ପୁଣି ଥଣ୍ଡାରେ ଥରିବ ଓଡ଼ିଶା : ୪୮ ଘଂଟା ମଧ୍ୟରେ ୩ରୁ ୪ ଡ଼ିଗ୍ରୀ ତଳକୁ ଖସିବ ରାତିର ତାପମାତ୍ରା

କନକ ବ୍ୟୁରୋ : ପୁଣି ଥଣ୍ଡାରେ ଥରିବ ଓଡ଼ିଶା । ରାଜ୍ୟକୁ ଉତରା-ପଶ୍ଚିମା ଥଣ୍ଡା-ଶୁସ୍କ ବାୟୁ ପ୍ରବେଶ କରୁଥିବାରୁ ପ୍ରବଳ ଥଣ୍ଡା ଅନୁଭୁତ ହେବାର ଆଶଙ୍କା ରହିଛି । ୪୮ ଘଂଟା ମଧ୍ୟରେ ୩ରୁ ୪ ଡ଼ିଗ୍ରୀ ତଳକୁ ଖସିବ ରାତିର ତାପମାତ୍ରା । ଆଜିଠୁ ୩୦ ତାରିଖ ଯାଏଁ ଆଭ୍ୟନ୍ତରୀଣ ଓଡ଼ିଶାରେ ଜାରି ରହିବ ଶୀତ ଲହରୀ । ୧୦ ଡ଼ିଗ୍ରୀ ତଳକୁ ତାପମାତ୍ରା ଖସିପାରେ । ପାହାଡ଼ିଆ ଅଂଚଳ ସହ ଅନେକ ଆଭ୍ୟନ୍ତରୀଣ ଜିଲ୍ଲାରେ ରାତିର ତାପମାତ୍ରା ୧୦ ଡ଼ିଗ୍ରୀ ତଳକୁ କମ୍ ହେବାର ସମ୍ଭାବନା ରହିଛି । ଏନେଇ ପୂର୍ବାନୁମାନ କରିଛି ଆଂଚଳିକ ପାଣିପାଗ ବିଭାଗ ।

ସୁନ୍ଦରଗଡ଼, ଝାରସୁଗୁଡ଼ା, କେନ୍ଦୁଝର, ସୋନପୁର, ବଲାଙ୍ଗୀର ଓ ବରଗଡ଼ ଆଦି ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ୨୯ ତାରିଖ ଦିନ ସୁନ୍ଦରଗଡ଼, ଝାରସୁଗୁଡ଼ା, କେନ୍ଦୁଝର, ସୋନପୁର, ବଲାଙ୍ଗୀର, ସମ୍ବଲପୁର, ଦେବଗଡ଼, ଅନୁଗୁଳ, କଳାହାଣ୍ଡି ଓ ବରଗଡ଼ ଆଦି ଜିଲ୍ଲାରେ ଏବଂ ୩୦ ତାରିଖ ଦିନ ସୁନ୍ଦରଗଡ଼, ଝାରସୁଗୁଡ଼ା, କେନ୍ଦୁଝର, ସୋନପୁର, ବଲାଙ୍ଗୀର, ସମ୍ବଲପୁର, ଦେବଗଡ଼, ଅନୁଗୁଳ, କଳାହାଣ୍ଡି ଓ ବରଗଡ଼ ଆଦି ଜିଲ୍ଲାରେ ୟେ‌ଲୋ ୱାର୍ଣ୍ଣିଂ ଜାରି ହୋଇଛି । ଏହାପରେ ରାଜ୍ୟର ସର୍ବନିମ୍ନ ତାପମାତ୍ରା ବଢ଼ିବା ସହ ରାଜ୍ୟରେ ଶୀତ କମିବ ବୋଲି ପାଣିପାଗ ବିଭାଗ କେନ୍ଦ୍ର ପକ୍ଷରୁ କୁହାଯାଇଛି ।