କେଉଁ ଦିନ ହେବ ବନକଲାଗି ନୀତି ? ପ୍ରଶାସନ କହୁଛି ବୁଧବାର, ଦତ୍ତମହାପାତ୍ର ସେବାୟତ କହିଲେ ଗୁରୁବାର ।

କନକ ବ୍ୟୁରୋ: ପୁରୀ ଶ୍ରୀମନ୍ଦିରରେ ବନକଲାଗି ନୀତି ପ୍ରସଙ୍ଗ । ମନ୍ଦିର ପ୍ରଶାସନର ନିଷ୍ପତ୍ତିକୁ ଦତ୍ତମହାପାତ୍ରଙ୍କ ବିରୋଧ । ପ୍ରଶାସନ କହିଛି କାଲି ବନକଲାଗି ହେବ ବୋଲି । ମାତ୍ର ସେମାନେ ପ୍ରସ୍ତୁତ ନଥିବା କଥା କହିଛନ୍ତି ଦତ୍ତମହାପାତ୍ର । ଏହା ସହ ଦତ୍ତମହାପାତ୍ର ସେବାୟତଙ୍କ କହିବା କଥା ଗୁରୁବାର ହେବ ବନକଲାଗି ନୀତି ।

ତେବେ ଶ୍ରୀଜିଉଙ୍କ ବନକଲାଗି ନୀତିକୁ ନେଇ ବିବାଦ କିଛି ଦିନ ଧରି ଲାଗି ରହିଛି । ନୀଳାଦ୍ରିବିଜେ ପରଠୁ ରତ୍ନସିଂହାସନରେ ବନକଲାଗି ନୀତି ହୋଇନି । ଏହାକୁ ନେଇ ସେବାୟତ ଓ ପ୍ରଶାସନ ମଧ୍ୟରେ ବିବାଦ ଚାଲିଛି । ତେବେ ଗୁରୁବାର ବନକଲାଗି ନୀତି ହେବା ନେଇ ନିୟମ ରହିଥିବା କହିଛନ୍ତି ସେବାୟତ । ମାତ୍ର ପ୍ରଶାସନ ବୁଧବାର କରିବାକୁ କହୁଛି ।