କନକ ବ୍ୟୁରୋ: ଦୁଇଟି ସମାନ୍ତରାଳ କାର୍ଯ୍ୟକ୍ରମରେ ଶକ୍ତି ପ୍ରଦର୍ଶନ କରିଛନ୍ତି ପାରାଦୀପ ବିଧାୟକ ସମ୍ବିତ ରାଉତରାୟ ଓ ଏନଏସି ଅଧ୍ୟକ୍ଷ ବସନ୍ତ ବିଶ୍ୱାଳ । ରାବଣପୋଡି ଓ କୁମାର ଉତ୍ସବ କାର୍ଯ୍ୟକ୍ରମ ଜରିଆରେ ପତିଆରାର ପ୍ରଦର୍ଶନ ହୋଇଛି ।

ରାବଣପୋଡି ଉତ୍ସବରେ ସମ୍ବିତ ରାଉତରାୟ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ଏଥିରେ ବସନ୍ତ ବିଶ୍ୱାଳଙ୍କୁ ଦେଖିବାକୁ ମିଳିନଥିଲା । ସମାନ୍ତରାଳ ଭାବେ କୁମାର ଉତ୍ସବ କାର୍ଯ୍ୟକ୍ରମରେ ମୁଖ୍ୟ ଅତିଥି ଥିଲେ ବସନ୍ତ ବିଶ୍ୱାଳ । ଏଥିରେ ସ୍ଥାନୀୟ ବିଧାୟକଙ୍କ ଦେଖାମିଳିନଥିଲା

  • ସମ୍ବିତ-ବସନ୍ତଙ୍କ ମଧ୍ୟରେ ଚାଲିଛି କି ଶୀତଳଯୁଦ୍ଧ?
  • କର୍ମୀ ସମାବେଶ କରି ଦେଖାଇଲେ ପତିଆରା

ଗୋଟିଏ ଦିନର ଦୁଇ ଦୁଇଟି କାର୍ଯ୍ୟକ୍ରମ ବିଧାୟକ ଓ ଏନଏସି ଅଧ୍ୟକ୍ଷଙ୍କ ମଧ୍ୟରେ ଚାଲିଥିବା ଶୀତଳ ଯୁଦ୍ଧକୁ ପଦାରେ ପକାଇଛି । ଦୁଇଟି ଅଲଗା ଅଲଗା କାର୍ଯ୍ୟକ୍ରମରେ ଯୋଗଦେଇ ପତିଆରା ଦେଖାଇଛନ୍ତି ଦୁଇ ନେତା ପୂର୍ବରୁ ବସନ୍ତ ବିଶ୍ୱାଳ ପାରାଦୀପରେ ଜନସମ୍ପର୍କ ପଦଯାତ୍ରା କରିଥିଲେ ବି ଏଥିରେ ସମ୍ବିତ ରାଉତରାୟ ସାମିଲ ହୋଇନଥିଲେ । ଏବେ ବସନ୍ତ ପାରାଦ୍ୱୀପରେ ବିଧାୟକ ପଦ ପାଇଁ ଅନେକ ଆଶାୟୀ ଅଛନ୍ତି ବୋଲି କହି ଶୀତଳ ଯୁଦ୍ଧ ଚର୍ଚ୍ଚାକୁ ହାୱା ଦେଇଛନ୍ତି ।