କେନ୍ଦୁଝର ରାଙ୍କି କୋଭିଡ଼ ହସ୍ପିଟାଲର ୫ଶହ ମିଟର ଦୂରରେ ପଡି କରୋନା ଆକ୍ରାନ୍ତଙ୍କ ମୃତ୍ୟୁ ଘଟଣାରେ କାର୍ଯ୍ୟାନୁଷ୍ଠାନ ନେଲେ ଜିଲ୍ଲାପାଳ । କୋଭିଡ ହସ୍ପିଟାଲ ପରିଚାଳକ ବହିଷ୍କୃତ ।
ଉପଜିଲ୍ଲାପାଳ ଓ ସଦର ଏସଡିପିଓଙ୍କୁ ତଦନ୍ତ ନିର୍ଦେଶ
କନକ ବ୍ୟୁରୋ: କେନ୍ଦୁଝର ରାଙ୍କି କୋଭିଡ଼ ହସ୍ପିଟାଲର ୫ଶହ ମିଟର ଦୂରରେ ପଡି କରୋନା ଆକ୍ରାନ୍ତଙ୍କ ମୃତ୍ୟୁ ଘଟଣାରେ କାର୍ଯ୍ୟାନୁଷ୍ଠାନ ନେଇଛନ୍ତି କେନ୍ଦୁଝର ଜିଲ୍ଲାପାଳ । ଏହି ଘଟଣାରେ କୋଭିଡ ହସ୍ପିଟାଲ ପରିଚାଳନା ଦାୟିତ୍ୱରେ ଥିବା ପରିଚାଳକଙ୍କୁ ବହିଷ୍କାର କରାଯାଇଛି । ଏହାସହ ଏହି ପୂରା ଘଟଣାର ତଦନ୍ତ ଦାୟିତ୍ୱ କେନ୍ଦୁଝର ଉପଜିଲ୍ଲାପାଳ ଓ ସଦର ଏସଡିପିଓଙ୍କୁ ତଦନ୍ତ ନିର୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରାଙ୍କି କୋଭିଡ଼ ହସ୍ପିଟାଲ ଠାରୁ ମାତ୍ର ୫ଶହ ମିଟର ଦୂରରେ ରାସ୍ତାକଡ଼ରେ ପଡ଼ି କୋଭିଡ଼ ଆକ୍ରାନ୍ତଙ୍କ ମୃତ୍ୟୁ ହୋଇଛି । ଆକ୍ରାନ୍ତ ଜଣଙ୍କ କୋଭିଡ଼ ହସ୍ପିଟାଲରୁ ଖସି ଯାଇ ରାସ୍ତା କଡ଼ରେ ପଡି ପ୍ରାଣ ହରାଇଛନ୍ତି । ଏହି ଘଟଣା ପରେ ଜିଲ୍ଲାପାଳ ଏବଂ ପୁଲିସ ଅଧିକାରୀ ଘଟଣା ସ୍ଥଳରେ ପହଂଚି ପରିସ୍ଥିତିର ଅନୁଧ୍ୟାନ କରିଥିଲେ । ଗତକାଲି ଅପରାହ୍ନରେ କୋଭିଡ଼ ହସ୍ପିଟାଲରୁ ଜଣେ ରୋଗୀ ଚମ୍ପଟ ମାରିଥିଲେ । ଏହି ଘଟଣା ଜଣାପଡ଼ିବା ପରେ ସୁରକ୍ଷା କର୍ମୀମାନେ ଆଖପାଖ ଅଂଚଳରେ ଖୋଜାଖୋଜି କରିଥିଲେ । ହସ୍ପିଟାଲ ପଛପଟ ଦେଇ ରୋଗୀ ଜଣଙ୍କ ଚମ୍ପଟ ମାରିଥିବା ବେଳେ ୫ଶହ ମିଟର ଦୂରରେ ଥିବା ଅଚିନ୍ତା ମଠ ନିକଟରେ ଅଧିକ ଅସୁସ୍ଥ ହୋଇପଡ଼ିଥିଲେ । ରାସ୍ତାକଡ଼ରେ ପଡ଼ି ତାଙ୍କର ମୃତ୍ୟୁ ହୋଇଛି ।