଆଜି ଶାରୀରିକ ଅସୁସ୍ଥତା ବଢିଯିବାରୁ ତାଙ୍କୁ ଆଜି ସର ଗଙ୍ଗାରାମ ହସ୍ପିଟାଲରେ ଭର୍ତ୍ତି କରାଯାଇଛି ।
ସେପଟେ ନ୍ୟାସନାଲ ହେରାଲ୍ଡ ମାମଲାରେ ପଚରା ଉଚରା ପାଇଁ ଇଡି ସୋନିଆ ଗାନ୍ଧୀଙ୍କୁ ଜୁନ ୨୩ ତାରିଖରେ ହାଜର ହେବାକୁ ନୋଟିସ କରିଥିଲା । ଏହାପୂର୍ବରୁ ତାଙ୍କୁ ଇଡି ଜୁନ ୮ ତାରିଖରେ ହାଜର ହେବାକୁ ନୋଟିସ କରିଥିଲା । ହେଲେ କରୋନା ସଂକ୍ରମିତ ହେବା କାରଣରୁ ସେ ହାଜର ହୋଇପାରି ନଥିଲେ ।
Congress President, Smt. Sonia Gandhi was admitted to Ganga Ram Hospital today owing to Covid related issues. She is stable and will be kept at the hospital for observation.
We thank all the Congress men & women as also all well wishers for their concern and good wishes.
— Randeep Singh Surjewala (@rssurjewala) June 12, 2022
ହେଲେ ସମାନ ମାମଲାରେ ରାହୁଲ ଗାନ୍ଧୀ ଜୁନ ୧୩ ତାରିଖରେ ଇଡିରେ ହାଜର ହେବାକୁ ଯାଉଛନ୍ତି । ଏହା ପୂର୍ବରୁ ରବିବାର ଦିନ କଂଗ୍ରେସ ପକ୍ଷରୁ ସାରା ଦେଶରେ ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଛି । ଏହାସହ ଆସନ୍ତା କାଲି ଦଳୀୟ ସାଂସଦ ଓ ବରିଷ୍ଠ ନେତାମାନେ କଂଗ୍ରେସ କାର୍ଯ୍ୟାଳୟରୁ ଇଡି କାର୍ଯ୍ୟାଳୟ ପର୍ଯ୍ୟନ୍ତ ଏକ ମାର୍ଚ୍ଚ କରିବାର କାର୍ଯ୍ୟକ୍ରମ ରହିଛି ।