ଯାଆଁଳା କଙ୍କାଳ ମିଳିବା ଘଟଣାରେ କମିଶନରେଟ ପୋଲିସ ଜାରି କଲା ସ୍କେଚ । ଚିତ୍ର ମାଧ୍ୟମରେ ଖୋଜାଯିବ ମହିଳାଙ୍କ ପରିଚୟ ।
କନକ ବ୍ୟୁରୋ: ଯାଆଁଳା ଫାଣ୍ଡି ପରିସରରୁ ମିଳିଥିବା କଙ୍କାଳର ସ୍କେଚ ଜାରି କରିଛି କମିଶନରେଟ୍ ପୋଲିସ । ବେଙ୍ଗାଲୁରୁର ବିଶେଷଜ୍ଞମାନେ ଏହି ସ୍କେଚ ପ୍ରସ୍ତୁତ କରିଛନ୍ତି । ଏହି ସ୍କେଚ ମାଧ୍ୟମରେ ମହିଳାଙ୍କ ପରିଚୟ ଜାଣିବାକୁ ଚେଷ୍ଟା କରିବ ପୋଲିସ । ଏହା କମିଶନରେଟ୍ ପୋଲିସର ପ୍ରଥମ ସ୍କେଚ୍, ତେବେ ଆଗକୁ ଆହୁରି ସ୍କେଚ୍ ଆସିବାର ରହିଛି ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଜାଆଁଳା ଫାଣ୍ଡି ସାମ୍ନାରେ ଥିବା ଗାଡ଼ି ମଧ୍ୟରେ ରହିଥିଲା ୨୦୧୯ ମସିହାରେ ଜବତ ହୋଇଥିବା ଏକ ଏକ୍ସୟୁଭି ଗାଡ଼ି । ଆଉ ଜବତ ଗାଡ଼ିକୁ ମୁକୁଳାଇବା ପାଇଁ ଯେତେବେଳେ ଗାଡ଼ି ମାଲିକ ଆସିଥିଲେ, ଗାଡ଼ି ଭିତରୁ ମିଳିଥିଲା କଙ୍କାଳ । ଫେବୃୟାରୀ ମାସରୁ କଙ୍କାଳ ମିଳିଥିଲେ ସୁଦ୍ଧା, ଘଟଣା ସେତେବେଳେ ସାମ୍ନାକୁ ଆସଥିଲା, ଯେତେବେଳେ ଫାଣ୍ଡି ଅଧିକାରୀ ନିଲମ୍ବିତ ହୋଇଥିଲେ । ଏତିକି ଜଣାପଡିଥିଲା, କଙ୍କାଳ ଜଣେ ମହିଳାଙ୍କର ଏବଂ ତାଙ୍କ ବୟସ ପ୍ରାୟ ୪୫ ବର୍ଷ ।
ଅନ୍ୟପଟେ ଏମ୍ସକୁ ଯାଇଥିବା କଙ୍କାଳର ଖପୁରୀର ବିଭିନ୍ନ ଦିଗର ମାପଚୁପ କରାଯାଇଛି । ଏହାର ଫଟୋକୁ ନେଇ ବେଙ୍ଗାଲୁରର ଏକ୍ସପର୍ଟ ମାନେ ଏହି ସ୍କେଚ ଜାରି କରିଛନ୍ତି । ଯେହେତୁ କଙ୍କାଳରେ କୌଣସି ମାଂସ ନ ଥିଲା, ତେଣୁ ଶରୀରର ରଙ୍ଗ କିପରି ହୋଇଥିବା ତାହା ଅନୁମାନ କରିବା ମୁସକିଲ ହୋଇପଡିଛି । ତେଣୁ ଭିନ୍ନ ଭିନ୍ନ ପ୍ରକାରର କରାଯାଇ ଆହୁରି ୪ରୁ ୫ଟି ସ୍କେଚ୍ ଜାରି ହେବ ବୋଲି ସୂଚନା ମିଳିଛି ।