କଂଗ୍ରେସର ମହାସଚିବ ଓ ପ୍ରଭାରୀଙ୍କୁ ଖଡଗେଙ୍କ ନିର୍ଦ୍ଦେଶ । କହିଲେ, ୯୦ ଦିନ ମଧ୍ୟରେ ପ୍ରସ୍ତୁତ କର ୨୦୨୪ ପାଇଁ ଯୋଜନା
କନକ ବ୍ୟୁରୋ : କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ଅଧ୍ୟକ୍ଷତାରେ ଦଳର ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଖଡଗେ ଦଳର ତଳସ୍ତରରୁ ଉପରସ୍ତର ପର୍ଯ୍ୟନ୍ତ ସମସ୍ତ ନେତାଙ୍କୁ ଜବାବ ରଖିବାକୁ କହିଛନ୍ତି । ସେ କହିଥିଲେ କି ପାର୍ଟିର ମହାସଚିବ ଓ ପ୍ରଦେଶ ପ୍ରଭାରୀମାନେ ପ୍ରଥମେ ସେମାନଙ୍କ ଦାୟିତ୍ୱ ସୁନିଶ୍ଚିତ କରାନ୍ତୁ । ଏହାସହ ପାର୍ଟିର ସଂଚାଳନ କମିଟି ବୈଠକରେ ଖଡଗେ ଚେତାବନୀ ଦେଇଛନ୍ତି କି ଯେଉଁମାନେ ନିଜ ଦାୟିତ୍ୱ ତୁଲାଇବାରେ ଅକ୍ଷମ ଅନୁଭବ କରୁଛନ୍ତି ସେମାନେ ତୁରନ୍ତ ନିଜ ପଦରୁ ଇସ୍ତଫା ଦିଅନ୍ତୁ , ଫଳରେ ନୂଆ ଲୋକଙ୍କୁ ସୁଯୋଗ ମିଳିପାରିବ । ସେ କହିଥିଲେ କି ଆମର ତଳ ସ୍ତରରୁ ଉପରସ୍ତରର ସମସ୍ତ ନେତାମାନେ ନିଜର କାର୍ଯ୍ୟ ଉପରେ ଜବାବ୍ ଦେବା ଶିଖନ୍ତୁ । ଫଳରେ ସଂଗଠନ ମଜବୁତ ହେବ ଓ ନିର୍ବାଚନରେ ବିଜୟଲାଭ କରି ଲୋକଙ୍କ ସେବା କରିପାରିବ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଦଳର ସମସ୍ତ ସଂଗଠନ ତରଫରୁ ଏକ ବଡ ଆନ୍ଦୋଳନର ପ୍ରସ୍ତୁତ ୧୫୩୦ ଦିନ ମଧ୍ୟରେ କରିବାକୁ ଖଡଗେ ଆହ୍ୱାନ ଦେଇଛନ୍ତି । ଦେଶରେ ଲାଗିରହିଥିବା ଘୃଣାର ରାଜନୀତିକୁ କେବଳ ଆନ୍ଦୋଳନ ମାଧ୍ୟମରେ ପ୍ରତିହତ କରିହେବ ବୋଲି ଖଡଗେ କହିଛନ୍ତି ।
ସେପଟେ ଭାରତ ଯୋଡ ଯାତ୍ରା ବାବଦରେ ଖଡଗେ କହିଛନ୍ତି କି, ରାହୁଲ ଗାନ୍ଧୀଙ୍କ ନେତୃତ୍ୱରେ ଚାଲିଥିବା ଭାରତ ଯୋଡ ଯାତ୍ରା ୮୮ ଦିନ ପୁରା କରିସାରିଛି । ଏହା ଦେଶରେ ଲାଗିରହିଥିବା ଦରବୃଦ୍ଧି, ବେରୋଜଗାରୀ, ଆର୍ଥିକ ଓ ସାମାଜିକ ଅସମାନତା ବିରୋଧରେ ଏକ ନିର୍ଣ୍ଣାୟକ ଭୂମିକା ନିଭାଇବ ବୋଲି ସେ କହିଛନ୍ତି ।