କୋଇଲା ଦୁର୍ନୀତି ମାମଲା । ଅଭିଷେକ ବାନାର୍ଜୀଙ୍କ ପାଇଁ ବଢିଲା ଅଡୁଆ, ବିନୟ ମିଶ୍ରାଙ୍କ ସହ ଅନ୍ୟ ସାଥୀଙ୍କ ୯ କୋଟି ଟଙ୍କାର ସମ୍ପତ୍ତି ଜବତ
କନକ ବ୍ୟୁରୋ : କୋଇଲା ଦୁର୍ନୀତି ମାମଲାରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଭଣଜା ଅଭିଷେକ ବାନାର୍ଜୀଙ୍କ ପାଇଁ ଅଡୁଆ ବଢିବାରେ ଲାଗିଛି । ଅଭିଷେକଙ୍କ ନିକଟତର କୁହାଯାଉଥିବା ବିନୟ ମିଶ୍ରା ସମେତ ୩ ଜଣ ଅଭିଯୁକ୍ତଙ୍କ ୯ କୋଟି ଟଙ୍କାର ସମ୍ପତ୍ତି ଜବତ କରିଛି ଇଡି ।
Kanak News is now on WhatsApp
Join and get latest news updates delivered to you via WhatsApp
ଇଡିର ଜଣେ ଅଧିକାରୀଙ୍କ କହିବା ମୁତାବକ ବେଆଇନ କୋଇଲା ଖନନ ମାମଲାରେ ମନି ଲଣ୍ଡ୍ରିଂ ଆଇନ ବଳରେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଦୁଇଟି ପର୍ଯ୍ୟାୟରେ ଏହି ୯ କୋଟି ଟଙ୍କାର ସମ୍ପତ୍ତି ଜବତ କରାଯାଇଛି ।
ସୂଚନା ମୁତାବକ ଇଡି ପ୍ରଥମ ପର୍ଯ୍ୟାୟରେ ଉତ୍ତରପ୍ରଦେଶର ଆମେଠି ଜିଲ୍ଲା ଓ କୋଲକତାରେ ଥିବା ସମ୍ପତ୍ତି ଜବତ କରିଥିଲା । ଇଡି ଅଧିକାରୀଙ୍କ କହିବା ମୁତାବକ ବେଆଇନ କୋଇଲା ଖଣି ଖୁଳିବା ନେଇ ୧୩୫୨ କୋଟି ଟଙ୍କାର ଦୁର୍ନୀତି ହୋଇଥିବା ଜଣାପଡିଥିଲା ।
ଏହା ପୂର୍ବରୁ ବି ଇଡି ଏହି ମାମଲାରେ ୧୭୧ କୋଟି ଟଙ୍କାରୁ ଅଧିକ ଅଚଳ ସମ୍ପତ୍ତି ଜବତ କରିଥିଲା । ଏହାକୁ ମିଶାଇ ଏହି ମାମଲାରେ ଏପର୍ଯ୍ୟନ୍ତ ୧୮୧ କୋଟି ଟଙ୍କାର ସମ୍ପତ୍ତି ଜବତ ହୋଇଛି । ଏହି ମାମଲାରେ ଇଡି ଅଭିଯୁକ୍ତ ବିନୟ ମିଶ୍ରା ଓ ଅଶୋକ ମିଶ୍ରାଙ୍କୁ ଗିରଫ କରିଛି ।