ନାମକୁ ମାତ୍ର ଫାଇଭ-ଟି ସ୍କୁଲ: ବାହାରୁ ଚକଚକ୍ ଭିତରେ ଫମ୍ପା, କେଉଁଠି ଖସିଲାଣି ଛାତ, ଆଉ କେଉଁଠି ଛାତରୁ ଗଳୁଛି ପାଣି
କନକ ବ୍ୟୁରୋ: ଛାତ୍ରଛାତ୍ରୀ ସ୍ମାର୍ଟ କ୍ଳାସରେ ପାଠ ପଢିବେ। ସରକାରୀ ବିଦ୍ୟାଳୟରେ ମିଳିବ ଘରୋଇ ବିଦ୍ୟାଳୟର ସୁବିଧା। ଏହି ସ୍ୱପ୍ନକୁ ନେଇୁ ବିଗତ ସରକାର ଫାଇଭ-ଟି ସ୍କୁଲର ଆଖ୍ୟା ଦେଇ ପୁରୁଣା ସ୍କୁଲର ରୁପାନ୍ତିକରଣ କଲେ। କିନ୍ତୁ ବାସ୍ଥବ ଚିତ୍ର କିଛି ଭିନ୍ନ କଥା କହୁଛି । ଯୋଜନାର ମୁଖା ଖୋଲି ଦେଉଛି। ବାହାରୁ ସୁନ୍ଦର ଦେଖାଯାଉଥିବା ବିଦ୍ୟାଳୟର ଭିତର ଫମ୍ପା।
Kanak News is now on WhatsApp
Join and get latest news updates delivered to you via WhatsApp
ଜୟପୁର ଆମ୍ବାଗୁଡ଼ା ଉଚ୍ଚ ବିଦ୍ୟାଳୟର ଚିତ୍ର ବାହାରୁ ସୁନ୍ଦର, ଭିତରେ ଛାତରୁ ସିଲିଂ ଖସି ପଡ଼ିଲାଣି । କ୍ଲାସ ରୁମରେ ଲାଗିଥିବା କମ୍ପୁଟର, ସିସିଟିଭି କ୍ୟାମେରା ସବୁ ନଷ୍ଟ ହେବାକୁ ବସିଲାଣି । ଖାଲି ସେତିକି ନୁହେଁ ବର୍ଷା ହେଲେ ଛାତରୁ ପାଣି ଗଳୁଛି। ଛାତ୍ରଛାତ୍ରୀ ବସିବା କଷ୍ଟକର ହୋଇପଡିଛି ।
ହାଡ଼ିଆ ପଞ୍ଚାୟତରେ ଥିବା ଆଉ ଏକ ଫାଇଭ-ଟି ସ୍କୁଲର ଚିତ୍ର ବି ସମାନ। ସ୍କୁଲ ଭିତର ଠିକ ଅଛି। କିନ୍ତୁ ଛାତରୁ ପାଣି ଗଳୁଛି। ତାକୁ ରୋକିବା ପାଇଁ ଛାତ ଉପରେ ଟିଣ ଛପର କାମ ଚାଲିଛି। ସେପଟେ ଜୟପୁର ବ୍ଳକର ଅତିରିକ୍ତ ଯନ୍ତ୍ରୀ କହିଛନ୍ତି, ଆମ୍ବାଗୁଡ଼ା ସ୍କୁଲର ଫାଇଭ-ଟି ସ୍ମାର୍ଟ କ୍ଳାସ ରୁମ ପାଇଁ ୩୮ ଲକ୍ଷ ଟଙ୍କା ଖର୍ଚ୍ଚ ହୋଇଥିବା ବେଳେ ହାଡ଼ିଆ ସ୍କୁଲ ପାଇଁ ଖର୍ଚ୍ଚ ହୋଇଛି ୪୫ଲକ୍ଷ ଟଙ୍କା । ସରକାର ବଦଳିଗଲେ, ଫାଇଭ-ଟି ନାମ ହଟିଗଲା । ଏବେ ଅଧପନ୍ତରିଆ ଅବସ୍ଥାରେ ପଡ଼ିଥିବା ବିଦ୍ୟାଳୟ କାମ କିଏ କରିବ ତାକୁ ନେଇ ଦ୍ୱନ୍ଦ୍ୱ ଉପୁଜିଛି।