ତେଜୁଛି ସୁପ୍ରିମକୋର୍ଟ-କେନ୍ଦ୍ର ସରକାର ବିବାଦ : ବିଚାରପତି ପାଇଁ ନିଯୁକ୍ତ କଲେଜିୟମ ବ୍ୟବସ୍ଥାକୁ ଏଲିଅନ କହି ସମାଲୋଚନା କଲେ କେନ୍ଦ୍ର ଆଇନ୍ ମନ୍ତ୍ରୀ
କନକ ବ୍ୟୁରୋ : ତେଜୁଛି ସୁପ୍ରିମକୋର୍ଟ-କେନ୍ଦ୍ର ସରକାରଙ୍କ ମଧ୍ୟରେ ବିବାଦ । ବିଚାରପତି ପାଇଁ ନିଯୁକ୍ତ କଲେଜିୟମ ବ୍ୟବସ୍ଥାକୁ ଏଲିୟନ କହି ସମାଲୋଚନା କରିଛନ୍ତି କେନ୍ଦ୍ର ଆଇନ୍ ମନ୍ତ୍ରୀ କିରଣ ରିଜଜୁ । ପୂର୍ବରୁ ମଧ୍ୟ କଲେଜିୟମ ବ୍ୟବସ୍ଥାକୁ ନେଇ ସେ ପ୍ରଶ ଉଠାଇଥିଲେ । ଏବେ ନିର୍ବାଚନ କମିସନରଙ୍କ ନିଯୁକ୍ତି ନେଇ ସରକାର ଓ ସୁପ୍ରିମକୋର୍ଟ ମଧ୍ୟରେ ବିତର୍କ ଚାଲିଥିବା ବେଳେ କଲେଜିୟମ ବ୍ୟବସ୍ଥାକୁ ଏଲିଅନ କହି ବିବାଦକୁ ବଢାଇଛନ୍ତି କେନ୍ଦ୍ର ଆଇନ୍ ମନ୍ତ୍ରୀ । କଲେଜିୟମ ବ୍ୟବସ୍ଥା ସମ୍ବିଧାନ ପ୍ରତି ‘ସର୍ବଥା ଅପରିଚିତ’ ଶବ୍ଦ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋର୍ଟରେ ବିଚାରପତି ନିଯୁକ୍ତ କରିବା ପାଇଁ କଲେଜିୟମ୍ ବ୍ୟବସ୍ଥା ରହିଛି । ସୁପ୍ରିମକୋର୍ଟ ଏହି କଲେଜିୟମ ଗଠନ କରିଥିଲେ । ଆଇନ ମନ୍ତ୍ରୀ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ୧୯୯୧ ପୂର୍ବରୁ ସମସ୍ତ ବିଚାରପତିଙ୍କୁ ସରକାର ନିଯୁକ୍ତ କରୁଥିଲେ । ଏପରି କହି ଆଗାମୀ ଦିନରେ କଲେଜିୟମର ବିକଳ୍ପ ବ୍ୟବସ୍ଥା ପାଇଁ ସରକାର ପ୍ରସ୍ତୁତ ହେଉଥିବା କଥା ପରୋକ୍ଷରେ କହିଛନ୍ତି । ସେତେଦିନ ଯାଏ କଲେଜିୟମ ବ୍ୟବସ୍ଥା ପ୍ରତି ସମ୍ମାନ ରହିଛି ବୋଲି କିରଣ ରିଜଜୁ କହିଛନ୍ତି । କଲେଜିୟମ ବ୍ୟବସ୍ଥା ଆମ ସମ୍ବିଧାନଠାରୁ ଭିନ୍ନ । କଲେଜିୟମ୍ ସିଷ୍ଟମରେ ତ୍ରୁଟି ରହିଛି । ଏହି ବ୍ୟବସ୍ଥା ଉପରେ କୌଣସି ଉତ୍ତର ଦାୟିତ୍ୱ ମଧ୍ୟ ନାହିଁ ବୋଲି ମନ୍ତ୍ରୀ କହିଛନ୍ତି ।