କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ପଞ୍ଜାବ ଫିରୋଜପୁର ଗସ୍ତରେ ଯାଇ ସଭା ସ୍ଥଳରୁ ମାତ୍ର ୩୦ କିଲୋମିଟର ଦୂରରୁ ଫେରି ଆସିଛନ୍ତି । ପ୍ରଥମେ ବର୍ଷା କାରଣରୁ ସେ ପ୍ରତ୍ୟାବର୍ତ୍ତନ କରିଥିବା କଥା କୁହାଯାଇଥିବା ବେଳେ ଏବେ ସୁରକ୍ଷା କାରଣରୁ ପ୍ରଧାନମନ୍ତ୍ରୀ ନିଜର କାର୍ଯ୍ୟକ୍ରମ ବାତିଲ କରି ଫେରିଆସିଛନ୍ତି ବୋଲି ପ୍ରଚାର ହେଉଛି । ଏନେଇ ସୁରକ୍ଷା ଦାୟିତ୍ୱରେ ଥିବା ଫିରୋଜପୁର ଏସଏସପି ହରମନ ହଂସଙ୍କୁ ନିଲମ୍ବିତ କରାଯାଇଥିବା ବେଳେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂ ଆଗକୁ ଆସିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କ୍ୟାପଟେନ କହିଛନ୍ତି କି ପଞ୍ଜାବର ଆଇନ ଶୃଙ୍ଖଳା ପରିସ୍ଥିତି ପୂରା ଭୁଷୁଡି ପଡିଛି । ସେ କହିଛନ୍ତି କି ଯଦି ଏକ ରାଜ୍ୟ ସରକାର ଦେଶର ପ୍ରଧାନମନ୍ତ୍ରୀଙ୍କୁ ସୁରକ୍ଷା ପ୍ରଦାନ କରିପାରିବେ ନାହିଁ ତାହା ପୁଣି ପାକିସ୍ତାନ ସୀମାରୁ ମାତ୍ର ୧୦ କିଲୋମିଟର ଭିତରେ ସେତେବେଳେ ଆପଣ ସରକାର ରହିବାର ଅଧିକାର ନାହିଁ । ଏନେଇ ସେ ପଞ୍ଜାବ ମୁଖ୍ୟମନ୍ତ୍ରୀ ଓ ଗୃହମନ୍ତ୍ରୀଙ୍କୁ ଭତ୍ସନା କରିଛନ୍ତି ।
Complete failure of law & order in Punjab, CM & HM Punjab, in particular. When you can’t provide smooth passage to PM of the country and that too just 10km from the Pakistan border, you have no right to stay in office and should quit!: Former Punjab CM Capt Amarinder Singh pic.twitter.com/CmSEuKw8jq
— ANI (@ANI) January 5, 2022
ପଞ୍ଜାବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କାରକେଡ୍ ୨୦ ମିନିଟ୍ ପାଇଁ ଓଭରବ୍ରିଜ୍ ଉପରେ ଅଟକି ରହିବା ପରେ ଏହାକୁ ନେଇ ଏବେ ସାରା ଦେଶରେ ଚର୍ଚ୍ଚା ସୃଷ୍ଟି ହୋଇଛି । ବିଜେପି ନେତାମାନେ ଏହାକୁ ନେଇ ପଞ୍ଜାବ ସରକାରକୁ ଟାର୍ଗେଟ କରୁଥିବାବେଳେ, ପ୍ରଧାନମନ୍ତ୍ରୀଙ୍କ ସୁରକ୍ଷାରେ ସାଙ୍ଘାତିକ ଭୁଲ୍ ହୋଇଥିବା କଥା ମଧ୍ୟ ସାମ୍ନାକୁ ଆସିଛି । ଖାଲି ସେତିକି ନୁହେଁ, ଖୋଦ୍ ପ୍ରଧାନମନ୍ତ୍ରୀ ମୋଦୀ ପଞ୍ଜାବରୁ ଜୀବନ ନେଇ ଫେରିଥିବା କଥା ମଧ୍ୟ କହିଛନ୍ତି ।
ପ୍ରଧାନମନ୍ତ୍ରୀଙ୍କ ସୁରକ୍ଷାର ଦାୟିତ୍ୱ ସ୍ପେଶାଲ ପ୍ରଟେକ୍ସନ୍ ଗ୍ରୁପ୍ ଉପରେ ନ୍ୟସ୍ତ ରହିଛି ଯାହାକୁ ଏସପିଜି ସୁରକ୍ଷା ବୋଲି ମଧ୍ୟ କୁହାଯାଏ । ଏହି ଏସପିଜି କମାଣ୍ଡମାନେ ଦୁର୍ଗ ଭଳି ରହି ଆମ ଦେଶର ପ୍ରଧାନମନ୍ତ୍ରୀଙ୍କ ସୁରକ୍ଷା କରିଥାନ୍ତି । ତେବେ ଏହି ଏସପିଜିର ଗଠନ ୧୯୮୮ ମସିହାରେ ହୋଇଥିଲା ।
ପ୍ରଧାନମନ୍ତ୍ରୀଙ୍କ ପାଇଁ ସ୍ପେଶାଲ କାର୍
ସେହିପରି ପ୍ରଧାନମନ୍ତ୍ରୀ ବ୍ୟବହାର କରୁଥିବା କାର୍ କୌଣସି ଅଭେଦ୍ୟ ଦୁର୍ଗଠାରୁ କମ୍ ନୁହେଁ । ବିଶେଷକରି ପ୍ରଧାନମନ୍ତ୍ରୀ ରେଞ୍ଜରୋଭର, ମର୍ସିଡିଜ୍, ବିଏମଡବ୍ଲ୍ୟୁ ୭୬୦ ଏଲଆଇ କାର୍ ବ୍ୟବହାର କରିଥାନ୍ତି । ନିକଟରେ ଏହି ଲିଷ୍ଟରେ ମର୍ସିଡିଜ୍ ଲିମୋଜିନ୍ କାର୍ ମଧ୍ୟ ସାମିଲ ହୋଇଛି । Mercedes Maybach S650 Guard ମଧ୍ୟ ମୋଦୀଙ୍କ ସୁରକ୍ଷା ପାଇଁ ନିୟୋଜିତ ହୋଇଥିବା ଏକ କାର । ଯେଉଁଥିରେ ଭିଆର-୧୦ ସ୍ତରର ସୁରକ୍ଷା ରହିଛି ।
ଏହି କାରକୁ ପ୍ରଧାନମନ୍ତ୍ରୀଙ୍କ ସୁରକ୍ଷା ପାଇଁ ସ୍ପେଶାଲ ଭାବେ ନିର୍ମାଣ କରାଯାଇଛି । ଏହାର ବଡି ଏକ ବିଶେଷ ଧାତୁରେ ନିର୍ମାଣ କରାଯାଇଥିବାବେଳେ, ଏହା ଏହି କାରକୁ ଏକ ଅଭେଦ୍ୟ ଦୁର୍ଗ ଭାବେ ଗଢି ତୋଳିଥାଏ । ଖାଲି ସେତିକି ନୁହେଁ ୨ ମିଟର ଦୂରରୁ ବି ଏହି କାର୍ ଉପରକୁ ଆକ୍ରମଣକାରୀମାନେ ଆକ୍ରମଣ କଲେ ଏହାର କୌଣସି ବି ପ୍ରଭାବ କାର ଭିତରେ ବସିଥିବା ଲୋକ ଉପରେ ପଡିନଥାଏ ।
ଯଦି ବି କୌଣସି ବ୍ୟକ୍ତି ପ୍ରଧାନମନ୍ତ୍ରୀଙ୍କ କାର୍ ଉପରକୁ ଗ୍ୟାସ୍ ଆଟାକ୍ କରେ । ତେବେ ମଧ୍ୟ ପ୍ରଧାନମନ୍ତ୍ରୀଙ୍କର କୌଣସି ଅସୁବିଧା ହେବ ନାହିଁ । ସେହି ସମୟରେ ଏହି କାର୍ ଏକ ଗ୍ୟାସ୍ ସେଫ୍ କ୍ୟାବିନ୍ ଭଳି କାମ କରିବ । ତା ସହିତ ନିଶ୍ୱାସ ପ୍ରଶ୍ୱାସ ନେବା ପରେ ଏହି କାର୍ ଭିତରେ ଅକ୍ସିଜେନ୍ ମଧ୍ୟ ମହଜୁଦ୍ ଅଛି । ଏତଦବ୍ୟତୀତ ଏହି କାରର ପ୍ରତିଟି କାଚ ବୁଲେଟ୍ ପ୍ରୁଫ୍ । କୌଣସି ଗୁଳିକୁ ବି ଏହି ବୁଲେଟ୍ ପ୍ରୁଫ୍ କାଚ୍ ମାତ୍ ଦେଇପାରେ ।
ସାଙ୍ଗରେ ଚାଲିଥାଏ ଡମି କାର୍
ପ୍ରଧାନମନ୍ତ୍ରୀଙ୍କ କାରକେଡରେ ସେ ବସିଥିବା କାର ଭଳି ଅବିକଳ ନକଲ କାରଟିଏ ମଧ୍ୟ ସାଙ୍ଗରେ ରହିଥାଏ । ଫଳରେ ଆକ୍ରମଣକାରୀ କେଉଁ ଗାଡି ଉପରେ ଆକ୍ରମଣ କରିବେ ତାହା ଜାଣିବା ବେଶ୍ ମୁସ୍କିଲ ହୋଇଥାଏ । ତା ସହିତ କାରକେଡରେ ଏମିତି ଏକ ଗାଡି ରହିଥାଏ, ଯେଉଁଥିରେ ଅନେକ ଆଣ୍ଟିନା ଲାଗିଥାଏ । ଏହି ଆଣ୍ଟିନା କାରକେଡର ୧୦୦ ମିଟର ଭିତରେ ଥିବା ସମସ୍ତ ପ୍ରକାର ବିସ୍ଫୋଟକକୁ ଡିଫ୍ୟୁଜ୍ କରିବାରେ ସିଦ୍ଧହସ୍ତ ।
୭ ଘଣ୍ଟା ପୂର୍ବରୁ ସ୍ଥିର ହୁଏ ରୁଟ୍
ଯେତେବେଳେ ପ୍ରଧାନମନ୍ତ୍ରୀ ଅନ୍ୟ ରାଜ୍ୟ ଗସ୍ତରେ ଯାଇଥାନ୍ତି ସେତେବେଳେ ସୁରକ୍ଷା ଦୃଷ୍ଟିରୁ ପ୍ରାୟ ୭ ଘଣ୍ଟା ପୂର୍ବରୁ ପ୍ରଧାନମନ୍ତ୍ରୀଙ୍କ ରୁଟ୍ ସ୍ଥିର ହୋଇଥାଏ । ଏହାସହ ସହ ଏକ ବିକଳ୍ପ ରାସ୍ତା ମଧ୍ୟ ଚୟନ କରାଯାଇଥାଏ । ତା ସହିତ ପ୍ରଧାନମନ୍ତ୍ରୀଙ୍କ ଗସ୍ତକୁ ସୁରକ୍ଷିତ କରିବାକୁ ଏହାର ଅନେକ ଥର ରିହର୍ସଲ ମଧ୍ୟ ହୋଇଥାଏ । ପ୍ରଧାନମନ୍ତ୍ରୀ ଯେଉଁ ରାସ୍ତାରେ ଗନ୍ତବ୍ୟସ୍ଥଳକୁ ଯାଇଥାନ୍ତି, ସେହି ରାସ୍ତାକୁ ୪ରୁ ୫ ଘଣ୍ଟା ପୂର୍ବରୁ ପୋଲିସ ଅଫିସରମାନେ ଜଗିଥାନ୍ତି । ୧୦ରୁ ୧୫ ମିନିଟ୍ ପୂର୍ବରୁ ସେହି ରାସ୍ତାରେ ସାଧାରଣ ଲୋକଙ୍କ ଯିବା ଆସିବା ମଧ୍ୟ ବାରଣ କରିଦିଆଯାଇଥାଏ ।
ପ୍ରଧାନମନ୍ତ୍ରୀଙ୍କ କାରକେଡକୁ ଏସପିଜି କମାଣ୍ଡମାନେ ସୁରକ୍ଷା ପ୍ରଦାନ କରିଥାନ୍ତିା ତା ସହିତ ସ୍ଥାନୀୟ ପୋଲିସ ଏହି କାରକେଡକୁ ରାସ୍ତା ଦେଖାଇଥାଏ । ତେବେ ମୁଖ୍ୟ ରାସ୍ତାରେ ଯଦି କୌଣସି ସମସ୍ୟା ଉପୁଜେ ତେବେ ବିକଳ୍ପ ରାସ୍ତାରେ ପ୍ରଧାନମନ୍ତ୍ରୀଙ୍କୁ ସୁରକ୍ଷିତ ସହକାରେ ନିଆଯାଇଥାଏ । ତେବେ ଅନ୍ୟ ରାଜ୍ୟକୁ ପ୍ରଧାନମନ୍ତ୍ରୀ ଗଲେ ପ୍ରାୟ ୩ରୁ ୪ ଦିନ ପୂର୍ବରୁ ଏହାର ସମସ୍ତ ପ୍ଲାନିଂ ହୋଇଥାଏ ।