ଗଲବାନ ବୀର ସହିଦ ସନ୍ତୋଷ ବାବୁଙ୍କୁ ମରଣୋତ୍ତର ମହାବୀର ଚକ୍ର । ପତ୍ନୀ ଏବଂ ମା’ଙ୍କୁ ସମ୍ମାନ ପ୍ରଦାନ କଲେ ରାଷ୍ଟ୍ରପତି
କନକ ବ୍ୟୁରୋ: ମହାବୀର ଚକ୍ରରେ ସମ୍ମାନିତ ହେଲେ ସହିଦ ସନ୍ତୋଷ ବାବୁ । ଗଲବାନ ଘାଟିରେ ଚୀନ ସୈନିକଙ୍କ ସହ ହୋଇଥିବା ହିଂସାରେ ପ୍ରାଣବଳି ଦେଇଥିବା କର୍ଣ୍ଣେଲ ସନ୍ତୋଷ ବାବୁଙ୍କୁ ସମ୍ମାନଜନକ ମହାବୀର ଚକ୍ରରେ ସମ୍ମାନିତ କରାଯାଇଛି । ରାଷ୍ଟ୍ରପତି ରାମନାଥ କୋବିନ୍ଦ ସହିଦ ସନ୍ତୋଷ ବାବୁଙ୍କ ସ୍ତ୍ରୀ ଓ ମାଙ୍କୁ ଏହି ସମ୍ମାନ ପ୍ରଦାନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତବର୍ଷ ଲଦାଖର ଗଲବାନ ଘାଟିରେ ଭାରତ ଓ ଚୀନ ସେନାର ଯବାନମାନେ ମୁହାଁମୁହିଁ ହୋଇଥିଲେ । ଏଥିରେ ଉଭୟ ପକ୍ଷର କିଛି ଯବାନ ସହିଦ ମଧ୍ୟ ହୋଇଥିଲେ । ଶତ୍ରୁ ଦେଶର ଏହି ହିଂସାତ୍ମକ ଆକ୍ରମଣରେ ଭାରତୀୟ ସେନା ନିଜର ୨୦ ଜଣ ଯବାନଙ୍କୁ ହରାଇଥିଲା । ଏହା ମଧ୍ୟରେ ସାମିଲ ଥିଲେ ୧୬ ବିହାର ରେଜମେଣ୍ଟର କମାଣ୍ଟିଂ ଅଫିସର କର୍ଣ୍ଣେଲ ସନ୍ତୋଷ ବାବୁ ।ତେବେ ଶତ୍ରୁଦେଶର ସୈନିକଙ୍କ ଆକ୍ରମଣରେ ସନ୍ତୋଷ ବାବୁ ପ୍ରାଣ ହରାଇଥିଲେ ମଧ୍ୟ, ଦେଶ ତାଙ୍କର ଏହି ବଳୀଦାନକୁ ଦେଶ ଭୁଲିପାରିନି । କେନ୍ଦ୍ର ସରକାର ସହିଦ ସନ୍ତୋଷ ବାବୁଙ୍କ ବୀରଚକ୍ର ସମ୍ମାନରେ ସମ୍ମାନିତ କରିବା ସହିତ ପାରା ସ୍ପେଶାଲ ଫୋର୍ସର ସୁବେଦାର ସଞ୍ଜୀବ କୁମାରଙ୍କୁ ମରଣୋତ୍ତର କିର୍ତ୍ତି ଚକ୍ରରେ ମଧ୍ୟ ସମ୍ମାନିତ କରିଛନ୍ତି ।
#WATCH | Col Santosh Babu accorded Mahavir Chakra posthumously for resisting Chinese Army attack while establishing an observation post in the face of the enemy in Galwan valley in Ladakh sector during Operation Snow Leopard.
His mother and wife receive the award from President. pic.twitter.com/vadfvXBz9M
— ANI (@ANI) November 23, 2021
ସୂଚନାଯୋଗ୍ୟ ଯେ, କର୍ଣ୍ଣେଲ ବିକୁମାଲା ସନ୍ତୋଷ ବାବୁଙ୍କ ଜନ୍ମ ୧୯୮୩ ମସିହା ଫେବୃଆରୀ ୧୩ ତାରିଖରେ ହାଇଦ୍ରାବାଦର ସୂର୍ଯ୍ୟପଟ୍ଟ ଗାଁରେ ହୋଇଥିଲା । ସେ ସୈନିକ ସ୍କୁଲରୁ ନିଜର ପାଠପଢା ଶେଷ କରିବା ପରେ ୨୦୦୦ ମସିହା ଡିସେମ୍ବର ୨୭ ତାରିଖରେ ନ୍ୟାସନାଲ ଡିଫେନ୍ସ ଏକାଡେମିରେ ସାମିଲ ହୋଇଥିଲେ । ଏହାପରେ ୨୦୦୪ ଡିସେମ୍ବର ୧୦ ତାରିଖରେ ସେ ଇଣ୍ଡିଆନ୍ ମିଲିଟ୍ରୀ ଏକାଡେମିରୁ ପାସ କରିବା ସହିତ ବିହାର ରେଜିମେଣ୍ଟରେ ସାମିଲ ହୋଇଥିଲେ । ଏହା ଭିତରେ ସେ ବିଭିନ୍ନ ମହତ୍ତ୍ୱପୂର୍ଣ୍ଣ କାମ କରିଦେଖାଇବା ସହିତ ଆଗକୁ ବଢିଚାଲିଥିଲେ । ତେବେ ଗତବର୍ଷ ଗଲବାନ ଘାଟିରେ ଘଟିଥିବା ହିଂସାତ୍ମକ ଆକ୍ରମଣରେ ସେ ପ୍ରାଣ ହରାଇବା ପରେ ତାଙ୍କୁ ମହାବୀର ଚକ୍ର ସମ୍ମାନରେ ସମ୍ମାନିତ କରାଯାଇଛି ।