ଓଡିଶାରେ କାର୍ଯ୍ୟକ୍ଷମ ହେଲା କୋବାସ ମେସିନ୍: ବଢ଼ିବ କରୋନା ସାମ୍ପୁଲ ପରୀକ୍ଷଣ; ଦିନକୁ ୭ଶହରୁ ୮ ଶହ ନମୁନା ହୋଇପାରିବ ପରୀକ୍ଷା
ଆରଏମଆରସି ନିର୍ଦ୍ଦେଶିକାଙ୍କ ସୂଚନା
କନକ ବ୍ୟୁରୋ: କରୋନା ସାମ୍ପୁଲ ପରୀକ୍ଷା ପାଇଁ ଆରଏମଆରସିରେ କାର୍ଯ୍ୟକ୍ଷମ ହୋଇଛି କୋବାସ ଯନ୍ତ୍ର । ଏହି ଯନ୍ତ୍ର କାର୍ଯ୍ୟକ୍ଷମ ହେବା ପରେ ରାଜ୍ୟରେ କୋଭିଡ୍-୧୯ ପରୀକ୍ଷଣ କ୍ଷମତା ବୃଦ୍ଧି ପାଇବ । କୋଭିଡ ପରୀକ୍ଷଣ ପାଇଁ କୋବାସ୍ ମେସିନର ୬ହଜାର ଆଠ ଶୂନ ଶୂନ ମଡେଲକୁ ଆରଏମଆରସିରେ କାର୍ଯ୍ୟରେ ଲଗାଯାଇଛି । ଏହା ଦ୍ୱାରା ଦିନକୁ ଅଧିକରୁ ଅଧିକ ସାମ୍ପୁଲ ପରୀକ୍ଷା କରାଯାଇପାରିବ ବୋଲି ଆରଏମଆରସି ନିର୍ଦ୍ଦେଶିକା ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ କିଭଳି ଅଧିକରୁ ଅଧିକ କରୋନା ସାମ୍ପୁଲର ପରୀକ୍ଷା କରାଯାଇପାରିବ ସେଥିପାଇଁ ଏହି ମେସିନ ବେଶ୍ ସହାୟକ ହେବ ବୋଲି ସେ କହିଛନ୍ତି । ଏହି ମଡେଲ ଦିନକୁ ୭ଶହରୁ ୮ ଶହ ନମୁନା ପରୀକ୍ଷା କରିବାର କ୍ଷମତା ରହିଛି । ରାଜ୍ୟରେ ପ୍ରତିଦିନ ୧ହଜାରରୁ ଅଧିକ କରୋନା ନମୁନା ପରୀକ୍ଷା କରିବାକୁ ପଦକ୍ଷେପ ନିଆଯାଉଥିବା ନେଇ ପୂର୍ବରୁ ରାଜ୍ୟ ସରକାରଙ୍କ ପକ୍ଷରୁ କୁହାଯାଇଥିଲା । ଏବେ ଦିନକୁ ରାଜ୍ୟରେ ୩ଶହରୁ ୪ ଭିତରେ ଶହ ସାମ୍ପୁଲ ପରୀକ୍ଷା କରଯାଉଛି ।