ନିର୍ବାଚନ କାମରେ ଅଚାନକ ରାହୁଲ ଗାନ୍ଧୀଙ୍କ ହେଲିକ୍ୟାପ୍ଟର ହେଲା ଖରାପ ! ହେଲିକ୍ୟାପ୍ଟର ତଳକୁ ଓହ୍ଲାଇ ନିଜେ ଠିକ୍ କଲେ ରାହୁଲ
କଂଗ୍ରେସ ପ୍ରମୁଖ ରାହୁଲ ଗାନ୍ଧୀ ଲୋକସଭା ନିର୍ବାଚନରେ ଖୁବ୍ ବ୍ୟସ୍ତ ଅଛନ୍ତି ଏବଂ ଲଗାତାର ରାଲୀ କରୁଛନ୍ତି । କିନ୍ତୁ ଶୁକ୍ରବାର ତାଙ୍କ ହେଲିକ୍ୟାପ୍ଟରରେ କିଛି ଅସୁବିଧା ଦେଖାଦେଇଥିଲା । ଏହାପରେ ରାହୁଲ୍ ଗାନ୍ଧୀ ନିଜେ ଆଗକୁ ବଢି ହେଲିକ୍ୟାପ୍ଟରର ମରାମତି କରିବାକୁ ଲାଗିଥିଲେ । ଏହି ଘଟଣା ହିମାଚଳ ପ୍ରଦେଶ ଉନ୍ନାର । ତେବେ ରାହୁଲ ଗାନ୍ଧୀ ହେଲିକ୍ୟାପ୍ଟର ମରାମତିର ଫଟୋକୁ ଇଷ୍ଟାଗ୍ରାମ୍ ରେ ପୋଷ୍ଟ କରି ଲେଖିଥିଲେ , ଭଲ ଟିମୱାର୍କର ଅର୍ଥ ହେଉଛି ସବୁ ଲୋକ ଏକ ସଙ୍ଗେ ସମସ୍ତଙ୍କ ସହ ଏକତ୍ରିତ ହୋଇ କାମ କରିବା ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ଫଟୋରେ ରାହୁଲ ତଳକୁ ଓହ୍ଲାଇ ହେଲିକ୍ୟାପ୍ଟର ଦେଖୁଥିବାର ନଜର ଆସୁଥିବା ବେଳେ ରାହୁଲଙ୍କ ଫେସବୁକ୍ ରେ ମଧ୍ୟ ଏହାର ଭିଡିଓ ସେୟାର୍ କରାଯାଇଛି । ସୋସିଆଲ୍ ମିଡିଆରେ ରାହୁଲ ଗାନ୍ଧୀଙ୍କ ଦ୍ୱାରା ହେଲିକ୍ୟାପ୍ଟର ଠିକ୍ ହେବାର ଭିଡିଓ ଭାଇରାଲ୍ ହୋଇଯାଇଛି । କିଛି ଲୋକ ଏହି ଭିଡିଓ ଦେଖି ରାହୁଲଙ୍କ ପ୍ରଶଂସା କରୁଥିବା ବେଳେ ଆଉ କିଛି ଲୋକ ଏହାକୁ ପବ୍ଲିକ୍ ଷ୍ଟଣ୍ଟ ବୋଲି କହିଛନ୍ତିି ।