ନିର୍ବାଚନ ତାରିଖ ଘୋଷଣା ଟିକେଟ ପାଇଁ କସରତ: ଦିଲ୍ଲୀରେ ଏଆଇସିସିର ସ୍କ୍ରିନିଂ କମିଟି ବୈଠକ, ପିଇସି ପଠାଇଥିବା ତାଲିକା ଉପରେ ଶେଷ ଆଲୋଚନା
କନକ ବ୍ୟୁରୋ: ସାଧାରଣ ନିର୍ବାଚନ ପାଇଁ ତାରିଖ ଘୋଷଣା ହେବା ପରେ ଟିକେତ ବଂଟନ ପାଇଁ ବିଭିନ୍ନ ରାଜନୈତିକ ଦଳ ମଧ୍ୟରେ କସରତ ଆରମ୍ଭ ହୋଇଯାଇଛି । ପ୍ରାର୍ଥୀ ତାଲିକାକୁ ଶେଷ ରୂପ ଦେବାକୁ ଲାଗିପଡିଛନ୍ତି ରାଜନୈତିକ ଦଳ । ଆଜି ଦିଲ୍ଲୀରେ ବସୁଛି କଂଗ୍ରେସର ଏଆଇସିସି ସ୍କ୍ରିନିଂ କମିଟି ବୈଠକ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ କଂଗ୍ରେସ କମିଟି ପଠାଇଥିବା ତାଲିକାକୁ ନେଇ ଏହି ଆଲୋଚନା ପରେ ପ୍ରାର୍ଥୀ ତାଲିକା କଂଗ୍ରେସ ସଭାପତି ରାହୁଲ ଗାନ୍ଧିଙ୍କ ପାଖକୁ ପଠାଯିବ । ଦିଲ୍ଲୀ ବୈଠକରେ ଯୋଗଦେବାକୁ ନିରଞ୍ଜନ ପଟ୍ଟନାୟକ ଓ ନରସିଂହ ମିଶ୍ର ଦିଲ୍ଲୀ ଯାଇଛନ୍ତି । ନିକଟରେ କେନ୍ଦ୍ରୀୟ ସ୍କ୍ରିନିଂ କମିଟି ଓ ପ୍ରଦେଶ ଇଲେକ୍ସନ କମିଟି ବୈଠକ ବସି ସମ୍ଭାବ୍ୟ ଆଶାୟୀ ତାଲିକା ଚୂଡାନ୍ତ ହୋଇ ଦିଲ୍ଲୀ ପଠାଯାଇଥିଲା ।
ଗତକାଲି ମୁଖ୍ୟ ନିର୍ବାଚନ କମିଶନର ସୁନୀଲ ଆରୋରା ନିର୍ବାଚନ ତାରିଖ ଘୋଷଣା କରିବା ପରେ ସବୁ ଦଳରେ ପ୍ରାର୍ଥୀ ଘୋଷଣା ନେଇ ତତ୍ପରତା ଦେଖାଇଛନ୍ତି । ନିକଟରେ କଂଗ୍ରେସ ପକ୍ଷରୁ କେନ୍ଦ୍ରୀୟ ସ୍ତ୍ରିନିଂ କମିଟି ଏବଂ ପିଇସ ବୈଠକ ଅନୁଷ୍ଠିତ ହୋଇ ସମ୍ଭାବ୍ୟ ଆଶାୟୀ ତାଲିକା ଚୂଡାନ୍ତ ହୋଇ ଦିଲ୍ଲୀ ପଠାଯାଇଥିଲା । ଆଜି ଏଆଇସିସିର ସ୍ତ୍ରିନିଂ କମିଟି ଦିଲ୍ଲୀରେ ବସୁଛି । ଏଥିରେ ସାମିଲ ହେବାକୁ ବିରୋଧୀ ଦଳର ନେତା ନରସିଂହ ମିଶ୍ର ଏବ ପ୍ରଦେଶ କଂଗ୍ରେସ କମିଟି ସଭାପତି ନିରଂଜନ ପଟ୍ଟନାୟକ ଦିଲ୍ଲୀ ଗସ୍ତରେ ଯାଇଛନ୍ତି । ତେବେ ରାଜ୍ୟ କଂଗ୍ରେସ କମିଟି ପଠାଇଥିବା ତାଲିକାକୁ ନେଇ ଏହି ଆଲୋଚନା ପରେ ପ୍ରାର୍ଥୀ ତାଲିକା କଂଗ୍ରେସ ସଭାପତି ରାହୁଲ ଗାନ୍ଧିଙ୍କ ପାଖକୁ ପଠାଯିବ । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ନିଜେ ପରଖିବେ ।