କନକ ବ୍ୟୁରୋ : ‘କଂଗ୍ରେସ ଅମଳରେ ୨ଟି ସିଲିଣ୍ଡରରର ମୂଲ୍ୟରେ ଆଜି ମିଳୁଛି ଗୋଟିଏ ସିଲିଣ୍ଡର’ ସବସିଡି ମିଳୁଛି ଜିରୋ । କିଛି ଏଭଳି କହି କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ରବିବାର ରାହୁଲ ଟୁଇଟ କରିଛନ୍ତି । ଏଥିରେ ସେ ସିଲିଣ୍ଡର ଦରର ତୁଳନା କରିଛନ୍ତି । ୨୦୧୪ ମସିହା ଯାଏ କଂଗ୍ରେସ ଶାସନ ଥିବା ବେଳେ ଏଲପିଜି ସିଲିଣ୍ଡର ଦର ୮୨୭ ଟଙ୍କାର ସବସିଡି ସହ ୪୧୦ ଟଙ୍କା ଥିଲା । ବର୍ତ୍ତମାନର ବିଜେପି ସରକାରରେ ଦର ୯୯୯ ଟଙ୍କା ଥିବା ବେଳେ ସବସିଡି ଶୂନ ରହିଛି । ଦିନକୁ ଦିନ ଘରୋଇ ଗ୍ୟାସ ସିଲିଣ୍ଡର ଦର ବୃଦ୍ଧି ହେଉଥିବା ବେଳେ ରାହୁଲ ଏହାକୁ ନେଇ ବର୍ଷିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ ଲେଖିଛନ୍ତି ଯେ କଂଗ୍ରେସ ସରକାର ହିଁ ଗରିବ ତଥା ମଧ୍ୟବିତ୍ତ ପରିବାରଙ୍କ ଭଲ ପାଇଁ କାମ କରିଆସୁଛି । ରାହୁଲଙ୍କ ଟୁଇଟରେ କଂଗ୍ରେସ ସରକାର ବେଳେ ଦର କେତେ ଥିଲା ଆଉ କେତେ ସବସିଡି ମିଳୁଥିବା କଥା ସ୍ପଷ୍ଟ ରହିଥିବା ବେଳେ ବିଜେପି ସରକାର ବେଳେ କେତେ ରହିଛି ତାକୁ ଉଲ୍ଲେଖ କରିଛନ୍ତି । କଂଗ୍ରେସ ଅମଳରେ ୨ଟି ସିଲିଣ୍ଡରେ ଯେଉଁ ଦାମରେ ମିଳୁଥିଲା ଆଜି ସେହି ଦରରେ ଗୋଟିଏ ସିଲିଣ୍ଡର ମିଳୁଛି । ଯାହା ସବୁଠାରୁ ଚିନ୍ତାର ବିଷୟ ।
ଶନିବାର ଦେଶରେ ତୈଳ କମ୍ପାନୀ ଘରୋଇ ସିଲିଣ୍ଡର ଦର ୫୦ ଟଙ୍କା ବୃଦ୍ଧି କରିଛନ୍ତି । ବର୍ତ୍ତମାନ ସିଲିଣ୍ଡର ଦର ୯୯୯ ଟଙ୍କା ୫୦ ପଇସାରେ ମିଳୁଛି । ଗତ ମାର୍ଚ୍ଚ ମାସରେ ସିଲିଣ୍ଡର ଦାମ ୫୦ ଟଙ୍କା ବୃଦ୍ଧି ହୋଇଥିଲା ।