ଏକାଠି ଲଢିବେ ଆପ୍-କଂଗ୍ରେସ । ଦିଲ୍ଲୀରେ ୪ ଆସନରେ ଲଢିବ ଆପ୍, ଗୋଆରେ ୨ ଆସନରେ ଲଢିବ କଂଗ୍ରେସ ।
କନକ ବ୍ୟୁରୋ : ଆଗାମୀ ୨୦୨୪ ଲୋକସଭା ନିର୍ବାଚନରେ ଏକାଠି ଲଢିବେ ଆପ-କଂଗ୍ରେସ । ଦିଲ୍ଲୀ ସମେତ ହରିୟାଣା, ଗୁଜୁରାଟ, ଗୋଆ ଓ ଚଣ୍ଡିଗଡରେ ମିଳିତ ଭାବେ ଲଢିବେ ଉଭୟ ଦଳ । ଏନେଇ ଆଜି ଦିଲ୍ଲୀରେ ଉଭୟ ଦଳ ପକ୍ଷରୁ ମିଳିତ ଭାବେ ହୋଇଥିବା ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି । ଇଣ୍ଡିଆ ମେଣ୍ଟରେ ଥିବା ଦଳ ଗୁଡିକ ମଧ୍ୟରେ ସିଟ୍ ଭାଗବଣ୍ଟାକୁ ନେଇ ଆଲୋଚନା ହୋଇଛି । ଆପ୍-କଂଗ୍ରେସ ମଧ୍ୟରେ ଦୀର୍ଘ ଆଲୋଚନା ପରେ କିଏ କେତେ ଆସନରେ ଏବଂ କେଉଁ ଆସନରୁ ଲଢିବେ ତାହା ଫାଇନାଲ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ନେତା ମୁକୁଲ ବାସନିକ କହିଛନ୍ତି, ଆପ୍ ଓ କଂଗ୍ରେସ ଗୁଜୁରାଟ, ଦିଲ୍ଲୀ, ହରିୟାଣା, ଗୋଆ ଓ ଚଣ୍ଡିଗଡରେ ମିଳିତ ଭାବେ ନିର୍ବାଚନ ଲଢିବେ । ଦିଲ୍ଲୀରେ ଆପ୍ ୪ଟି ଆସନରେ ଏବଂ କଂଗ୍ରେସ ୩ଟି ଆସନରେ ନିର୍ବାଚନ ଲଢିବ । ଚଣ୍ଡିଗଡ ଓ ଗୋଆର ୨ଟି ଆସନରେ କଂଗ୍ରେସ ନିଜର ପ୍ରାର୍ଥୀ ଦେବ । ସେହିଭଳି ହରିୟାଣାରେ କଂଗ୍ରେସ ୯ଟି ଓ ଆପ୍ ଗୋଟିଏ ଆସନରେ ନିର୍ବାଚନ ଲଢିବେ । ଗୁଜୁରାଟ ଆପ୍ ୨ଟି ଓ କଂଗ୍ରେସ ୨୪ଟି ଆସନରେ ନିର୍ବାଚନ ଲଢିବେ । ଉଭୟ ଦଳ ପରସ୍ପରର ଚିହ୍ନରେ ନିର୍ବାଚନ ଲଢିବେ । ମିଳିତ ଭାବେ ଲଢି ବିଜେପିକୁ ହରାଇବୁ ବୋଲି କହିଛନ୍ତି ମୁକୁଲ ବାସନିକ ।
#WATCH | Lok Sabha elections 2024 | After seat-sharing between Congress and AAP announcement, Delhi Minister and AAP leader Saurabh Bharadwaj says, “…Our alliance with Congress has been announced in several states today. In Delhi, AAP will contest on 4 seats and Congress on 3.… pic.twitter.com/nD8d1rCSIA
— ANI (@ANI) February 24, 2024
ଉଭୟ ଦଳ ମଧ୍ୟରେ ଅନ୍ୟ ରାଜ୍ୟରେ ସିଟ୍ ବୁଝାମଣା ହୋଇଥିବା ବେଳେ ପଞ୍ଜାବରେ ଉଭୟ ଦଳ ଏକଲା ଚଲୋ ନୀତି ଆପଣାଇ ଏକାକୀ ନିର୍ବାଚନ ଲଢିବେ । ଆପ୍ ସହ ମିଳିତ ଭାବେ ଲଢିବା ପ୍ରସଙ୍ଗରେ ପଞ୍ଜାବର କଂଗ୍ରେସ ନେତା ରାଜି ନୁହନ୍ତି । ଏନେଇ ଦଳର ଶୀର୍ଷ ନେତୃତ୍ୱଙ୍କ ସହ ଆଲୋଚନା କରିଛନ୍ତି ରାଜ୍ୟ କଂଗ୍ରେସ ନେତା । ପଞ୍ଜାବ କଂଗ୍ରେସର ଅନେକ ନେତାଙ୍କ ବିରୋଧରେ ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ଆକ୍ରୋଶମୂଳକ ଭାବେ କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି । କଂଗ୍ରେସର ଅନେକ ନେତା ଏବେ ଜେଲରେ ଅଛନ୍ତି । ଏଭଳିସ୍ଥିତିରେ ମିଳିତ ଭାବେ ଆପ୍ ସହ ନିର୍ବାଚନ ଲଢିଲେ କଂଗ୍ରେସକୁ କ୍ଷତି ସହିବାକୁ ପଡିପାରେ ।