କନକ ବ୍ୟୁରୋ : ଆସନ୍ତା ୧୦ ତାରିଖ ଅଥାର୍ତ ସୋମବାର ଦିନ ଭାରତ ବନ୍ଦର ଡାକରା ଦେଇଛି କଂଗ୍ରେସ । ଓଡିଶା ସମେତ ପୂରା ଦେଶରେ ଭାରତ ବନ୍ଦର ଡାକରା ଦେଇଛି କଂଗ୍ରେସ । ଏଥିପାଇଁ ସାଧାରଣ ଜୀବନଯାତ୍ରା ପ୍ରଭାବିତ ହେବାର ଆଶଙ୍କା ରହିଛି । ତେବେ ବନ୍ଦ ସମୟରେ ଓଡିଶାର ସ୍କୁଲ ଓ କଲେଜ ଛାତ୍ରଛାତ୍ରୀ, ରୋଗରେ ପୀଡିତ ବ୍ୟକ୍ତି, ପରୀକ୍ଷାର୍ଥୀ ଯେପରି ହଇରାଣ ନ ହୁଅନ୍ତି ସେଥିପାଇଁ ପ୍ରଦେଶ କଂଗ୍ରେସ ନେଇଛି ବଡ ପଦକ୍ଷେପ । ଖାସକରି ସ୍କୁଲ ଓ କଲେଜ ବସ ଗୁଡିକୁ ଅଟକାଯିବ ନାହିଁ ବୋଲି ସ୍ପଷ୍ଟ କରିଛି କଂଗ୍ରେସ । ଏହାଛଡା ଆମ୍ବୁଲାନ୍ସ ଗାଡି, କ୍ଷୀର ଗାଡିକୁ ରାସ୍ତା ମଝିରେ ଅଟକାଯିବ ନାହିଁ । ପରୀକ୍ଷା ଦେବାକୁ ଯାଉଥିବା ପରୀକ୍ଷାର୍ଥୀଙ୍କୁ ମଧ୍ୟ ଭାରତ ବନ୍ଦ ସମୟରେ କୌଣସି ସମସ୍ୟାର ସମ୍ମୁଖୀନ ହେବାକୁ ପଡିବ ନାହିଁ । ଏହାଛଡା ମେଡିସିନ ଷ୍ଟୋରକୁ କଂଗ୍ରେସ କର୍ମୀ ବନ୍ଦ କରିବେ ନାହିଁ ବୋଲି ସୂଚନା ଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏସବୁକୁ ଛାଡି ସମସ୍ତ କାର୍ଯ୍ୟାଳୟ ସାମ୍ନା, ରାଜରାସ୍ତାରେ କଂଗ୍ରେସ କର୍ମୀ ମାନେ ପିକେଟିଂ କରିବେ ବୋଲି ଦଳ ପକ୍ଷରୁ ସୂଚନା ମିଳିଛି । ଏହାଦ୍ୱାରା ରାଜ୍ୟର ସମସ୍ତ ଦୋକାନ ବଜାର ବନ୍ଦ ରହିବ । ଯାହା ସାଧାରଣ ଜୀବନଯାପନକୁ ପ୍ରଭାବିତ କରିବ । ତୈଳଦର ବୃଦ୍ଧି ପ୍ରତିବାଦରେ କଂଗ୍ରେସ ପୂରା ଦେଶରେ ଏହି ବନ୍ଦ ଡାକରା ଦେଇଛି । ଯାହାକୁ ଦୃଷ୍ଟିରେ ରଖି ଆସନ୍ତା ସୋମବାର ରାଜ୍ୟର ସମସ୍ତ ସ୍କୁଲକୁ ଛୁଟି ଘୋଷଣା କରିଥିଲେ ରାଜ୍ୟ ସରକାର ।