କନକ ବ୍ୟୁରୋ : ପୂର୍ବ ପରି ଆଜି ପୁଣି ସକାଳୁ ସକାଳୁ ପ୍ରଥମେ ଗୋଶାଳା ଯାଇଛନ୍ତି ଉତରପ୍ରଦେଶ ମୁଖ୍ୟମନ୍ତ୍ରୀ । ଆଉ ସେଠାରେ ଗୋରୁ ଗାଈଙ୍କୁ ଖାଇବାକୁ ଦେଇଛନ୍ତି । ଗୋରଖପୁରରେ ରହୁଥିବା ବେଳେ ପ୍ରତିଦିନ ସକାଳୁ ପ୍ରଥମେ ସେ ଗୋରୁଗାଈଙ୍କୁ ଖାଇବାକୁ ଦେବା ପରେ ହିଁ ମନ୍ଦିରରେ ପୂଜା କରିବାକୁ ଯାଉଥିଲେ । ତେବେ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ନେବା ପରେ ରାଜଧାନୀ ଲକ୍ଷ୍ନୌରେ ରହୁଥିବାରୁ ତାଙ୍କର ଜୀବନଚର୍ଯ୍ୟାରେ କିଛି ପରିବର୍ତନ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ମୁଖ୍ୟମନ୍ତ୍ରୀ ହେବା ପରେ ଗତକାଲି ପ୍ରଥମ ଥର ପାଇଁ ନିଜ ନିର୍ବାଚନ ମଣ୍ଡଳୀ ତଥା କର୍ମଭୂମି ଗୋରଖପୁରକୁ ଆସିଛନ୍ତି ଯୋଗୀ ଆଦିତ୍ୟନାଥ । ଆଜି ସେ ଗୋରଖପୁରରେ ହିଁ ରହିବେ । ସଭାଗାରରେ ଗୋରଖପୁର ମଣ୍ଡଳର ଅଧିକାରୀମାନଙ୍କ ସହ ବିକାଶ ପ୍ରସଙ୍ଗରେ ଆଲୋଚନା କରିବେ । ଏହାସହ ଯୋଗୀରାଜ ବାବା ଗମ୍ଭୀରନାଥଙ୍କ ବ୍ରହ୍ମଲୀନ ଶତବାର୍ଷିକୀ ପୂର୍ତିର ସମାପନ ସମାରୋହରେ ମଧ୍ୟ ସାମିଲ ହେବେ ଯୋଗୀ ଆଦିତ୍ୟନାଥ । ଏହି ଅବସରରେ ସେ ଗୋରଖପୁରବାସୀଙ୍କୁ କୃତଜ୍ଞତା ଜଣାଇବା ସହ ନିଜକୁ ନାୟକ ନୁହେଁ, ବରଂ ଜଣେ ସାଧାରଣ ଯୋଗୀ ବୋଲି କହିଛନ୍ତି ମୁଖ୍ୟମନ୍ତ୍ରୀ ।