ଭାରତ ବନ୍ଦ ପାଇଁ କଂଗ୍ରେସ ଜାରି କଲା ହେଲ୍ପ ଲାଇନ୍ ନମ୍ବର ! ଅସୁବିଧାରେ ପଡିଲେ ଏହି ନମ୍ବରରେ ଫୋନ କରନ୍ତୁ, କଂଗ୍ରେସ କର୍ମୀ କରିବେ ସାହାଯ୍ୟ ।
ପେଟ୍ରୋଲ ଓ ଡିଜେଲ ଦର ବୃଦ୍ଧି ପ୍ରତିବାଦରେ ବିଜେପି ସରକାର ବିରୋଧରେ କଂଗ୍ରେସର ଭାରତ ବନ୍ଦ ଡାକରା । ଆସନ୍ତା କାଲି ଓଡିଶାରେ ମଧ୍ୟ ଏହାର ବଡ ଧରଣର ପ୍ରଭାବ ପଡିବାର ସମ୍ଭାବନା ରହିଛି । ସକାଳ ୬ଟାରୁ ସନ୍ଧ୍ୟା ୬ଟା ଯାଏଁ ବନ୍ଦ ପାଳନ କରିବାକୁ ଯାଉଥିବା କଂଗ୍ରେସ କର୍ମୀ ମୁଖ୍ୟ ଛକ, ରାଜରାସ୍ତା, ଓ ଜନଗହଳି ପୂର୍ଣ୍ଣ ସ୍ଥାନରେ ପିକେଟିଂ କରିବେ । ପେଟ୍ରୋଲ ପମ୍ପ ଏବଂ ଦୋକାନ ବଜାରକୁ ସମ୍ପୁର୍ଣ୍ଣ ଭାବେ ବନ୍ଦ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆସନ୍ତାକାଲି କଂଗ୍ରେସର ବନ୍ଦ ଡାକରା ସମୟରେ ଯଦି କୌଣସି ବ୍ୟକ୍ତି ଅସୁବିଧାରେ ପଡନ୍ତି, ତେବେ କଂଗ୍ରେସ ପକ୍ଷରୁ ସେମାନଙ୍କୁ ସହାୟତା ଯୋଗାଇ ଦିଆଯିବ । ଏନେଇ ସୂଚନା ଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । କାଲିର ବନ୍ଦ ଡାକରାକୁ ଦୃଷ୍ଟିରେ ରଖି କଂଗ୍ରେସ ତରଫରୁ ଏକ କଣ୍ଟ୍ରୋଲ ରୁମ୍ ଖୋଲାଯାଇଛି । ତେବେ ଆସନ୍ତାକାଲି ବନ୍ଦ ପାଳନ ସମୟରେ ଯଦି କୌଣସି ବ୍ୟକ୍ତି ଆସୁବିଧାରେ ପଡନ୍ତି, ତାହେଲେ ସିଧାସଳଖ କଣ୍ଟ୍ରୋଲ ରୁମ୍ ନମ୍ବର ୭୦୦୮୪୦୬୪୮୮ କିମ୍ବା ୮୨୪୯୯୪୨୫୮୫ରେ କଲ୍ କରି ନିଜ ଅସୁବିଧା ସମ୍ପର୍କରେ ଜଣାଇପାରିବେ ।
କଂଗ୍ରେସ ତରଫରୁ ସେମାନଙ୍କର ଯିବାଆସିବା ପାଇଁ ସୁବିଧା ଯୋଗାଇ ଦିଆଯିବ ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି । ବିଶେଷ କରି ଯଦି ଏମରଜେନ୍ସି ଥାଏ, ଆଉ ବନ୍ଦ ପାଳନ ଯୋଗୁଁ କେହି ବିମାନବନ୍ଦର କିମ୍ବା ହସ୍ପିଟାଲକୁ ନଯାଇପାରନ୍ତି ତାହେଲେ ଏହି ନମ୍ବରକୁ ଯୋଗାଯୋଗ କଲେ କଂଗ୍ରେସ ପକ୍ଷରୁ ସୁବିଧା ଯୋଗାଇ ଦିଆଯିବ । ଏନେଇ ସୂଚନା ଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।