ପିପିଲି ଉପନିର୍ବାଚନ : ଭୋଟ ଦେଲେ କଂଗ୍ରେସ ପ୍ରାର୍ଥୀ ବିଶ୍ୱକେଶନ ହରିଚନ୍ଦନ
କନକ ବ୍ୟୁରେ : ଭୋଟ୍ ଦେଇଛନ୍ତି ପିପିଲି କଂଗ୍ରେସ ପ୍ରାର୍ଥୀ ବିଶ୍ୱକେଶନ ହରିଚନ୍ଦନ । ଡ଼େଲାଙ୍ଗ ବେରବୋଇ ଅଂଚଳର ଏକ ସରକାରୀ ଉଚ୍ଚ ବିଦ୍ୟାଳୟରେ ଭୋଟ୍ ଦେଇଛନ୍ତି ବିଶ୍ୱକେଶନ । ଡ଼େଲାଙ୍ଗ ପିପିଲି ଅଂଚଳରେ କିଭଳି ଶାନ୍ତି ଶୃଂଖଳା ବଜାୟ ରହିବ ତାହା ଉପରେ ଗୁରୁତ୍ୱ ଦିଆଯିବ ବୋଲି କହିଛନ୍ତି କଂଗ୍ରେସ ପ୍ରାର୍ଥୀ । ବର୍ତମାନ ଶୃଂଖଳିତ ଭାବେ ମତଦାନ ଚାଲିଥିବା କହିଛନ୍ତି ବିଶ୍ୱକେଶନ ହରିଚନ୍ଦନ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ବାପାଙ୍କ ଗଡ଼ରୁ ଭାଗ୍ୟ ପରୀକ୍ଷା କରୁଥିବା ରୁଦ୍ର ମହାରଥୀଙ୍କ ପାଇଁ ଭୋଟ୍ ଦେବାକୁ ପହଂଚିଛନ୍ତି ପୂରା ପରିବାର । ପିପିଲିର ପାଣିଦୋଳ ମତଦାନ କେନ୍ଦ୍ରରେ ମତଦାନ କରିଛନ୍ତି ପୂରା ମହାରଥୀ ପରିବାର । ସକାଳୁ ପିପିଲିର ବିଜେଡି ପ୍ରାର୍ଥୀ ରୁଦ୍ର ମହାରଥୀଙ୍କ ସହ ଆସିଥିଲେ, ମାଆ, ସ୍ତ୍ରୀ, ଭଉଣୀ ଭିଣୋଇ । ରୁଦ୍ର ମହାରଥୀଙ୍କ ସହ ଭୋଟ୍ ଦେଇଛନ୍ତି ତାଙ୍କ ପତ୍ନୀ ଜାଗୃତି । ମାଆ ପ୍ରତିଭା ମହାରଥୀ, ଭଉଣୀ ପଲ୍ଲବୀ, ଭିଣୋଇ ଅର୍ଧେନ୍ଦୁ ମଧ୍ୟ ମତଦାନ କରିଛନ୍ତି ।
ଭୋଟ୍ ଦେଇଛନ୍ତି ପିପିଲି ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକ । ୨୩୪ ନମ୍ବର ବୁଥ୍ର କମାକନ୍ତିଆ ସରକାରୀ ଉଚ୍ଚବିଦ୍ୟାଳୟର ମତଦାନ କେନ୍ଦ୍ରରେ ସେ ଭୋଟ୍ ଦେଇଛନ୍ତି । ସମର୍ଥକଙ୍କ ସହ ଯାଇ ମତଦାନ କେନ୍ଦ୍ରରେ ପହଂଚିଥିଲେ । ଭୋଟ୍ ଦେବାକୁ ହ୍ୱିଲ୍ ଚେୟାରରେ ଯାଇଥିବା ଜଣେ ବୃଦ୍ଧାଙ୍କୁ ଭୋଟ ଗ୍ରହଣ କେନ୍ଦ୍ର ପର୍ଯ୍ୟନ୍ତ ନେଇ ଯାଇଥିଲେ ଆଶ୍ରିତ । ଭୋଟ୍ ଦେବାକୁ ଆସିବା ପୂର୍ବରୁ ସେ ପୁରୀ ଯାଇ ମହାପ୍ରଭୁଙ୍କ ଦର୍ଶନ କରିଥିବା କହିଛନ୍ତି ।