ସିଏଏକୁ ସମର୍ଥନ କରି ରାଲି କରୁଥିବା ବିଜେପି ନେତାଙ୍କୁ ଚାପୁଡା ମାରିଲେ ମହିଳା କଲେକ୍ଟର , ଲାଠି ଚାର୍ଜରେ ୨ ଆହତ । ଦେଖନ୍ତୁ ଭିଡିଓ
ମଧ୍ୟପ୍ରଦେଶର ରାଜଗଢ ଜିଲ୍ଲାରେ ରବିବାର ସିଏଏ ର ସମର୍ଥନରେ ତ୍ରିରଙ୍ଗା ଯାତ୍ରା ବାହାର କରିଥିବା ବିଜେପି କାର୍ଯ୍ୟକର୍ତ୍ତା ଏବଂ ପ୍ରଶାସନ ଭିତରେ ମୁହାଁମୁହିଁ ହୋଇଥିଲା । ଧାରା ୧୪୪ ଲାଗୁ ହେବା କାରଣରୁ ରାଜଗଢର କଲେକ୍ଟର ନିଧି ନିବେଦିତା ବିଜେପି କାର୍ଯ୍ୟକର୍ତ୍ତାଙ୍କ ପ୍ରଦର୍ଶନକୁ ରୋକିଥିଲେ । କିନ୍ତୁ କାର୍ଯ୍ୟକର୍ତ୍ତା କଥା ନମାନିବାରୁ କଲେକ୍ଟର ଏବଂ କାର୍ଯ୍ୟକର୍ତ୍ତାଙ୍କ ଭିତରେ କଥା କଟାକଟି ହୋଇଥିଲା । ଏହି ସମୟରେ କଲେକ୍ଟର ଜଣେ ବିଜେପି ନେତାଙ୍କ ଗାଲରେ ଚାପୁଡା ମାରିଥିଲେ । ଯେଉଁଥିପାଇଁ ବିବାଦ ଅଧିକ ବଢିଯାଇଥିଲା ଏବଂ ପୋଲିସ୍ ସହ ବିଜେପି କାର୍ଯ୍ୟକର୍ତ୍ତାଙ୍କୁ ନିୟନ୍ତ୍ରୀତ କରିବା ମଧ୍ୟ କଷ୍ଟକର ହୋଇପଡିଥିଲା । ପରିସ୍ଥିତି ଗମ୍ଭୀର ହେବାରୁ ଲାଠି ଚାର୍ଜର୍ କରାଗଲା ଯେଉଁଥିରେ ୨ ଜଣ କାର୍ଯ୍ୟକର୍ତ୍ତା ଆହତ ହୋଇଗଲେ ।
Kanak News is now on WhatsApp
Join and get latest news updates delivered to you via WhatsApp
राजगढ़ में नागरिकता कानून के समर्थन में निकली रैली में कलेक्टर ने जड़ दिये बीजेपी कार्यकर्ता पर थप्पड़! @ndtvindia @shailendranrb @ajaiksaran #UPBJYMSUPPORTSCAA #CAA_NRCProtests #CAA2019 pic.twitter.com/ZlSDIakesv
— Anurag Dwary (@Anurag_Dwary) January 19, 2020
ସିଏଏ ସମର୍ଥନରେ ବିଜେପିର କାର୍ଯ୍ୟକ୍ରମକୁ ଧାରା ୧୪୪ ଲାଗୁ ହୋଇଥିବା କାରଣରୁ ପ୍ରଦର୍ଶନ କରିବା ପାଇଁ ଅନୁମତି ଦିଆଯାଇନଥିଲା । ଏହା ପରେ ବି ବିଜେପି କାର୍ଯ୍ୟକର୍ତ୍ତା ଏକତ୍ରିତ ହୋଇ ରାଲି କରିଥିଲେ । କଲେକ୍ଟର ନିଧି ନିବେଦିତା ଏବଂ ପୋଲିସ୍ କର୍ମୀ ବିଜେପି କାର୍ଯ୍ୟକର୍ତ୍ତାଙ୍କୁ ରୋକିବାକୁ ପ୍ରୟାସ କରିଥିଲେ କିନ୍ତୁ ରାଲିରେ ବାହାରିଥିବା କାର୍ଯ୍ୟକର୍ତ୍ତା ପୋଲିସ କଥାକୁ ଗୁରୁତ୍ୱ ଦେଇନଥିଲେ । ଏହି ସମୟରେ ବିଜେପି କାର୍ଯ୍ୟକର୍ତ୍ତା ଏବଂ ପୋଲିସ୍ ଙ୍କ ଭିତରେ ଧସ୍ତାଧସ୍ତି ମଧ୍ୟ ହୋଇଥିଲା । ଏହି ସମୟରେ ମହିଳା ଅଧିକାରୀଙ୍କ ସହ ଅଭଦ୍ରତା ଏବଂ ତାଙ୍କ ପୋଷାକ ଧରିବା ଭଳି ଘଟଣା ମଧ୍ୟ ଘଟିଥିଲା । ଯେଉଁଥିରେ ଏସଡିଏମ୍ ପ୍ରିୟା ବର୍ମା ରାଲି କରୁଥିବା ଦଳକୁ ନିୟନ୍ତ୍ରଣରେ ରହିବାକୁ ମଧ୍ୟ କହିଥିଲେ କିନ୍ତୁ କେହି ନ ଶୁଣିବା ଏବଂ ଅଭଦ୍ରତା କରିବା କାରଣରୁ ସେ ଜଣେ ବିଜେପି ନେତାଙ୍କ ଉପରେ ହାତ ଉଠାଇଥିଲେ । ପରିସ୍ଥିତି ଗମ୍ଭୀର ହେବାରୁ ଲାଠି ଚାର୍ଜ କରାଗଲା ।