ଅଲିମ୍ପିକ୍ସ ଟିକଟ୍ ପାଇବା ପରେ ସମ୍ବର୍ଦ୍ଧନା ଉତ୍ସବରେ ଦୂତୀଙ୍କ ବୟାନ । କହିଲେ, ତାଙ୍କୁ ନେଇ ବିବାଦ ହେଲେ, ସେତିକି ମାତ୍ରାରେ ବଢ଼େ ସଫଳତା ।
କନକ ବ୍ୟୁରୋ : ଅଲିମ୍ପିକ୍ସ ଟିକଟ ପାଇ ଦୂତୀ ଚାନ୍ଦ ଓଡିଶା ଫେରିବା ପରେ ତାଙ୍କୁ କିଟ୍ ବିଶ୍ୱବିଦ୍ୟାଳୟ ପକ୍ଷରୁ ସମ୍ବର୍ଦ୍ଧନା ଦିଆଯାଇଛି । ଏହି ସମ୍ବର୍ଦ୍ଧନା ଉତ୍ସବରେ ଦୂତି କହିଛନ୍ତି, ତାଙ୍କୁ ନେଇ ଯେତେ ବିବାଦ ହୁଏ, ସେ ସେତିକି ସଫଳତା ହାସଲ କରନ୍ତି । ଅର୍ଥାତ କୌଣସି ବିବାଦ ତାଙ୍କୁ ବିଚଳିତ କରି ପାରେନାହିଁ । ଅଲିମ୍ପିକ୍ସ ପାଇଁ ଦୂତୀ ଜୋରଦାର ଅଭ୍ୟାସ କରୁଛନ୍ତି ବୋଲି କହିଛନ୍ତି । ଏବଂ ଗତ ନଭେମ୍ବରରୁ ସେ ଟୋକିଓ ଅଲିମ୍ପିକ୍ସ ପାଇଁ ଅଭ୍ୟାସ ଆରମ୍ଭ କରିଥିବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିଟରେ ଆୟୋଜିତ ସମ୍ବର୍ଦ୍ଧନା କାର୍ଯ୍ୟକ୍ରମରେ ଦୂତି କହିଛନ୍ତି, ଏଥର ଅଲିମ୍ପିକ୍ସରେ ସେ ଭାରତ ପାଇଁ ସଫଳତା ହାସଲ କରି ସୁନାମ ଆଣିବେ । ଦ୍ୱିତୀୟ ଥର ପାଇଁ ଅଲମ୍ପିକ୍ସରେ ସାମିଲ ହେବାର ସୁଯୋଗ ପାଇଥିବା ଦୂତି କହିଛନ୍ତି, ବିଭିନ୍ନ ସମୟରେ ତାଙ୍କୁ ନେଇ ବିବାଦ ସୃଷ୍ଟି କରାଯାଏ, ଏହା କିନ୍ତୁ ଏଥର ସଫଳତା ଆଣିବ ।
ୱାର୍ଲ୍ଡ ର୍ୟାଙ୍କିଙ୍ଗ ରୁଟରେ ୧୦୦ ମିଟର ଓ ୨୦୦ ମିଟର ଦୌଡ କାଟାଗୋରୀରେ ଅଲିମ୍ପିକ୍ସ ଖେଳିବା ପାଇଁ ଦୂତି ଯୋଗ୍ୟତା ଅର୍ଜନ କରିଛନ୍ତି । କହିଛନ୍ତି, ଟୋକିଓ ଅଲମ୍ପିକ୍ସ ପାଇଁ ସେ ନଭେମ୍ବରରୁ ଅଭ୍ୟାସ ଆରମ୍ଭ କରିଛନ୍ତି । ଏଥର କିଟ୍ ବିଶ୍ୱବିଦ୍ୟାଳୟରୁ ୩ ଜଣ ଆଥଲେଟ୍ ଓ ଜଣେ ଡାକ୍ତରଙ୍କୁ ମିଶାଇ ଚାରିଜଣ ଟୋକିଓ ଅଲିମ୍ପିକ୍ସକୁ ଯିବେ । ଏଥିପାଇଁ ବିଶ୍ୱବିଦ୍ୟାଳୟ ପରିସରରେ ସମ୍ବର୍ଦ୍ଧିତ କରାଯାଇଥିଲା ।