କ୍ଷୀର ସହ ଜିଲାପିର କମ୍ବିନେସନ୍ । ସ୍ୱାଦିଷ୍ଟ ସହ ସ୍ୱାସ୍ଥ୍ୟ ପାଇଁ ଲାଭଦାୟକ ।
କନକ ବ୍ୟୁରୋ: ମିଠା ସାଧାରଣତଃ କିଛି ବିଶେଷ ଅବସରରେ ତିଆରି ହୋଇଥାଏ ଅଥବା ଘରକୁ ଅଣାଯାଇଥାଏ । କିନ୍ତୁ ଜିିଲାପି ଏପରି ଏକ ମିଠା ଯାହାର ମଜା ନେବାକୁ କୌଣସି ଅବସରକୁ ଅପକ୍ଷା କରିବାକୁ ପଡିନଥାଏ । କିଏ ଏହି ଜିଲାପିକୁ ସାଧା ଖାଇବାକୁ ପସନ୍ଦ କରେ ତ କିଏ କ୍ଷୀର ବା ଖିରା ସହ ଆଉ ପୁଣି କିଏ ଦହି ସହ ଖାଇବାକୁ ପସନ୍ଦ କରେ । ଅଧିକାାଂଶ ଲୋକେ ସକାଳେ ଜଳଖିଆରେ ଜିଲାପି ଖାଇବାକୁ ପସନ୍ଦ କରନ୍ତି । ସକାଳେ ଜଳଖିଆରେ ଜିଲାପି ଖାଇଲେ ତା’ର ସ୍ୱାଦ ଦିନ ସାରା ରହିଥାଏ । ଏହା ସ୍ୱାସ୍ଥ୍ୟ ପାଇଁ ଲାଭଦାୟକ ବୋଲି କୁହାଯାଏ ।
Kanak News is now on WhatsApp
Join and get latest news updates delivered to you via WhatsApp
ଅନେକ ଲୋକ ଏବେ ମଧ୍ୟ ପାରମ୍ପରିକ ଭାବେ ପିଲାଙ୍କୁ ପରୀକ୍ଷା ପୁର୍ବରୁ କିମ୍ବା କୌଣସି ଶୁଭ କାମରେ ଯିବା ପୂର୍ବରୁ କ୍ଷୀର ଜିଲାପି ଖୁଆଇ ଥାଆନ୍ତି । କିନ୍ତୁ କ୍ଷୀର ସହ ଜିଲାପି ଖାଇବା ସ୍ୱାସ୍ଥ୍ୟ ପାଇଁ ମଧ୍ୟ ଲାଭଦାୟକ ବୋଲି ଆପଣ ଜାଣିଛନ୍ତି କି? କ୍ଷୀର ସହ ଜିଲାପି ଖାଇବାର କ’ଣ କ’ଣ ଲାଭ ରହିଛି ଜାଣନ୍ତୁ । କ୍ଷୀର ସହ ଜିଲାପି ଏକ ସୁପର ଫୁଡ ସହ ସମାନ । ଏହା ଷ୍ଟ୍ରେସ୍୍ ହର୍ମୋନ୍ କମ୍ କରିବାରେ ସହାଯ୍ୟ କରିଥାଏ । ଯାହା ଫଳରେ ଅବସାଦରୁ ମୁକ୍ତି ମିଳିଥାଏ । ଏହା ଖାଇବା ଦ୍ୱାରା ଏକାଗ୍ରତା ବଢିଥାଏ ଓ ମୁଡ୍ ମଧ୍ୟ ଫ୍ରେଶ୍ ରହିଥାଏ ।
ମାଇଗ୍ରେନ୍ ପେନ୍ ଓ ଅଧାକପାଳି ଭଳି ମୁଣ୍ଡବିନ୍ଧା ସମସ୍ୟା ଦୂର କରିବାରେ ମଧ୍ୟ କ୍ଷୀର- ଜିଲାପି ଭଲ କାମ ଦିଏ । ବିଶେଷଜ୍ଞଙ୍କ ଅନୁଯାୟୀ ସକାଳେ ଜଳଖିଆରେ କ୍ଷୀର ସହ ଜିଲାପି ଖାଇଲେ ମୁଣ୍ଡବିନ୍ଧା ସମସ୍ୟା ଦୂର ହୋଇଥାଏ ।
କ୍ଷୀର ଓ ଜିଲାପିର କମ୍ବିନେସନ୍ ଓଜନ ବଢାଇବାରେ ମଧ୍ୟ ସାହାଯ୍ୟ କରିଥାଏ । ଜିଲାପିରେ ବହୁ ମାତ୍ରାରେ କ୍ୟାଲୋରୀ ରହିଛି । ଯାହା ଫଳରେ ଜିଲାପି ଖାଇବା ଦ୍ୱାରା ଓଜନ ବଢିଥାଏ । ଯେଉଁମାନେ ବହୁତ ପତଳା ଓ ଓଜନ ବଢାଇବାକୁ ଚାହୁଁଛନ୍ତି ସେମାନେ ସକାଳେ ଜଳଖିଆରେ ଗୋଟିଏ ଗ୍ଲାସ୍ କ୍ଷୀର ସହ ଜିଲାପି ଖାଇପାରିବେ ।
ଥଣ୍ଡା ଯୋଗୁଁ ନିଃଶ୍ୱାସ ନେବାରେ ସମସ୍ୟା ହୋଇଥାଏ । କ୍ଷୀର ସହ ଗରମ ଗରମ ଜିଲାପି ଖାଇଲେ ଥଣ୍ଡା ସମସ୍ୟା ଦୂର ହୋଇଥାଏ ବୋଲି କୁହାଯାଏ । ଏଥିପାଇଁ ପ୍ରତିଦିନ ଗୋଟିଏ ଜିଲାପି ଗରମ କ୍ଷୀରରେ ବୁଡାଇ ଖାଇପାରିବେ ।