ରାଜସ୍ଥାନ ରାଜନୈତିକ ସଙ୍କଟ ଭିତରେ ଗେହଲଟଙ୍କ ଶକ୍ତି ପ୍ରଦର୍ଶନ: ବିଧାୟକ ଦଳ ବୈଠକରେ ଶହେରୁ ଅଧିକ ବିଧାୟକ ସାମିଲ ହୋଇ ଦେଖାଇଲେ ବିଜୟ ସୂଚକ

ସଚିନ ପାଇଲଟଙ୍କ ପରବର୍ତ୍ତୀ ପଦକ୍ଷେପ ଉପରେ ନଜର

724

କନକ ବ୍ୟୁରୋ: ରାଜସ୍ଥାନରେ ରାଜନୈତିକ ସଂକଟ ଭିତରେ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ଶକ୍ତି ପ୍ରଦର୍ଶନ । ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ବିଦ୍ରୋହ ପରେ ଅଶୋକ ଗେହଲଟ ସରକାର ରହିବ କି ଯିବ ସେ ନେଇ ଆଶଙ୍କା ପ୍ରକାଶ ପାଇଥିବା ବେଳେ ଶକ୍ତି ପ୍ରଦର୍ଶନ କରିଛନ୍ତି ଅଶୋକ ଗେହଲଟ । ବିଧାୟକ ଦଳ ବୈଠକରେ ଶହେରୁ ଅଧିକ ବିଧାୟକ ସାମିଲ ହୋଇ ବିଜୟ ସୂଚକ ପ୍ରଦର୍ଶନ କରିଛନ୍ତି । ଅଶୋକ ଗେହଲଟଙ୍କ ବାସଭବନରେ ଏକାଠି ହୋଇଛନ୍ତି କଂଗ୍ରେସ ବିଧାୟକ । ଦିନ ସାଢେ ୧୦ଟାରେ ବିଧାୟକ ଦଳ ବୈଠକ ଆରମ୍ଭ ହେବାର ଥିଲା କିନ୍ତୁ ଏଥିରେ ବିଳମ୍ବ ହୋଇଥିଲେ ମଧ୍ୟ ଶହେରୁ ଅଧିକ ବିଧାୟକଙ୍କ ଏକତ୍ରିତ କରି ଶକ୍ତି ପ୍ରଦର୍ଶନ କରିଛନ୍ତି ମୁଖ୍ୟମନ୍ତ୍ରୀ ଅଶୋକ ଗେହଲଟ ।

ବୈଠକ ପୂର୍ବରୁ ମୁଖ୍ୟମନ୍ତ୍ରୀ ଅଶୋକ ଗେହେଲଟଙ୍କ ବାସଭବନରେ ୯୦ ଜଣ କଂଗ୍ରେସ ବିଧାୟକ ଉପସ୍ଥିତ ହୋଇଥିଲେ । ବିଧାୟକ ଦଳ ବୈଠକ ଉପସ୍ଥିତି ରହିବାକୁ ଦଳ ପକ୍ଷରୁ ସମସ୍ତଙ୍କୁ ହ୍ୱିପ ଜାରି କରାଯାଇଥିଲା । ଶେଷ ମୁହୂର୍ତିରେ କଂଗ୍ରେସ ହାଇକମାଣ୍ଡ ବୁଝାମଣା କରିବାକୁ ଉଦ୍ୟମ କରିଥିଲେ । ଜୟପୁରରେ ଦଳର ବରିଷ୍ଠ ନେତା ରଣଦୀପ ସୂର୍ଯ୍ୟେୱାଲା କହିଛନ୍ତି, ଗତ ୪୮ରୁ ୭୨ ଘଂଟା ମଧ୍ୟରେ ସଚିନଙ୍କୁ ଯୋଗାଯୋଗ କରାଯାଇଛି । ବୈଚାରିକ ମତଭେଦ ଥିଲେ ବି ସରକାରକୁ ଦୁର୍ବଳ କରାଯିବା ଠିକ ନୁହେଁ । ସୋନିଆ ଓ ରାହୁଲ ଗାନ୍ଧିଙ୍କ ପାଇଁ ସମସ୍ତଙ୍କ ଦ୍ୱାର ଖୋଲା ରହିଛି ।

ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ଶକ୍ତି ପ୍ରଦର୍ଶନ ପରେ କଣ ରହିବ ସଚିନ ପାଇଲଟଙ୍କ ପରବର୍ତୀ ପଦକ୍ଷେପ ତାରି ଉପରେ ରହିଛି ନଜର । ବିଧାୟକ ଦଳ ବୈଠକରେ ସାମିଲ ହେବେ ନାହିଁ ବୋଲି ରୋକଠୋକ ଜଣାଇଦେଇଥିଲେ ସଚିନ । ତାଙ୍କ ସହ ୨୫ରୁ ଅଧିକ ବିଧାୟକ ଅଛନ୍ତି ବୋଲି ମଧ୍ୟ ସେ ଦାବି କରିଥିଲେ । ତେବେଯେଉଁମାନେ ବୈଠକରେ ସାମିଲ ହେବେ ନାହିଁ ସେମାନଙ୍କ ବିରୋଧରେ ଦଳ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନେବାର ସଙ୍କେତ ଦେଇଛି । ଏପରିସ୍ଥିତିରେ ଦଳ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନେଲେ ପାଇଲଟଙ୍କ ପରବର୍ତି ପଦକ୍ଷେପ କଣ ରହିବ ।

ଆଉ ଏହାର ପ୍ରଭାବ ଗେଗେଲଟ ସରକାରଙ୍କ ଉପରେ ପଡିବ ନା ନାହିଁ, ତାକୁ ନେଇ କଳ୍ପନା ଜଳ୍ପନା ଚାଲିଛି । ସେପଟେ କଂଗ୍ରେସ ଦାବି କରୁଛି ରାଜସ୍ଥାନର ୧୦୯ ଜଣ ବିଧାୟକ ଅଶୋକ ଗେହେଲଟ ସରକାରକୁ ସମର୍ଥନ ଜଣାଇଛନ୍ତି । ରାଜସ୍ଥାନ ସରକାରର ଟଳମଳ ସଙ୍କଟକୁ ସୁଧାରିବା ପାଇଁ କଂଗ୍ରେସ ହାଇକମାଣ୍ଡ ତିନି ବରିଷ୍ଠ ନେତାଙ୍କୁ ପଠାଇଛନ୍ତି । ବରିଷ୍ଠ କଂଗ୍ରେସ ନେତା ଅଜୟ ମାକେନ, ରାଜସ୍ଥାନ କଂଗ୍ରେସ ପ୍ରଦେଶ କମିଟି ମୁଖ୍ୟ ଅବିନାଶ ପାଣ୍ଡେ ଏବଂ ଦଳର ବରିଷ୍ଠ ମୁଖପାତ୍ର ରଣଦୀପ ସୁର୍ଯେୱାଲା ରାଜସ୍ଥାନରେ ରହି ସ୍ଥିତି ଉପରେ ନଜର ରଖିିଛନ୍ତି

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.