ଧବଳେଶ୍ୱର ପୀଠରେ ଦୁର୍ବଳ ହେଉଛି ଝୁଲାପୋଲ । କଂକ୍ରିଟ ପୋଲ ନିର୍ମାଣ ପାଇଁ କାମ ଆରମ୍ଭ କଲା ଠକା ସଂସ୍ଥା ।
କନକ ବ୍ୟୁରୋ: ଧବଳେଶ୍ୱର ପୀଠକୁ ଯୋଡି ହେବ ପକ୍କା ପୋଲ । ଝୁଲା ପୋଲ ଦୁର୍ବଳ ହୋଇଯାଉଥିବା ବେଳେ ପକ୍କା ପୋଲ ଦେଇ ବାବା ଧବଳେଶ୍ୱରଙ୍କ ଦର୍ଶନ ପାଇଁ ଯିବେ ଶ୍ରଦ୍ଧାଳୁ । ୨୦୧୮ ମସିହାରୁ ଭିତ୍ତିପ୍ରସ୍ତର ସ୍ଥାପନ ହୋଇଥିବା କଂକ୍ରିଟ ପୋଲ ନିର୍ମାଣ ବାବଦକୁ ଅର୍ଥରାଶି ବଢା ଯାଇଛି । ୧୮ କୋଟି ବଦଳରେ ୨୨ କୋଟିର ବ୍ୟୟ ବରାଦରେ ନୂଆ ଟେଣ୍ଡର କରାଯାଇଛି ଏବଂ ଠିକା ସଂସ୍ଥା ପକ୍ଷରୁ ଏବେ ପୋଲ ନିର୍ମାଣର ପ୍ରାଥମିକ ପର୍ଯ୍ୟାୟ କାମ ଆରମ୍ଭ ହୋଇଛି । ଆଗାମୀ ଦୁଇ ବର୍ଷ ଭିତରେ ପୋଲ ନିର୍ମାଣ କାମ ସାରିବା ପାଇଁ ନିର୍ଦ୍ଦେଶ ରହିଛି ।
Kanak News is now on WhatsApp
Join and get latest news updates delivered to you via WhatsApp
କଟକ ଜିଲ୍ଲା ଆଠଗଡ଼ର ପ୍ରସିଦ୍ଧ ଶୈବପୀଠ ବାବା ଧବଳେଶ୍ୱରଙ୍କ ପୀଠକୁ ପ୍ରତିଦିନ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁଙ୍କ ସୁଅ ଛୁଟିଥାଏ । ପୂର୍ବରୁ ଶ୍ରଦ୍ଧାଳୁମାନେ ଡଙ୍ଗା ସାହାଯ୍ୟରେ ମନ୍ଦିରକୁ ଆସୁଥିଲେ । ପରେ ୨୦୦୬ରେ ଏକ ଝୁଲାପୋଲ ନିର୍ମାଣ ପାଇଁ ମଞ୍ଜୁରୀ ମିଳିଥିଲା । ଯାହାର ଭାରସାମ୍ୟ କ୍ଷମତା ଥିଲା ୧୨ଶହ ଥିଲା । କିନ୍ତୁ ରକ୍ଷଣାବେକ୍ଷଣ ଅଭାବରୁ କିଛି ବର୍ଷ ପରେ ଝୁଲା ପୋଲ ଦୃବଳ ହେବାରୁ ଏହାର କ୍ଷମତା ୬ଶହକୁ କମାଇ ଦେଇଛି ଜିଲ୍ଲା ପ୍ରଶାସନ । ଫଳରେ ଧବଳେଶ୍ୱରରୁ ଆସୁଥିବା ଶ୍ରଦ୍ଧାଳୁଙ୍କୁ ଅସୁବିଧା ହେଉଛି । ଏହାକୁ ନଜରରେ ରଖି ପକା ପୋଲ ନିର୍ମାଣ କରିବାକୁ ସରକାର ଉଦ୍ୟମ କରୁଛନ୍ତି । ବାବା ଧବଳେଶ୍ବରଙ୍କ ପୀଠକୁ କଂକ୍ରିଟ ପୋଲ ସଂଯୋଗ ହୋଇପାରିଲେ ଅଧିକରୁ ଅଧିକ ଶ୍ରଦ୍ଧାଳୁ ଆସିବା ସହିତ ବହୁ ସମସ୍ୟାର ସମାଧାନ ହୋଇପାରିବ ବୋଲି ଶ୍ରଦ୍ଧାଳୁ ଆଶା ରଖିଛନ୍ତି ।