ଶିଖ୍ ଦଙ୍ଗା ଉପରେ ବିବାଦୀୟ ମନ୍ତବ୍ୟ ଦେବା ପରେ କ୍ଷମା ମାଗିଲେ ସାମ୍ ପିତ୍ରୋଡା ! କହିଲେ , ହିନ୍ଦୀରେ ମୁଁ ଦୁର୍ବଳ , କହିବାକୁ ଚାହୁଁଥିଲି କିଛି କହିଦେଲି କିଛି ।

102

୧୯୮୪ ଶିଖ୍ ଦଙ୍ଗାକୁ ନେଇ ହୋଇଥିବା ନରସଂହାର ଉପରେ କଂଗ୍ରେସ ବରିଷ୍ଠ ନେତା ସାମ୍ ପିତ୍ରୋଡା କ୍ଷମା ପ୍ରାର୍ଥନା କରିଛନ୍ତି । ସାମ୍ ପିତ୍ରୋଡା କହିଛନ୍ତି ମୋ ହିନ୍ଦୀ ବହୁତ ଖରାପ । ମୁଁ କହିବାକୁ ଚାହୁଁଥିଲି , ଯାହା ହୋଇଛି କିଛି ଭଲ ହୋଇନାହିଁ କିନ୍ତୁ ଭୁଲବଶତଃ ମୁଁ ଏହାକୁ ସଠିକ୍ ଭାବେ ଟ୍ରାନ୍ସଲେଟ୍ କରିପାରିଲି ନାହିଁ ଏବଂ ମୋ ବୟାନକୁ ଭୁଲଭାବରେ ପ୍ରକାଶ କରାଗଲା । ସାମ୍ ପିତ୍ରୋଡା କହିଛନ୍ତି ବିଜେପି ସରକାର କ’ଣ କରିଛନ୍ତି ଏବଂ କ’ଣ ଦେଇଛନ୍ତି , ଏହା ଉପରେ ଚର୍ଚ୍ଚା କରିବାକୁ ଆମ ପାଖରେ ଅନ୍ୟ ମୁଦ୍ଦା ରହିଅଛି । ମୋ ଟିପ୍ପଣୀକୁ ଭୁଲ୍ ଭାବରେ ପ୍ରସ୍ତୁତ କରିଥିବାରୁ ମୁଁ ବହୁତ ଦୁଃଖିତ ଏଥିପାଇଁ ମୁଁ କ୍ଷମା ପ୍ରାର୍ଥନା କରୁଛି । ମୋ ଟିପ୍ପଣୀକୁ ବଢେଇଚଢେଇ କରି କୁହାଯାଇଛି । ପିତ୍ରୋଦାଙ୍କ ସଫେଇ ଦେବା ପୂର୍ବରୁ କଂଗ୍ରେସ ମଧ୍ୟ ନିଜ ତରଫରୁ ଚିଠି ଜାହିର କରି ସଫେଇ ଦେଇଥିଲେ ।

Agony of the entire Sikh community.

କଂଗ୍ରେସ କହିଥିଲା ଯେ ପିତ୍ରୋଦାଙ୍କ ବୟାନ୍ କଂଗ୍ରେସର ବୟାନ୍ ନୁହେଁ । କଂଗ୍ରେସ ଶିଖ୍ ଦଙ୍ଗା ପୀଡିତଙ୍କ ସାଙ୍ଗରେ ଠିଆ ହୋଇଛିି । ବିଜେପି ଉପରେ ଟାର୍ଗେଟ୍ କରି କଂଗ୍ରେସ କହିଥିଲା ଆମେ ଶିଖ୍ ଦଙ୍ଗା ଦୋଷୀଙ୍କ ଉପରେ କଠୋର ପଦକ୍ଷେପ ନେବାକୁ ପ୍ରୟାସ କରିଛୁ କିନ୍ତୁ ବିଜେପି ମାଲେଗାଓଁ ବୋମା ବିସ୍ଫୋରଣର ଅଭିଯୋଗ ସାଧ୍ୱୀ ପ୍ରଜ୍ଞାଙ୍କୁ ଟିକେଟ୍ ଦେଇଛି ।

Comments are closed.