ବଜାରରେ ବଢୁଛି ରଙ୍ଗୀନ କୋବିର ଚାହିଦା । ପରୀକ୍ଷାମୂଳକ ଭାବେ ଚାଷ କରି ସଫଳ ହୋଇଛନ୍ତି କେନ୍ଦ୍ରାପଡାର କୃଷ୍ଣଚନ୍ଦ୍ର ବେହେରା
କନକ ବ୍ୟୁରୋ : ବାଇଗଣି ରଙ୍ଗର ଫୁଲକୋବି ଚାଷ । କେନ୍ଦ୍ରାପଡା ମାର୍ଶାଘାଈ ବ୍ଲକ ବିଲବଳରାମପୁର ଗାଁର କୃଷ୍ଣଚନ୍ଦ୍ର ବେହେରା ଜଣେ ପରିବା ଚାଷୀ । ବିଭିନ୍ନ ପ୍ରକାରର ପରିବା ଚାଷ କରି ସେ ତାଙ୍କର ପରିବର ପ୍ରତିପୋଷଣ କରନ୍ତି । ସେ ପୂର୍ବରୁ ଧଳା ଫୁଲ କୋବି ଚାଷ କରୁଥିଲେ । ଚଳିତ ବର୍ଷ ବ୍ଲକରେ ପ୍ରଥମ କରି ବାଇଗଣି ରଙ୍ଗର ଫୁଲକୋବି ଚାଷ କରି ସଫଳତା ପାଇଛନ୍ତି । ଯାଜପୁର ଜିଲ୍ଲା କୁଆଖିଆରୁ ୧୦୦ଟି ମଂଜି ଆଣି ଚାରା ପକାଇ ଏହାକୁ ଅକ୍ଟୋବର ମାସ ଶେଷ ସପ୍ତାହରେ ଚାଷ କରିଥିଲେ । ଏବେ ଗଛରେ ବାଇଗଣୀ ରଂଗର ଫୁଲକୋବି ଫଳିଥିବା ଦେଖି ସ୍ଥାନୀୟ ଅଂଚଳର ଚାଷି ଦେଖିବା ପାଇଁ ଭିଡ ଜମାଉଛନ୍ତି । ବଜାରରେ ମଧ୍ୟ ଏହି କୋବିର ବିଶେଷ ଚାହିଦା ରହିଛି । ଗୋଟାକୁ ୪୦ ରୁ ୫୦ ଟଙ୍କା ଦାମରେ ବିକ୍ରି ହୋଉଥିବା କହିଛନ୍ତି ଚାଷି କୃଷ୍ଣଚନ୍ଦ୍ର । ପନିପରିବା ବ୍ୟବସାୟୀ ମଧ୍ୟ ଗ୍ରାହକଙ୍କ ଆଗ୍ରହ ଦେଖି କୃଷ୍ଣଚନ୍ଦ୍ରଙ୍କ ନିକଟରୁ ଏହି କୋବି କିଣୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୃଷ୍ଣଚନ୍ଦ୍ର ମାର୍ଶାଘାଈ ବ୍ଲକରେ ପ୍ରଥମ କରି ବାଇଗଣୀ ରଙ୍ଗର ଫୁଲକୋବି ଚାଷକରି ସଫଳତା ପାଇବା ପରେ ସ୍ଥାନୀୟ ଅଂଚଳର ଚାଷୀ ମଧ୍ୟ ଏହି କୋବି ଚାଷ ପ୍ରତି ଆଗ୍ରହ ଦେଖାଉଛନ୍ତି । ଏହି କୋବିର ରଂଙ୍ଗ ଗ୍ରାହକଙ୍କୁ ବେଶ ଆକୃଷ୍ଟ କରୁଛି ।