କନକ ବ୍ୟୁରୋ: ନିର୍ବାଚନ ବେଳେ କଂଗ୍ରେସ ବଢୁଛି ନା ଛିଣ୍ଡୁଛି । ଏହାକୁ ନେଇ ଆରମ୍ଭ ହୋଇଛି ତର୍କ । କଂଗ୍ରେସ ଅଜୟ କୁମାରଙ୍କୁ ଓଡିଶାର ପ୍ରଭାରୀ ଭାବେ ନିଯୁକ୍ତ କରି ଗୋଟିଏ ବଡ ବାର୍ତ୍ତା ଦେଇଥିଲା । ଅନେକ ନିଲମ୍ବିତ ନେତାଙ୍କୁ ସାମିଲ କରି ଦଳ ଆଗକୁ ବଢୁଛି ବୋଲି ବାର୍ତ୍ତା ଦେଇଥିଲା । ହେଲେ ଟିକେଟ ଘୋଷଣା ବେଳକୁ କଂଗ୍ରେସ ନେତା ଦଳ ଡିଆଁ ପର୍ବରେ ସାମିଲ ହୋଇଛନ୍ତି । ଦଳ ଏଯାବତ ୪୭ ବିଧାନସଭା ଏବଂ ୮ ଲୋକସଭା ପ୍ରାର୍ଥୀ ଘୋଷଣା କରିବାରେ ସଫଳ ହୋଇଛି । ବାକି ଆସନ ପାଇଁ କିଏ ପ୍ରାର୍ଥୀ ହେବେ ବୋଲି ଅପେକ୍ଷା ରହିଛି । ଏହାରି ଭିତରେ କଂଗ୍ରେସ ମିଡିଆ ସେଲ୍ ଅଧ୍ୟକ୍ଷ ବିଶ୍ୱରଂଜନ ମହାନ୍ତି କହିଛନ୍ତି, ବିଜେଡି ଓ ବିଜେପି କଂଗ୍ରେସ ନେତାଙ୍କୁ ନେବାରେ ବ୍ୟସ୍ତ । ତେବେ ନଜର ପକାନ୍ତୁ ନିର୍ବାଚନ ବେଳେ କେଉଁ କେଉଁ କଂଗ୍ରେସ ନେତା ଦଳ ବଦଳ କରିଛନ୍ତି...
କଟକଣା ହଟାଇଥିଲା କଂଗ୍ରେସ
- ମହମ୍ମଦ ମୋକ୍କିମ, ବାରବାଟୀ-କଟକ ବିଧାୟକ
- ଚିରଞ୍ଜୀବ ବିଶ୍ୱାଳ, ପୂର୍ବତନ ଜଗତସିଂହପୁର ବିଧାୟକ
- କୃଷ୍ଣ ଚନ୍ଦ୍ର ସଗରିଆ, ପୂର୍ବତନ କୋରାପୁଟ ବିଧାୟକ
- ଶ୍ରୀକାନ୍ତ ଜେନା, ପୂର୍ବତନ କେନ୍ଦ୍ରମନ୍ତ୍ରୀ
କଂଗ୍ରେସ ଛାଡିଥିବା ନେତା
- ସୁରେନ୍ଦ୍ର ସିଂହ ଭୋଇ
- ଚିରଞ୍ଜୀବ ବିଶ୍ୱାଳ
- ଗଣେଶ୍ୱର ବେହେରା
- ନିହାର ରଂଜନ ମହାନନ୍ଦ
- କେ ସୂର୍ଯ୍ୟ ରାଓ
- ବାପି ସର୍ଖେଲ
- ଅଧିରାଜ ପାଣିଗ୍ରାହୀ
- ମନ୍ମଥ ରାଉତରାୟ
- ରୋହିତ ଜୋଶେଫ ତିର୍କି
କଂଗ୍ରେସରେ ସାମିଲ ହୋଇଛନ୍ତି
- ବଳଭଦ୍ର ମାଝୀ, ପୂର୍ବତନ ବିଜେଡି ବିଧାୟକ ତଥା ମନ୍ତ୍ରୀ
- ମନୋଜ ମିଶ୍ର, ଅଭିନେତା
- ଗିରିଧର ଗମାଙ୍ଗ, ବିଆରଏସ ନେତା
- ହେମା ଗମାଙ୍ଗ, ବିଆରଏସ ନେତା
- ଶିଶିର ଗମାଙ୍ଗ, ବିଆରଏସ ନେତା
- ଜୟରାମ ପାଙ୍ଗୀ, ବିଆରଏସ ନେତା
- ସଞ୍ଜୟ ଭୋଇ, ପୂର୍ବତନ ସାଂସଦ
ଟିକେଟ୍ ପାଇଥିବା ନେତା
- ସୁରେନ୍ଦ୍ର ସିଂହ ଭୋଇ - ବଲାଙ୍ଗୀର ଲୋକସଭା ପ୍ରାର୍ଥୀ, ବିଜେଡି
- ଚିରଞ୍ଜୀବ ବିଶ୍ୱାଳ - ବିଜେଡିରୁ ଟିକେଟ୍ ପାଇବା ଚର୍ଚ୍ଚା
- ଗଣେଶ୍ୱର ବେହେରା - ବିଜେଡିରୁ ଟିକେଟ୍ ପାଇବା ଚର୍ଚ୍ଚା
- ବାପି ସର୍ଖେଲ - ବିଜେଡିରୁ ଟିକେଟ୍ ପାଇବା ବୋଲି ଚର୍ଚ୍ଚା
- ରୋହିତ ଜୋଶେଫ ତିର୍କି - ବୀରମିତ୍ରପୁର ବିଧାୟକ ପ୍ରାର୍ଥୀ, ବିଜେଡି
- ମନ୍ମଥ ରାଉତରାୟ - ଭୁବନେଶ୍ୱର ଲୋକସଭା ପ୍ରାର୍ଥୀ, ବିଜେଡି
- ଅଧିରାଜ ପାଣିଗ୍ରାହୀ - ଖରିଆର ବିଧାୟକ ପ୍ରାର୍ଥୀ, ବିଜେଡି
- ନିହାର ରଂଜନ ମହାନନ୍ଦ - ଅତାବିରା ବିଧାୟକ ପ୍ରାର୍ଥୀ, ବିଜେପି