ୟୁପି ମୁଖ୍ୟମନ୍ତ୍ରୀ ଘୋଷଣା କଲେ ଜନସଂଖ୍ୟା ନୀତି ୨୦୨୧-୩୦ । ପିଲା ସଂଖ୍ୟା ୨ଥିଲେ ମିିଳିବ ଏହିସବୁ ସୁବିଧା ।
କନକ ବ୍ୟୁରୋ : ବିଶ୍ୱ ଜନସଂଖ୍ୟା ଦିବସ ଅବସରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜନସଂଖ୍ୟା ନୀତି ୨୦୨୧-୩୦ ଘୋଷଣା କରିଛନ୍ତି । ଏହି ଅବସରରେ ସେ ବଢୁଥିବା ଜନସଂଖ୍ୟା ଦ୍ୱାରା ବିଶ୍ୱ ସାମ୍ନା କରୁଥିବା ଅସୁବିଧା ସଂପର୍କରେ ବି କହିଛନ୍ତି । ଏହି ସଭାରେ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ଜୟ ପ୍ରତାପ ସିଂ ଉପସ୍ଥିତ ଥିଲେ । ଏହା ପୂର୍ବରୁ ଜନସଂଖ୍ୟା ନିୟନ୍ତ୍ରଣ ପାଇଁ ରାଜ୍ୟ ବିଧି ଆୟୋଗ ଜନସଂଖ୍ୟା ନିୟନ୍ତ୍ରଣ ବିଲ ୨୦୨୧ ର ଡ୍ରାଫ୍ଟ ପ୍ରସ୍ତୁତ କରିଛି । ରାଜ୍ୟରେ ବଢୁଥିବା ଜନସଂଖ୍ୟା ଉପରେ ରୋକ୍ ଲଗାଇବାକୁ ଏଥିରେ ଅନେକ ପ୍ରସ୍ତାବ ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ନୂଆ ଜନସଂଖ୍ୟା ନୀତି ଜାରି କରି କହିଛନ୍ତି କି ଏବେ ସାରା ବିଶ୍ୱ ବଢୁଥିବା ଜନସଂଖ୍ୟାକୁ ନେଇ ଚିନ୍ତିତ । ଜନସଂଖ୍ୟା ନିୟନ୍ତ୍ରଣ ପାଇଁ ପ୍ରଥମେ ସଚେତନତା ଆବଶ୍ୟକ ବୋଲି ସେ କହିଛନ୍ତି । ଏହାସହ ରାଜ୍ୟ ସରକାର ଆଣିବାକୁ ଯାଉଥିବା ବିଲରେ ସବୁ ଧର୍ମ ଓ ସବୁ ବର୍ଗର ଲୋକଙ୍କ ପ୍ରତି ଧ୍ୟାନ ଦିଆଯାଇଛି । ଏହା ସମସ୍ତଙ୍କ ଜୀବନରେ ସୁଖ ଆଣିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ।
Increasing population can be a hurdle in way of development. Every community has been taken care of in Population Policy 2021-2030: Chief Minister Yogi Adityanath pic.twitter.com/WEjuC42tDA
— ANI UP (@ANINewsUP) July 11, 2021
ଆପଣଙ୍କୁ କହିରଖୁ କି ଏହି ଡ୍ରାଫ୍ଟ ମୁତାବକ ଦୁଇରୁ ଅଧିକ ପିଲା ଥିବା ବ୍ୟକ୍ତିଙ୍କୁ ସରକାରୀ ଯୋଜନାରୁ ଲାଭ ମିିଳିବ ନାହିଁ । ଏହାସହ ସଂପୃକ୍ତି ଅବିଭାବକ ସରକାରୀ ଚାକିରୀ ପାଇଁ ବି ଆବେଦନ କରିପାରିବେ ନାହିଁ । ଏହାସହ ୨ ରୁ ଅଧିକ ପିଲାଥିଲେ ସେମାନେ ନିର୍ବାଚନ ଲଢିବାରୁ ବଞ୍ଚିତ ହେବେ । ଏହାସହ ଗୋଟିଏ ପରିବାରର ରାସନ କାର୍ଡରେ ସର୍ବାଧିକ ୪ ଜଣଙ୍କ ନାମ ରହିବ । ୨ ରୁ ଅଧିକ ପିଲାଥିଲେ ସରକାରୀ ଯୋଜାନାରେ ମିଳୁଥିବା ରିହାତି ପାଇଁ ସେମାନେ ଆବେଦନ କରିପାରିବେ ନାହିଁ । ହେଲେ ୟୁ.ପିର ନୂଆ ଜନସଂଖ୍ୟା ନୀତିରେ ଜଣେ ବ୍ୟକ୍ତି ୩ୟ ସନ୍ତାନ ପୋଷ୍ୟ ଭାବେ ଗ୍ରହଣ କରିପାରିବ ।
ଅନ୍ୟପଟେ ୨ ବା ତା ଠାରୁ କମ୍ ପିଲାଥିବା ଅବିଭାବକ ସହ ପିଲାମାନଙ୍କ ପାଇଁ ଏହି ଡ୍ରାଫ୍ଟରେ ଅନେକ ସୁବିଧା ସୁଯୋଗ ଯୋଗାଇ ଦିଆଯାଇଛି । ଏହି କାଟାଗୋରୀରେ ଯାଉଥିବା ଅବିଭାବକ ମାନେ ସରକାରୀ ଚାକିରୀ କରିଥିଲେ ସେମାନଙ୍କୁ ଅଧିକ ୨ ଟି ସାଲାରୀ ଇନକ୍ରିମେଣ୍ଟ ମିଳିବ । ଏହାସହ ପଦୋନ୍ନତି ଓ ୧୨ ମାସର ମାତୃତ୍ୱ କିମ୍ବା ପିତ୍ୃତ୍ୱ ଛୁଟି ମିଳିବ । ଅନ୍ୟ ପଟେ ଯାହା ପାଖରେ ସରକାରୀ ଚାକିରୀ ନାହିଁ ସେମାନଙ୍କୁ ପାଣି, ବିଜୁଳି, ହୋମ ଟ୍ୟାକ୍ସ, ହୋମ ଲୋନ ଭଳି ଅନେକ ସୁବିଧା କରାଯାଇଛି ।