ନୂଆପଡାରୁ ପିସିସି ସଭାପତି କଂଗ୍ରେସ ପ୍ରାର୍ଥୀ । ଶରତ ପଟ୍ଟନାୟକଙ୍କୁ ସିପାହୀ କଲା କଂଗ୍ରେସ ।
କନକ ବ୍ୟୁରୋ: ଘୋଷଣା ହେଲା କଂଗ୍ରେସର ପ୍ରାର୍ଥୀ ତାଲିକା । ବହୁ ଚର୍ଚ୍ଚା ଆଲୋଚନା ପରେ ଶେଷରେ କଂଗ୍ରେସ ଘୋଷଣା କରିଛି ତାର ଲୋକସଭା ଏବଂ ବିଧାନସଭା ପାଇଁ ପ୍ରାର୍ଥୀ ତାଲିକା । ଲୋକସଭା ପାଇଁ ୮ଟି ଆସନ ଏବଂ ବିଧାନସଭା ପାଇଁ ୪୯ଟି ଆସନରୁ ୪୭ ଆସନରେ ପ୍ରାର୍ଥୀ ଘୋଷଣା କରିଛି କଂଗ୍ରେସ ବାକି ୨ ଆସନ ସହଯୋଗୀଙ୍କ ପାଇଁ ଛାଡିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ବିଭିନ୍ନ ହେଭିୱେଟ୍ ନେତାଙ୍କୁ କଂଗ୍ରେସ ଟିକେଟ ଦେଇଥିବା ବେଳେ ନୂଆପଡା ବିଧାନସଭା ଆସନରୁ ପ୍ରାର୍ଥୀ ହୋଇଛନ୍ତି ପିସିସି ସଭାପତି ଶରତ ପଟ୍ଟନାୟକ । କଂଗ୍ରେସ ଶରତଙ୍କୁ ନୂଆପଡାରୁ ଯୋଦ୍ଧା କରିଥିବା ବେଳେ ବିଜେପି ବସନ୍ତ ପଣ୍ଡାଙ୍କ ପୁଅ ଅଭିନନ୍ଦନ ପଣ୍ଡାଙ୍କୁ ପ୍ରାର୍ଥୀ କରିଛି ଏବଂ ବିଜେଡି ରାଜେନ୍ଦ୍ର ଢୋଲକିଆଙ୍କୁ ସେଠାରୁ ଟିକେଟ୍ ଦେଇଛି । ନୂଆପଡାରୁ ଦୁଇ ବଡ ଚେହେରା ଲଢୁଥିବା ବେଳେ ସେ ଆସନ ଉପରେ ସମସ୍ତଙ୍କ ନଜର ରହିବ ।